Text: © Alliance Biblique du Cameroun, 2003 Audio: ℗ 2007 Hosanna

Massana - 2007 Edition (NT) Drama

<div class="version vid557 iso6393mcn" data-vid="557" data-iso6393="mcn">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s">Yer-goyta vi sa ma vu&#599;i dukina</div><div class="r"> Mark 8:22-25; 10:46-52</div><div class="p"> 1Hay li ma Yesu ka tu&#599; vokomu, nam wi san kep ma vu&#599;i dukiya. 2Sa hatayna valamu jobomu: Rabbi, ma li suluk kayn gige? San zawni lebo sumiyam su? Kay nam vu&#599;i dukiya! 3Yesu hot dita: Nam li suluk&#599;i, sumiyam&#599;i kaw, may van kayni li nala kay lopna vi Lawna fi &#599;ek goy kalam hara&#331;i. 4La linige kaw nay as li lopna vi nam ma ganina, hay li ma nay ka hay falayta tuwa, henjeta ma ma'a hay li ma sa as li lop&#599;i. 5Hay li ma nan ka hay nagata, nanu mi hara&#331;a vi nagata. 6Bugol nam di kayni dina, nam tuf nenen gaa kay nagata, hili&#595; nagan hi&#599;i nenena. Bugolda nam set naga namna kulo ir sa ma dukina. 7Nam dum ala: Tu&#599;a&#331;u, muza&#331; tuwa&#331; hay goor-golo&#331;ga vi Silowe -- kayn min di ala giya. Nam kaliya muz tuwamu, hay li ma nam hotaya, nam mu&#599;i wi cetet'. 8Sugoliyomna hi&#599;i sa wum jewna kaw ala nam mi sa ma ay si&#599;aw hay hagata, nisi di'e: Nam zawni mi sa ma ay musi goy gal hagata kay si&#599;awna &#599;isu? 9Sum sara di'e: Mi namu. Segen di'e: A'a, nam zawn slum sliy &#614;awa. Nam kay tuwam di'e: Kayni mi nanu. 10Nisi dumu: Ira&#331; mal goy kayn maltige? 11Nam hot dita: Sa ma yum ala Yesu hili&#595; nagana, nam setem iranu, dan ala: Tu&#599;a&#331; muza&#331; hay Silowe. Nan kaliya, muz tuwanu, nan fi wida may. 12Nisi dumu: Sa namna ka arige? Nam hot dita: Nan may wi&#599;i.</div><div class="p"> 13Nisi mar sa ma dukina ay tam sa Farisena. 14May fatta ta Yesu hili&#595; nagana, malam iram goyo kaw kayni hay buur ma sabatna. 15Sa Farisena sli lawtiya kay jobom ala iram mal goy kayni maltige. Nam disiya, nam hili&#595; nagana, setem iranu, nan muz goyo, bugolda nan mu&#599; wi'e. 16Sum sara jar sa Farisena di'e: San kayni may vi Lawna pa&#599;i, kay nam may li ku&#599; gatta vi sabatna&#599;i. Segena di'e: Sa ma suluk&#331;a as kay li &#599;ekka ki kayn nala ir nanige? 17Ku&#599; kayni &#595;urawta coowa jarsiya. Nisi di tam sa ma dukina lo: Na&#331;u na&#331; di mige kalamu, kay nam mala&#331; ira&#331;awa goyo? Nam hot dita: Nam kayni mi sa ma jobta-Lawna.</div><div class="p"> 18Sa Yudiyan may vi ala san kayni ay dukiya, iram mal kayn maliya&#599;i, nala nisi yi sumiyam aya. 19Nisi tun caw jobsi ala: Zawn mi goora vigi ma nigi di kalam ala nam vu&#599;i dukiyan su? Wulin nam ka wi kayn ir nanige? 20Sumiyam hot dita: Numa wi ala zawn mi goora vuma'a, nam vu&#599;i dukiya kaw; 21may wulini nam wi kayn witige kla numa may wi van kayn&#599;i. Lebo sa ma malam iram goyn mi gigekaw numa wi kayn&#599;i. Nam wulam vatiya, nigi jobomu, nam as di lawta valam kay tuwamu. 22Sumiyam di nala kay nisi li nar kay sa yudiyana, kay sa yudiyana col lawta ala: La sa di goy ala Yesu kayni mi Kristu, nam ma fi gita-goyta hay sinagogayna pa. 23Kay na'ta sumiyam di ala: namu wulam vatiya, nala nigi ma jobomu.</div><div class="p"> 24Sa Farisena yi sa ma vu&#599;i dukina hay sem ma ma'na lo dumu: Vula&#331; suburta mi Lawna; may numa hay&#599;in wi ala san kayni mi sa ma suluku. 25Nam hot dita: La nam suluku, nan may wi kayn&#599;i, va ma nan wum kep kayn ala: Jewe nan ay dukiya, may wulini nan ka wi'e. 26Nisi dumu: Nam lum ta&#331; mi mige? Nam mala&#331; ira&#331; maltige? 27Nam hot dit tisiya: Nan digi vatawa, may nigi min hum kayn&#599;i, nigi min humum lo kay mige? Nigi min mu&#599; goy sa hatayna valam kaw su? 28Nisi &#331;ulumu di'e: Sa ma hatayna valam kayni mi na&#331;u. Numa kayni si sa hatayna vi Musus. 29Numa wi'e Lawna law tam Musus, may namu, numa wi liyn ma nam may hayam pan&#599;i. 30Sa namna hotsi dita: Kayni mi va ma mu&#599; &#614;uyum yo, nigi wi liyn ma nam may hay pan&#599;i, nir na'ta kep nam malan iranawa goyo. 31Nay wi kaw ala Lawna may hum sa ma suluk&#331;a&#599;i, may nam humum kayni mi sa ma hot yalam gaa ku&#599;umu, li minda valamu kaw. 32Hay jew &#595;a-&#595;a pa, sa bay hum ala sa as mal ir sa ma dukin goyo tuwa. 33La san kayni may vi Lawna pa&#599;i, nam as li va no&#331;&#599;i. 34Nisi hotom dita: Na&#331; kay tuwa&#331;u vu&#599;i yuluk' hay suluk&#331;a, wulini mu&#599;i hatma kayni mi na&#331; yo &#599;isu! Nisi gum goy jiya.</div><div class="p"> 35Hay na'ta kayni Yesu hum ala nisi gum goy jiya. Nam fumu dumu: Na&#331; vaawa hay goora vi Lawna su? 36Nam hot dit ala: Bum-Sumuna, nam ma nan vi hayamna kayni nam gige? 37Yesu dumu: Na&#331; wumawa, nam ma ka da&#331;u kayni mi namu. 38Nam ka dumu: Nan vi'e Bum-Sumuna, nam girif gaa vokomu kaw. 39Bugolda Yesu di'e: Nan maawa hay nagata kay ka kitata, kay nisi sa wi&#599;i as mu&#599; wi'e, nisi sa wi'e ma mu&#599; dukiya kaw. 40Sa Farisena sa lakay hi&#599;i namna hum yoboyna kayni, nisi dumu: Numa kaw duki lay su? 41Yesu hotsi dita: Lali nigi ay dukiya, suluk&#331;a vigi may&#599;i. May wulini nigi di'e: Numa ka wi'e. Kay na'ta suluk&#331;a vigi ka dok-doko.</div>
 </div>
 </div>
</div>

