Populaire Bijbelverzen uit Paidáish 8

Deel

Aur ḲHUDáWAND ne un kí ráhatangez ḳhushbú lí; aur ḲHUDáWAND ne apne dil meṉ kahá, ki Insán ke sabab se maiṉ phir kabhí zamín ko la‘nat nahíṉ bhejúṉgá; kyúṉki insán ke dil ká ḳhayál laṛakpan se burá hai; aur na phir sab jándároṉ ko jaisá ab kiyá hai, márúṉgá. Balki jab tak zamín qáim hai, bíj boná aur fasl káṭná, sardí aur tapish, garmí aur jáṛá, din aur rát mauqúf na hoṉge.

Tab Núh ne ḲHUDáWAND ke liye ek mazbah banáyá; aur sab pák chaupáyoṉ aur pák parandoṉ meṉ se thoṛe se lekar us mazbah par soḳhtaní qurbáníáṉ chaṛháíṉ.

Phir Ḳhudá ne Núh ko, aur kull jándároṉ aur kull chaupáyoṉ ko, jo us ke sáth kishtí meṉ the, yád kiyá: aur Ḳhudá ne zamín par ek hawá chaláí, aur pání ruk gayá.

aur wuh kabútarí shám ke waqt us ke pás lauṭ áí; aur dekhá to zaitún kí ek táza pattí us kí choṉch meṉ thí. Tab Núh ne ma‘lúm kiyá, ki pání zamín par se kam ho gayá.