Populaire Bijbelverzen uit Ɔkɔ̀hɔ̀n-wá-bɔ̀ kɔ̀hɔ̀n hán 1

Deel

Tɛ́n nyɛ lɛ cɔ́ ecüì tɔ̀n ɛnvra léyi Ɛnhɛ́n Prɔnprɔn kɛ lɛ vá ny'ɛwú nɔn. Zɛtɛn, nyɛ lɛ srɔ mɛ́n dalɛfuɛ-di-bɔ̀ Zherüzalɛmɛ̀n anmàn, Zhüde mán Samari kpɔsɔ wú hàn mán ɛnhibù kru trɔ.”

Zhezü mrɛ́n y'ɔmùan le: “Kè sɩ̀ wá tán nyɛ̀n le, nyɛ́n nyri ɛnvra mán ɛnbì, ɔmuhi Dade wá ɛnvra hɔ̀n lɔ nɛ́n zri n'ɛkɔrɛ̀-levriemɛ̀n nɔn.

Ɛnbì tɔ̀n léyi nɛ́n mán yɔ mɛhi yɔ zî ɛci nɔn, nɛ̀n wá tán yɔ le: “Nyɛ́n bɩ́ cɔhɔ́ Zherüzalɛmɛ̀n anmàn, tɛ́n nyɛ́n vrá eci léyi Dade wá ɔmùan nɔn, ecice-ci léyi mɛ̀n dɔ́ nyɛ̀n yi ankà nɔn. Ɔmuhi Zhan bɩ́ ɛnshi wá anwrɔn ɛnkru nɔn, tɛ́n nyɛ tɛn, ɛnvra bruemɛ̀n, Ɛnhɛ́n Prɔnprɔn mɛ̀n de yɛ lɛ wá nyɛ̀n ɛnshi ɛnkru nɔn.”

Annanwɔrɛ mɛ̀n lɔ, n'owù mɛẅi lɔ, nɛ̀n bɩ́ n'edomɛ̀n nɛ̀n yé eci-woroan-ci mɛ̀ntɛ mɛ̀ntɛ mɛ̀n, ô yɔ nyri ɔmu le nɛ̀n dú ɔkɔrɛ-bɔ̀ mɛ̀n: ɛbi ɛkoẅi-anhyrɛ̀ nɛ̀n bɩ́ n'edomɛ̀n nɛ̀n yé yɔ kɩ nɛ̀n dɔ́ yɔ Anhobɩ́ Nɛ̀ncüì-dúyri ankà.

Ɛnvra léyi Zhezü dɔ́ ankà ndɔ hɔ̀n lɔ trɔ nɔn, nɛ̀n tɔhú nɛ hɔ́n anhobɩ́, kɩ yɔ lɛ fɛn yɔ nyan nɛ̀n; Zɛtɛn ɛnwì-gbú tɔ̀n wá sɛ́n y'ezì.

Yɔ dú Zhezü ɛnyanmɛ̀n n'anhobɩ́ hɔ́n mɛ̀n, kɩ anwrɔn anhyrɛ̀ cɔ́ ɛceci wosu nyɔn yɔ ɛtɛsɛ̀n kɩ kɛ dɔ́ yɔ le: “Galile-bɔ̀, cɛci kruhú kɛ̂ nyɛ́n nyɔn ɛnu lɔ nyɛ nyán anhobɩ́ɛ? Zhezü ndɔ léyi ye bɩ́ sɔhɔ́ ny'antamɛ̀n kɛ hɔ́n anhobɩ́ nɔn, ke le vru kɛ̀ vá ɔmu zri léyi nyɛ́n kán nɛ̀n nɛ hɔ̀n nɔn.”