Populaire Bijbelverzen uit Cenisihs 37

Deel

Coosap tahsh kiih⁠pawaacike. Ahpii tahsh kaa⁠wiintamawaatc wiicihkiweya' aaniin kaa⁠inaapantank, miihsh aanciihke kaa⁠ishi nishkenimikotc.

Isriyal (Israel) tahsh nawac okiih shawenimaan Coosapoon ahpiihc wiin i'i kotak okosihsa' aaniihsh miiwanini kaakii ayaawaatc kiih⁠kihci aya'aawitc. Okii oshihtamawaan tahsh kaye kashkiikiiwin pepahkaan kaakii ishinaakwaninik.

Ahpii tahsh iki kotak wiicihkiweyimaak ekii waapamaawaatc Coosapoon nawac e⁠shawenimikonitc otetewaan, miihsh kaa⁠ishi shiinkenimaawaatc, kaawiin kaye wiihkaa pisaan okiih kanoonaahsiwaawaan.

Inashke tahsh miinawaa Coosap kiih⁠pawaacike. Miihsh miinawaa kaa⁠ishi wiintamawaatc wiicihkiweya' ekii'inaatc, “Ninkii ishi pawaacike, ekii waapamak kiisihs, tipihkikiisihs, mitaahshipeshik wanankohshak kaye ekiih pawaanakwaa ekii animihkohtaawaatc enaahsamiiwak,” okii'inaa'.

Wiicihkiweya' tahsh Coosap okii ayaashenimikoo'. Oteten tahsh okiih kihciwentamini kaakii ihkitotc.

Miitahsh kaa'inaatc wiicihkiweya', “Taka pisintamok kaa⁠wiintamawinakook aaniin kaa⁠inaapantamaan. Kiinawint iinsan kikii ayaamin mihshawahkamik ekii ohkwahpitooyank pahkweshikani mashkohsiin. Inashke tahsh niin kaakii ohkwahpitooyaan kiih⁠pasikwiimakanoon, ekiih kwayahkokaapawiimakahkin iinsan. Ini tahsh wiin kiinawaa kaakii ohkwahpitooyek iinsan okii waakaashkaanaawaa kaakii ohkwahpitaawak ekii animihkohtaamakahkin.”

Taka tahsh ampeyohk, nihsaataa, kika piinciwepinaanaan itahsh i'imaa onta'ipaanink kaa⁠paankwaninik, miitahsh ke⁠ihkitoyank, ‘Aya'aawihshan okiih kiihkamikoon.’ Kika waapantamowaamin itahsh kaye aanti naa kaa⁠ishihsenikwenan opawaacikanan,” kii‑ihkitowa'.

Miitahsh ahpii kaakiih pi takohshininitc Mitiyan (Midian) ahkiink onci ininiwa' kaakii onciinitc kaakiih papaamataawenitc. Iki tahsh wiicihkiweyimaak okiih kitaanihkaanenaawaan Coosapoon kaakii ishi'ayaanitc onta'ipaanink ekii ataawaakewaatc, niishtana waapaapihko shooniyaan ekii inakimaawaatc. Iishmeyal kaatinowiwaatc tahsh kii⁠ataawewak Coosapoon ekii ishiwinaawaatc Iicipahkiink.

Miitahsh kaa⁠ihkitonitc eh⁠kakanoonitinitc, “Ina'awe kaa⁠nihtaa pawaaciketc kaa⁠pinaakositc!

Niiyaak tahsh okii waapamikoo' wiicihkiweya' eh⁠pinaakositc. Cipwaa tahsh otihsaatc aasha okii onenimikoo' ewii nihsikotc.

Miihsh kaa‑ani ihkitotc, “Taka kaawiin kika nihsaahsiwaanaan, taka i'imaa ishi piinciwepinaataa onta'ipaanink kaashi paankwaninik o'omaa pikwacaya'ii, keko papaamenimaahkek,” kii‑ihkito. Kiih⁠kiishaaci onentam iitok ewii wiici'aatc Coosapoon ewiih kiiwewinaakopanen kaye kaashi ayaanitc oteteni.