Populaire Bijbelverzen uit JOHN 14

Deel

“Ke’n kadahlon pek chei khachu mōngna hi kae, kapek chei hi kei khet mōngna kha kae. Vânhnōi tapek chei kapōa kapek chei changmak. Nanmalung mandong mak ruh, ṭi’m ṭimak ruh.

Jesu’n amasôn, “Kei hlam leh akadik khana hringna eng kha kae; keia tei loa tûte Pa hneng semak.

Jesu’n ahnenga ati, “Nanmalung manrim mak ruh: Pathen taksen ruh, khana ke’m ataksen ruh.

Pa khan Inthōpui, Rathla Intheng kei rahminga ajōngtir sik khana heirakip amanthei sik chei khana kaleihri pek chei rakip mandonsōtna apek sik chei.

“Tu achang inum kaṭong pek hei inhlânga akajui mi kha kei inlungset hei kae. Kei ani inlungset mi kha kapa’n amalungset sik kae; ke’num ama kalungset sik khana ama hneng kei khet inlâr sik eng.”

Ke’n Pa hneng nangni inthōpui ahlop inkhat akadiktak Rathla kha nanka-ompui ṭhak sik a ajōng pekna sik chei kader sik. Ama kha Pathen chungchânga akadik kaphôngsōt Rathla kha kae. Ama kha vânhnōi in chentor mak, ajârchu hmu um hmutor mak khana manhret um manhret tor mak a kae. Tâk-kha ama’n nangni a-ompui cheia nanshunga a-om jâra, nanmanhret a kae.

Sapa inphut Pa lûrna kha anhmu theina sik, karahminga nantader rakip kha ke’n katlo pek sik chei. Karahminga hei-achang inum nander eng inchu, khavakha ke’n katlo pek sik chei.

“Nangni’n kei nanilungset a achang inchu, kaṭong pek chei jui ruh.

Kapa inna omna sik den katamtak ka-om, khana kei nangni sik omna hmun intluk akase sik eng kae. Kha achangmak inchu ke’n nanhnenga hivahi kaleihri mak sik kae.

Khana kavasea nangni sik hmun kavamantluk sō leh jōng inle sik eng khana ka-omna hmun a khan nan-omna sik kahnenga kaṭhōi sik jo chei.

Thomas in ahnenga, “Rōngpu, keini’n nasena sik hmun kha manhret mak ung; khava hmun jōnna sik hlam kha heikhong mo kanta manhret sik?” ati.