Populaire Bijbelverzen uit Cenisihs 22

Deel

Miitahsh o'o kaa⁠ishinihkaatank i'imaa kaakii ishi'ayaawaatc, “KaaTipenciketc kaashi ontinamaaketc.” Noonkom tahsh keyaapi kaa⁠kiishikahk ishinihkaate, “KaaTipenciketc okihci waciimink ishi ontinamaake.”

O'o tahsh Kishemanitoon okii'ikoon, “Taka noonkom maaciish kikosihs kaa⁠mihci peshikotc Aaisik (Isaac) , aahpici kaa⁠shawenimatc. Weti ishiwihsh Moraayaa (Moriah) ahkiink. Ke⁠waapata'inaan tahsh peshik kihci waciw, mii hsa 'iwe keshi pakitinatc a'a kikosihs ci⁠pakitinaahsowaakeyan, niin ci⁠miishiyan,” okii'ikoon.

Miitahsh kaa'ikotc, “Keko kekoon tootawaahken ke⁠onci wiihsakentank a'a kikosihs. Noonkom tahsh ninkihkentaan e⁠kihtenimatc, e⁠na'ihtawatc kaye Kishemanitoo, aaniihsh kaawiin awaac pankii kisaakihtamawihsii a'a kaa⁠mihci peshikotc kikosihs.”

Eparahaam tahsh kii‑ihkito, “Kishemanitoo hsa ta⁠ontinamaaso maanahcaanihshenhsan ke⁠aapatisinitc wiih⁠pakitinaahsowintc,” kii‑ihkito. Miihsh kaa‑anishi niishoo'ohsewaatc ini okosihsan.

Kekeht tahsh kika kihci shawenimin, aahpici hsa ninka ishi'aak kipiwesiimak ci⁠tahshiwaatc taapishkoo wanankohshak kaa⁠tahshiwaatc ishpimink kiishikonk, kaa⁠tahswewaawankahk kaye mihtaawank naanew kihcikamiink. Kipiiwesiimak hsa kaye oka shaakooci'aawaa' ke⁠miikaanikowaatc. I'imaa hsa kipiiwesiimink kaa⁠tahswewaanakisiwaatc pemaatisiwaatc o'omaa ahkiink eyaawaatc ta⁠onci shawentaakosiwak aaniihsh kiin kikii na'ihtaw kaakii ishi kanooninaan,” okii'ikoon.

Naanaake tahsh e⁠ani ishihsenik, Eparahaam (Abraham) okii kakweci'ikoon Kishemanitoon. Miitahsh o'o kaa'ikotc, “Eparahaam.” O'o tahsh okii ishi nahkwehtawaan, “O'omaa nintayaa.”

KaaTipencikenitc otencalimini (angel) tahsh okiih kanoonikoon ekii'ikotc, “Eparahaam Eparahaam.” Miihsh kaa⁠ishi nahkwehtank, “O'omaa nintayaa.”

KaaTipencikenitc otencalimini tahsh miinawaa okiih kanoonikoon Eparahaam, “Niin hsa piko niwiinsowin nintaapacihtoon o'o kaashi ahpimoyaan. Ke'ininaan hsa aahpici kika wenooci shawenimikoon aaniihsh kikii ishihcike kaakii'ininaan. Kaawiin kaye kikiih saakihtamawihsii kaa⁠mihci peshikotc kikosihs.

Ahpii tahsh ekii ani takohshinowaatc Kishemanitoon kaakii'ikowaatc ci‑ishaawaatc, Eparahaam kii⁠onaapihkinike, mihsan kaye okii onaahkohsitoonan i'imaa wakicaya'ii. Miitahsh kaa⁠ishi mamaancikwahpinaatc okosihsan ekiih pimihshimaatc i'imaa onaapihkinikanink, wakici mihshi kaye.