Populaire Bijbelverzen uit MATTHAI 19

Deel

Jesuh nih a zoh hna i an sinah, “Cucu minung caah tuahkhawh a si lo, asinain Pathian he cun zeizong vialte tuah khawh a si,” tiah a ti.

Cuticun pahnih an si ti lo i titsa pumkhat an si cang. Cucaah Pathian nih a fawnhmi cu minung nih ṭhen hlah seh,” tiah a leh hna.

An sinah, “A hramthawk ah anmah Sertu nih ‘Pa le nu ah a ser hna,’ ti le ‘Hiruangah hin pa nih anu le apa a kaltâk lai i a nupi â tlaih lai; cuticun titsa pumkhat an si cang lai,’ a ti, timi hi nan rel bal lo maw?

Asinain Jesuh nih, “Ngakchia kha ka sinah ratter hna ulaw, dawn hna hlah u; zeitintiah vanbawi pennâk cu hibantuk hna caah hin a si,” tiah a ti.

Asinain mi tampi hmasa bik kha a hnu bik an si lai i a hnubik a hmasa bik an si lai.

Ka min ruangah inn, unau, farnu, nu le pa, fale hna le loram a kaltâkmi cu a letza in an hmu ṭhân lai i zungzal nunnâk zong an ngei lai.

Jesuh nih, “Tlamtlingmi si na duh ahcun, va kal law, na ngeihmi vialte zuar law, mi sifak va pe hna, cun vanah ro na ngei lai, cun ra law ka zul,” tiah a ti.

Anih nih, “Zeiruangahdah ṭha tiah naka ti? Ṭha cu pakhat lawnglawng a um. Cucu Pathian a si. Nunnâk i luh naduh ahcun nawlpêk kha zul hna,” tiah a ti.

Kan chimh ṭhân hna, “Pathian pennâk chung i mirum luhnâk cha cun kalauk ṭhim hna i luh a fawi deuh,” tiah a ti.

Kei nih cun nupa sualnâk an tuah ruangah si loin, nupi a ma i midang a `himi pauh cu ṭangdang kaimi an si. Cun mâkmi a `hitu zong ṭangdang kai a si,” tiah kan ti hna.

Jesuh nih lamkaltu hna sinah, “Biataktein kan chimh hna, mirum caah vanbawi pennâk chung i luh cu a har tak takmi a si.