Populaire Bijbelverzen uit Mat 16

Deel

Aáná u ŋaá laána bááyɛ́ baákɔ́nɛ́na ɔsɛ : « Mbɔ́kɔ ɔɔcɔ ŋa yáamba ɔ mɛ látáka, wé bíkíne wuúci bɛ́muátá, wá háya owé a ambalá, mbá u mɛ látáka.

Ɛ́ɛ, ɛ ŋa mɛ́ ɔ laana isíʼo : Ɔ ɔ́ŋa nyɛndányɛ́. A nyɛndányɛ́ eényí ɔ ɔmuaná i ké mi túméke híími hiɔ́bɔ hí belumitinine. Aáná ta makɛ́nda me owé ti kéé hiíhi yáka buúse bukime.

I ké mi o wiínjie tulibe tú *Butéŋí bɔ́ Ɔmuaná. Bɔkɔ ebú o kóó koti aaha ɔ ɔmɛsɛ́, búá yáa báka bukotínyí ɔ Ɔmuaná ; bɔkɔ ebú o kóó lumitine ɔbɛ́kɛ́la aaha ɔ ɔmɛsɛ́, búá yáa báka belumítínénú ɔbɛ́kɛ́la ɔ Ɔmuaná. »

Yááŋa anyía, mbɔ́kɔ ɔɔcɔ ŋeé léne otétényi úúyé olíhe, u kéé wuúci nyímísi ; mbá ɔɔcɔ ewú u kéé nyímísi úúye olíhe aámɛ a asana kéé líhéke taaká ci olíhe.

Bɔmbányɛ bɔ́ yaátɛ́ ɔɔcɔ ŋa lɛ́ca ekúlú ayɛ́ wá yáambaka, yɔ́ bɔ́ŋɔ buŋaŋa bɔ́ ɔmɛsɛ́ bukime, mbɔ́kɔ u ŋeé nyímísi úúyé olíhe e ? Na aátɛ́ aná wáŋa wu ɔháŋɔ́náka úúyé olíhe e ?

Mbá ɔsɛ : « Mbá banɔ́ʼo, nɔsɛ ya mɛ́ŋa áányɛ́ e ? » Mbá Símon Bíel ɔsɛ : « Ɔ ɔ́ŋa *Mesíi, Ɔɔ́nɔ́ u Bandɔ́mɛsɛ́ a wáŋa wɔɔ́sɔ. »

Aáná Yésus ŋeé wuúci laána ɔsɛ : « Símon, ɔɔ́nɔ́ u Sɔ́nas, ɔ ɔ́ŋa ɔmbányɛ ; tɛ́ cáŋa ɔɔcɔ ú mɔ yɔ́ɔ nambɔnɛna asana eéyé, mbá ciamɛ Síkíne cɛ Ɔmuaná.