Populaire Bijbelverzen uit Klei Mphŭn Dơ̆ng 6

Deel

Khua Yang hƀlŏk kyuadah Ñu mjing leh mnuih kmưn ti lăn ala, leh anăn Ñu mâo ai tiê ênguôt.

Khua Yang ƀuh klei măk ƀai mnuih kmưn jing prŏng ti lăn ala, leh anăn jih klei mĭn ai tiê diñu knŏng jing jhat nanao.

Ƀiădah Y-Nôê mâo klei pap ti anăp ală Khua Yang.

Nĕ anei phung anak čô Y-Nôê. Y-Nôê jing mnuih kpă ênô, amâo mâo klei năng ƀuah ôh hlăm ênuk ñu. Y-Nôê êbat mbĭt hŏng Aê Diê.

Snăn Khua Yang lač, “Kâo srăng bi rai mơ̆ng lăn ala mnuih kmưn Kâo hrih leh, mnuih kmưn wăt hlô mnơ̆ng, mnơ̆ng êbat ban, leh anăn čĭm hlăm adiê; Kâo hƀlŏk kyua Kâo mjing hĕ leh diñu.”

Tơdah phung mnuih kmưn dơ̆ng lar êngŭm ti rŏng lăn ala, leh anăn diñu mâo phung anak mniê, phung anak êkei Aê Diê ƀuh phung anak mniê phung mnuih kmưn jing siam; leh anăn digơ̆ dôk mô̆ hŏng hlei pô digơ̆ ruah. Khua Yang lač, “Mngăt myang Kâo amâo srăng dôk nanao hlăm mnuih kmưn ôh, kyuadah ñu jing kđeh. Ƀiădah ăt ñu srăng dôk hdĭp sa êtuh dua pluh thŭn.” Phung mnuih prŏng dlông dôk hdĭp ti lăn ala ênuk anăn, leh anăn êdei tinăn hlăk phung anak êkei Aê Diê dôk hŏng phung anak mniê mnuih kmưn leh anăn diñu bi mâo anak; phung anăn jing phung mnuih jhŏng ktang hlăm ênuk đưm. Diñu jing phung hing ang.

Y-Nôê ngă snăn; ñu ngă jih tui si klei Aê Diê mtă leh.

Aê Diê lač kơ Y-Nôê, “Klei tuč kơ jih jang kđeh truh leh ti anăp Kâo; kyuadah diñu bi bŏ leh lăn ala hŏng klei ƀai, leh anăn Kâo srăng bi rai diñu mbĭt hŏng lăn ala.

Brei ih ngă sa boh kŭmpăn hŏng kyâo gôphê. Brei ih ngă lu boh adŭ hlăm kŭmpăn anăn, leh anăn klia ñu hŏng êa ƀlĭt bitumen hlăm lam leh anăn ti êngao.

Aê Diê dlăng kơ lăn ala, leh anăn Ñu ƀuh lăn ala bŏ hŏng klei soh jhat; kyuadah jih jang mnuih knŏng tui klei jhat.

Bi mŭt mbĭt hŏng ih hlăm kŭmpăn dua drei grăp mta mnơ̆ng hdĭp, sa drei knô sa drei ana, čiăng pioh diñu hdĭp