Populaire Bijbelverzen uit Chivkeeb 15

Deel

Anplaas txhaj ca sab ntsoov rua tug TSWV tej lug. Vim nwg muaj kev ca sab, tug TSWV txhaj txaus sab heev rua nwg hab suav has tas nwg yog ib tug tuabneeg ncaaj nceeg.

Tom qaab ntawd Anplaas ua ywgtoog hab nov tug TSWV has rua nwg tas, “Anplaas, koj tsi xob ntshai. Kuv yuav ua dlaim hlau thaiv koj hab kuv yuav muab tej nqe zug kws zoo heev rua koj.”

Vaajtswv coj Anplaas tawm moog rua nrau zoov hab has rua nwg tas, “Koj tsaa qhovmuag saib sau ntuj hab suav cov nubqub sau saib koj suav puas txheeb, koj yuav muaj xeebntxwv coob npaum le tej nubqub ntawd ntaag.”

Ces dlhau ntawd lug, nwg rov qaab nov tug TSWV has rua nwg ib zag ntxiv tas: “Tug tubqhe Eli-exes yuav tsi tau ua tug tuav koj tej qubtxeeg qubteg, koj tug tub kws koj yug txhaj yog tug kws yuav tuav koj tej qubtxeeg qubteg.”

Tug TSWV has rua nwg tas, “Koj tej xeebntxwv yuav moog nrug cov tuabneeg txawv tebchaws nyob, puab yuav moog ua luas qhev nyob lub tebchaws ntawd hab yuav raug kev quab yuam tsimtxom moog txug plaub puas xyoo.

Tabsis Anplaas teb has tas, “Tug TSWV kws kaav ib puas tsaav yaam, kuv yeej ibtxwm tsi muaj tub, koj yuav muab nqe zug zoo rua kuv ua dlaabtsi? Tug kws yuav tuav kuv tej qubtxeeg qubteg, ces yog Eli-exes kws yog tuabneeg Damaxes nkaus xwb.

Nub ntawd tug TSWV txawm coglug tseg rua Anplaas has tas, “Kuv yuav muab taagnrho lub tebchaws nuav pub rua koj cov xeebntxwv, txij ndlua ntawm Iziv nrimteb lug moog txug ndlua rua ntawm tug Dlej Efalates

Tom qaab kws dlhau plaub tam tuabneeg lawm, koj cov xeebntxwv yuav tau rov qaab lug rua ntawm nuav, rua qhov kuv yuav tsi ntab cov tuabneeg Amaules tawm moog txug thaus puab ua kev phem kev qas kuas txaus kuv rau txim rua puab tsaiv.”