Populaire Bijbelverzen uit Ibeb 15

Deel

Eberam ochechieek ikọ ya Okumugwem otumube. Okumugwem onenisa me lek ichechieek ya ifuk Eberam kubọk ogwu ata irọrọ.

Mgbọ inu chi otutuuk orakabe, Okumugwem onenitumu inyi Eberam me emen ilaak ọkpọchieen̄ ibe, “Eberam, katet ukpook. Emi me lek n̄a nre agbọ kwun̄; mkpukpe kwun̄ îwa enenen.”

Okumugwem onenisa Eberam isibi oyet, mè initumu inyi ibe, “Bene chieen̄ kpọ akpa isinyọn̄, mè fuk-nu ntoronyan̄ òkup me akpa isinyọn̄ kpọ-nu, mè ìre owu môkọt ifuk iriọọn̄ otu ifuk kiban̄! Îre ikeya ke bọn owot iman kwun̄ ebewa ikup.”

Okumugwem otutumu inyi Eberam ibe, “Ìkare ogwu usun̄ yi oborie ìrot kwun̄. Îre gwun̄ òbonan̄a me akpalek kwun̄ isibi oborie ìrot kwun̄.”

Okumugwem onenitumu inyi Eberam ibe, “Riọọn̄ me atikọ, ibe ke bọn owot iman kwun̄ mêre ebi ichen me ofifi ido, mè ikana usun̄ inyi ebi ido ya. Ebi ido ya mêtutuku ema efit acha ini.

Eberam ofọfọọk ibe, “Jei, Ogwukaan̄-ene Okumugwem, ìre keke ke obonyi emi? Kpọ, emi ǹkakaan̄ gwun̄. Îre ogwu usun̄ n̄a Elieja ogwu Damasikọs obokaan̄ uwu n̄a.

Usen ya ke Okumugwem onyan̄a ibot melek Eberam, mè itumu inyi ibe, “Îre bọn owot iman kwun̄ ke nsa ijọn̄ yi inyi, bene me okwaan̄ Ijipiti si re lek ikpele okwaan̄ Yuferetis.

Mgbọ bọn owot iman kwun̄ mêmumanabe iso ukot ini me ido usun̄ kiban̄, ema mêyaka igwu ikom ika inu me inyọn̄ ijọn̄ keyi. Mije, îre mgbọ ya ke ijo inu ebi Amọ ebi ìluk me inyọn̄ ijọn̄ yi ekirọ oboso ifuk. Mgbọ keyi, ijo inu kiban̄ ìkasoso-nu ifuk.”