Populaire Bijbelverzen uit San Mateo 4

Deel

Ra saa ndakuiin Jesús kachi ra saa xiꞌin ri: ―Tuꞌun Ndioxi ra suꞌva va ke kachi ña: “Süvi ndiakua ixta vi ke kuvi kutiaku yuvi xiꞌin, chi kutiaku tu na ña kandixa na takundiꞌi tuꞌun ña kaꞌan Ndioxi va” ―kachi ra xiꞌin ri.

Ra saa ndikaꞌan Jesús xiꞌin ri kachi ra saa: ―Timiaꞌa, kuatiaꞌa nuu yu, saa chi xiniñuꞌu kandixa va yu tuꞌun Tata yu Ndioxi ña kaꞌan ña xiniñuꞌu ndasakaꞌnu yu indaa mituꞌun saa ra kan, ra indaa ra kan tu kandixa va yu, ^kachi ña ―*kachi ra xiꞌin ri.

Saa ndakuiin Jesús kachi ra saa xiꞌin ri: ―Ra kaꞌan tu tuꞌun Ndioxi kachi ña suꞌva va: “Na köto ndoso yuvi Ndioxi” ―kachi ña, kachi ra xiꞌin ri.

Saa kuu ra ndakiꞌin Tachi Yii Ndioxi Jesús kuaꞌan ra xiꞌin ña chi iku yuu, ra ikan ixtondoso timiaꞌa ra. Ra te ndixinu uvi xiko kaꞌñu, xiꞌin uvi xiko ñuu ña ndixiyo suꞌun Jesús, ña ndixïxi ra, ra saa xaꞌa ndikaꞌun ini ra.

Ra saa ndikaꞌan Jesús xiꞌin ndia kachi ra saa: ―Naꞌa ndo na kuꞌun yo xiꞌin yu, ra sañaꞌa yu ndoꞌo ndia kuꞌva ke ndatuꞌun ndo xiꞌin yuvi ra ndakundikun na yuꞌu ―*kachi ra xiꞌin ndia. Ndia saa ra ndikun ndakoo ndia inu ndia ña tava ndia tiaka ra ndakundikun ndia kuaꞌan ndia xiꞌin va ra.

Ra kii kan xaꞌa Jesús kaꞌan ndoso ra tuꞌun Ndioxi nuu yuvi, kachi ra saa: ―Nandiko ini ndo xaꞌa kuachi ndo ra ndakiꞌin ndo ichi Ndioxi, chi xa kuyachin va ra ña kaꞌndia ra chiñu nuu ndo ―*kachi ra xiꞌin na.