Populaire Bijbelverzen uit 約翰 6

Deel

耶穌㧯佢等講：「𠊎就係生命个糧食。到𠊎這位來个，永遠毋會飢；信𠊎个，永遠毋會渴。

給人生命个係聖靈，肉體係無麼介路用个；𠊎㧯你等講个話會使你等得到賜生命个靈 。

毋好為到會腐爛个食物操勞，愛為該存到永生个食物打拚。這食物就係人子愛賜給你等个，因為人子係阿爸上帝所印證个。」

因為阿爸个旨意係愛使所有看到孻仔並信佢个人得到永遠个生命；在末日，𠊎愛使佢等復活。」

耶穌應講：「信上帝所差來个，這就係上帝愛你等做个工作。」

凡係阿爸所賜給𠊎个人攏總會到𠊎這位來。到𠊎這位來个，𠊎絕對毋會拒絕佢；

西門‧彼得 應講：「主啊，你有永生个話，𠊎等還愛跈麼人呢？

𠊎就係對天頂降下來、該賜生命个糧食；食這糧食个人永遠毋會死。𠊎所愛賜給人个糧食就係𠊎个肉，係愛使世間人得到生命个。」

若毋係該差𠊎來个阿爸吸引人，無人會到𠊎這位來；到𠊎這位來个，在末日𠊎愛使佢復活。

因為上帝所賜个糧食就係該對天頂降臨、將生命賜給世界个。」

𠊎就係生命个糧食。

耶穌拿起餅仔來，感謝上帝後，就分給坐等个人；魚仔也係恁樣分；大家全部得到所需要个。 佢等食飽以後，耶穌吩咐學生講：「將所賸个餅碎仔全部拈起來，毋好打喪。」

學生搖槳，大約行五六公里，看到耶穌在湖面向船行等過來，就盡著驚。 耶穌㧯佢等講：「係𠊎，毋使驚！」