Populaire Bijbelverzen uit នាវ​នតើម 9

Deel

កោរាញ​ឞ្រាស​លាស​ជឹត៖ “គ៝ប់​អ៝ន់​នទើ​មឞេន​មា​ខាន់​មៃ​គឹត​នាល់​នាវ​តឹម​រាង្លាប់​គ៝ប់​នទ្រែល​ខាន់​មៃ នទ្រែល​មា​ទឹង​លែៈ​រាងោច​នទើ​អី​គែស​នាវ​រេស​គុ​នទ្រែល​ខាន់​មៃ នាវ​តឹម​រាង្លាប់​អ្យា​នហ៝​រ៝​អាប់​រានោក។ គ៝ប់​អ៝ន់​គែស​ឞេស​ចុង​តឹង​គ៝ប់​តា​កាលើ​ត្រោក គៃ​មា​ឆៃ​នទើ​មឞេន​អ៝ន់​គឹត​នាល់​នាវ​តឹម​រាង្លាប់​គ៝ប់​នទ្រែល​មា​នែស​នតូ។

លាស​ឞេស​ចុង​តឹង​គុ​តា​កាលើ​ត្រោក គ៝ប់​អ្វាញ់​ពាង់ កាស​គឹត​នាវ​តឹម​រាង្លាប់​គ៝ប់​ហោម​នហ៝​រ៝ នទ្រែល​មា​លែៈ​រាងោច​នទើ​អី​ហោម​រេស​តា​នែស​នតូ​អ្យា”។

ឞូ​ម៝ស​ពាង់​អី​ញចាយ​មហាម​ឞូនុយ្ស ឞូ​មរា​ញចាយ​មហាម​នើម​អី​នៃ​មោ​ក្លាយ្ស​រ៝ យ៝រ​លាស​គ៝ប់​ញជេង​ឞូនុយ្ស​នើស​កើត​គ៝ប់​នើម​ងាន់​រ៝។

ជេសរី​កោរាញ​ឞ្រាស​អ៝ន់​នាវ​គែស​ជេង​មា​ នោអេ  នទ្រែល​មា​ពែ​នុយ្ស​ក៝ន​ឞូ​ក្លោ​ពាង់ កោរាញ​ឞ្រាស​លាស៖ “អ៝ន់​ឞាៈ​អ៝ស​រ៝ង​ក៝ន​ឞឹក​រឹ​លាម​នែស​នតូ​អ្យា!

ទឹង​លែៈ​មពោមពា​(ឆ្យុម)​អី​គែស​នាវ​រេស​តា​នែស​នតូ​អ្យា អ៝ន់​មា​ខាន់​មរែ​ឆ៝ៈ​ជាន​ត្រាវ​ទាទេ គ៝ប់​អ៝ន់​ទឹង​លែៈ​នទើ​អ្យា​មា​ខាន់​មៃ​កើត​គ៝ប់​អ៝ន់​ត្រាវ​បាង់​មា​ខាន់​មៃ​នើស​ដ៝ង់។

គ៝ប់​អ៝ន់​ខាន់​មៃ​ជាន​កោរាញ​មា​ទឹង​លែៈ​នតីល​មពោមពា​(ឆ្យុម) ទឹង​លែៈ​ឆ្យុម​មពារ់​កាលើ​ត្រោក ទឹង​លែៈ​មពោមពា​(ឆ្យុម)​ហូង​វើរ​តា​នែស នទ្រែល​មា​ទឹង​លែៈ​នតីល​កឹត​កា​តា​ត្រោម​ទាក​វាច់​ទាក​វារ់ នតើម​ឞើស​អាបៃ​រី​ទឹង​លែៈ​មពោមពា​(ឆ្យុម)​អី​នៃ​ក្លាច​ញឆ៝រ់​ខាន់​មៃ​ទាទេ។

អាបៃ​អ្យា​គ៝ប់​អ៝ន់​ខាន់​មៃ​គែស​ក៝ន​គែស​ឆៅ​ឞឹក​រឹ​លាម​នែស​នតូ​អ្យា”។