Populaire Bijbelverzen uit INṬANNA 11

Deel

Chun, LALPA chun, “Ngai ta u, mihai hi pumkhat an nih a, an rêngin ṭawng hmunkhat an nei bawk sih a; hi thil an thaw phut a ni hi; tuhin chu an thilthaw tum hrim hrim hi khappêk ruol ni ta naw ni hai. Thaw ro, zu fêng ei tiu a, ṭawng an inhriettuo thei nawna dingin khutaka khun an ṭawng zu suk- tumpêk ei tiu,” a ta.

Chun, “Thaw ro, khawpui siem ei ta, in insâng a sîpin vân tawng dingin bâwl bawk ei tiu a, ei hming sukthang ei tiu; chuong naw chun hnuoi chung po poa hin sukdarin um rawi ei tih,” an in tih a.

Chuleichun, a hming chu Babel an tih a; LALPAIN chutaka chun hnuoia mi po po ṭawng chu a suktumpêk ta leiin: chutaka inthawk chun LALPAIN anni chu hnuoi chung po poa chun a sukdar ta bawk a.

Chun, hnuoia mi po po chu ṭawng hmunkhat le thu hril dân hmunkhat an ni vawng a.

Chun, LALPA chu mihriem nauhaiin khawpui le in insâng an siem vêl chu en dingin a zu ṭum a.

Chuongchun, LALPAIN anni chu chutaka inthawk chun hnuoi chung po poa chun a sukdar tah a; chuongchun, an khaw siem khawm chu an tâwpsan tah a.