Populaire Bijbelverzen uit Okutandika 7

Deel

MUKAMA yaagambira Noa ati: Ija n'eka yaawe yoona, mutaahe omu meeri; ahakuba omu b'obusingye obu niiwe ndeebire ohikiriire.

Kandi amaizi gaamara ebiro igana na makumi ataano, gakishandaire aha nsi.

Omu mwaka gwa Noa ogwa magana mukaaga omu kwezi kwa kabiri aha kiro kya ikumi na mushanju, eryo izooba enshuro zoona ez'okuzimu zikaiguka, n'amadirisa g'omu iguru gaigurwa.

Buri kintu kyona ekihuriire ekyabaire kiri ahansi kyacwekyerezibwa, abantu, enyamaishwa, ebirikugyendesa enda n'ebirikuguruka omu mwanya; byamarirwaho kimwe omu nsi; Noa wenka yaaba niwe yaatsigaraho, n'abu yaabaire aine omu meeri.

Enjura yaamara ebiro makumi ana neegwa nyomushana na nyekiro.