Populaire Bijbelverzen uit KANTHOUNA 15

Deel

Heirou ani UMPUya malungamkur; heitounei ngamrou UMPUne Abramya tharmu chim thimi khat khoini yapikur.

Heihillouri UMPUne Abram'nung yongkar'anyerbi kanre-kandangni loushunpikur, “Chimaklo, Abram; Keiri neiyei raalsouna chungme, heirou neiyei klahman tangni marshikbini leilei.”

Heirou UMPUne ayari daangra urthutloubini shun, “Asinungri nangni nungthoura mangalthilaka, heitoubi sorwa rapya mshing sherthilaka; nangni heirapya mshing sherchichanganungri, neiyei yu-cha rapkhi heisibil chungyerpirou,” toubi UMPUne anungei shunpikur.

Heirou thilak, UMPUei tloulhangni anungei asitoubi yunpilei, “Ahakpane neiyei cheem-kei lukrou cha'mranglam nimakme, heiya neiyei shullam hakparei pukrou kyou cha'mranglam heihakpani neiyei cheem-kei lukthung thimi hoirou.”

Heirouri Ane Abram'nung shun, “Nangni kanre-kandangni mulaka, touri neiyei chanao rapne yaiyei ram nimaknara ram taangbini leirou, heitoubi yani bi heirouwei thimi rapbei shok khoini lhoutoubi leirou; heirou yani kum macha-phali yaya marhotbini khoupirou.

Heirou Abram'ne loukyun, “Pu DUNPU, keiyei chanaokhi pukmakurya mubini, Nangni keinungei kouya pirou touneiyo? Heirou keiyei cheem-kei lukrou thimiri Damascus'rei Eliezer nimakeiko?”

Heiyei tlaini heihakrou UMPUne Abram'nung tlou kantomkril khat khoubini kyun, “Neiyei yu-cha rapnungei Keine ram awaya, Egypt kung'rouweini Kungtang, touri Euphrate waphani piwurla.

Heiya yani neiyu-neicha rapbei chaan-phali hungtlungeinung bi heirouwei kallengthutrou; ngamri Amoria rapne yaidoura marhotrou kyou heiri watleihui.”