Populaire Bijbelverzen uit Mat 24

Deel

Bɔɔbɛ́ ká yaányákána bɛhaála bikime a nyɛnamá enyí bú kéé témbúnyísíki nulénéne nɔ́ baacɔ. Mbá ɔɔcɔ ewú u kéé yeéhíkínyínyi muuyé ɔ ɔkɔɔ́háma a nyɛmana, Bandɔ́mɛsɛ́ kéé wuúci nohi.

Bé kéé húlikinyi baacɔ bekime bá ɔmɛsɛ́ okime Ambányɛ yɛ́ Ɛsɔ́ma yí *Butéŋí bɔ́ Ɔmuaná, ananyía be-ti-wuúci-menyí bekime ébú yiíyi lɔ́kɔ́máka. E elime eécí aná ɔmɛsɛ́ káá mána. »

Ekúlú ayɛ́ nu ká nɔ́ lɔ́kɔ́máka bá kɔ́ɔnaka anyía mɔnɔŋɔ ŋaá nua biité meéme ne meéme, ta anyía nu lɛcaka baacɔ ɔɔ́nɔ́kɔ́nɔ́ e biité, nuti líkíméke ta bɔkɔ, ananyía bɛsana eébí ŋá nyɛmána bɛ́ ɔbɛ́kɛ́láka ; mbá tɛ́ cáŋa hí e ekúlú eéyé ɔmɛsɛ́ káá mána.

Baacɔ bá bunɔŋɔ a búmɔtɛ́ ká bɔ́ támbána biité na baacɔ bá bunɔŋɔ bú etémbí ; butéŋí a búmɔtɛ́ kɔ́ɔ́ tɔ́kɔ butéŋí bú etémbí ; mecíli káá bá meéŋí, ɛmɛsɛ́ bínyíékínyi bɛhaála bɛhaála. Bɛsana eébí bikime káá bá bɛsana bí nyitúme nyɛ́ ɔbɛ́nyíá mɔɔhɔ.

Na ɔmɛsɛ́ na ɔmuaná káá mána, mbá taaká cɛ́ bíámɛ bɛsana tɛ káá mána ta buɔ́sɛ́. »

Yááŋa anyía baacɔ beéŋí ká bɔ́ fáakɔna eémi eé nyiínyi, hú naányɛ́ u kɔɔnaka ɔsɛ : “Yaŋɔ́, ya mɛ́ŋa Mesíi”. Bé ké bú néŋéke baacɔ beéŋí.

Aáná baacɔ ká bɔ́ banɔ́ fíímbieke i indekese, bá banɔ́ ɔɔ́nɔ́kɔ. Baacɔ bá mɔnɔŋɔ mekime ká bɔ́ banɔ́ líŋekine aámɛ a asana. Asana eéyé káá kɛla anyía baacɔ beéŋí ábɔ́ bɛ́yúátáka úúbú olumitinine. Bé ke bú túékénéne, bé líŋekenene. Behémúnyi bɛsana bá bɛfala beéŋí ká bɔ́ hálaka ; bé ke bú bísúékíne baacɔ beéŋí ne munéŋéne.

Mbá ɔsɛ náábɔ́ : « Énu bíkékényíki ; ta ɔɔcɔ tɛ banɔ́ néŋé !

Yaátɛ́ asana, énu limíne babɛ́tábɔ́nákánɔ́ bikúlú bikime, anyía Ɔɔ́nɔ́ u ɔɔcɔ ká ka hálɔ́mɔ́na o onjéŋí awɔ́ nu tɛ ŋá nɔ́ bɛ́táá anyía u káá fáaya. »

Nɔtɛ hɛ́táka hiiné aná, anyía nu ti ŋé nú menyi buɔ́sɛ́ ebú uunú Otéŋí a Waáŋá ká ka hálɔ́mɔ́na.

« Yááŋa anyía, ta ɔɔcɔ ti ŋé menyi ekúlú eéyé, ta buɔ́sɛ́, te onjéŋí ; te hú *bililé bɛ́ masɔ́ma bɛ́ Bandɔ́mɛsɛ́, ta hú Ɔɔ́nɔ́ u Bandɔ́mɛsɛ́, mbá hú ciamɛ Síkíne bímuócí u ŋe ményi.

Yááŋa anyía ne bemesíi bá bɛfala ne *behémúnyi bɛsana bá bɛfala ká bɔ́ hámɔ́kɔ́na, bé tóŋgínyi tubílícínyínyí, bá kɛ́laka bɛandándá bí *bikéki bɛ́ bɛsana, anyía bébú néŋéke te eebe abá Bandɔ́mɛsɛ́ ŋɔ lɔ́tɔ́kɔ, ɔ́kɔ yááŋa yɛ́ ɔbá aáná.

Ánɔ bɛ́tááka anyía bɛsana a bɛ́ ŋa bɛ́kɛ́láka ɔ mɔɔ́sɛ́ amá Nɔ́a ŋaá bá weé líhéke káá bɛ́kɛ́láka híáná ɔ buɔ́sɛ́ bɔ́ nyɛkahálɔ́mɔ́na nyɛ́ Ɔɔ́nɔ́ u ɔɔcɔ. Yááŋa anyía e ekúlú eéyé, baacɔ ŋaá bá bábɔ́ nyíáka, bá muákɛ́na, bá bátɛ́ákɛ́na beénjú, bé tónyíki itónyi ɔ ɔkɔɔ́háma ɔ buɔ́sɛ́ abɔ́ Nɔ́a ŋo yóófíne a yaandándá yí hikóló. Manɔ́ŋɔ́ tí beébe kátɛ́á ɔ ɔkɔɔ́háma ayɛ́ yaandándá yí olondí ŋeé túme ɔnaa, yó beébe ɔɔ́nɔ́kɔ bekime. Híáná bú káá bá ɔ buɔ́sɛ́ bɔ́ nyɛkahálɔ́mɔ́na nyɛ́ Ɔɔ́nɔ́ u ɔɔcɔ.