BIBALDA TA PELDETTA © L'Alliance Biblique du Cameroun, 2001

Hay li ma Yesu ka tuɗ vokomu, nam wi san kep ma vuɗi dukiya. Sa hatayna valamu jobomu: Rabbi, ma li suluk kayn gige? San zawni lebo sumiyam su? Kay nam vuɗi dukiya! Yesu hot dita: Nam li sulukɗi, sumiyamɗi kaw, may van kayni li nala kay lopna vi Lawna fi ɗek goy kalam haraŋi. La linige kaw nay as li lopna vi nam ma ganina, hay li ma nay ka hay falayta tuwa, henjeta ma ma'a hay li ma sa as li lopɗi. Hay li ma nan ka hay nagata, nanu mi haraŋa vi nagata. Bugol nam di kayni dina, nam tuf nenen gaa kay nagata, hiliɓ nagan hiɗi nenena. Bugolda nam set naga namna kulo ir sa ma dukina. Nam dum ala: Tuɗaŋu, muzaŋ tuwaŋ hay goor-goloŋga vi Silowe -- kayn min di ala giya. Nam kaliya muz tuwamu, hay li ma nam hotaya, nam muɗi wi cetet'. Sugoliyomna hiɗi sa wum jewna kaw ala nam mi sa ma ay siɗaw hay hagata, nisi di'e: Nam zawni mi sa ma ay musi goy gal hagata kay siɗawna ɗisu? Sum sara di'e: Mi namu. Segen di'e: A'a, nam zawn slum sliy ɦawa. Nam kay tuwam di'e: Kayni mi nanu. Nisi dumu: Iraŋ mal goy kayn maltige? Nam hot dita: Sa ma yum ala Yesu hiliɓ nagana, nam setem iranu, dan ala: Tuɗaŋ muzaŋ hay Silowe. Nan kaliya, muz tuwanu, nan fi wida may. Nisi dumu: Sa namna ka arige? Nam hot dita: Nan may wiɗi.
Nisi mar sa ma dukina ay tam sa Farisena. May fatta ta Yesu hiliɓ nagana, malam iram goyo kaw kayni hay buur ma sabatna. Sa Farisena sli lawtiya kay jobom ala iram mal goy kayni maltige. Nam disiya, nam hiliɓ nagana, setem iranu, nan muz goyo, bugolda nan muɗ wi'e. Sum sara jar sa Farisena di'e: San kayni may vi Lawna paɗi, kay nam may li kuɗ gatta vi sabatnaɗi. Segena di'e: Sa ma sulukŋa as kay li ɗekka ki kayn nala ir nanige? Kuɗ kayni ɓurawta coowa jarsiya. Nisi di tam sa ma dukina lo: Naŋu naŋ di mige kalamu, kay nam malaŋ iraŋawa goyo? Nam hot dita: Nam kayni mi sa ma jobta-Lawna.
Sa Yudiyan may vi ala san kayni ay dukiya, iram mal kayn maliyaɗi, nala nisi yi sumiyam aya. Nisi tun caw jobsi ala: Zawn mi goora vigi ma nigi di kalam ala nam vuɗi dukiyan su? Wulin nam ka wi kayn ir nanige? Sumiyam hot dita: Numa wi ala zawn mi goora vuma'a, nam vuɗi dukiya kaw; may wulini nam wi kayn witige kla numa may wi van kaynɗi. Lebo sa ma malam iram goyn mi gigekaw numa wi kaynɗi. Nam wulam vatiya, nigi jobomu, nam as di lawta valam kay tuwamu. Sumiyam di nala kay nisi li nar kay sa yudiyana, kay sa yudiyana col lawta ala: La sa di goy ala Yesu kayni mi Kristu, nam ma fi gita-goyta hay sinagogayna pa. Kay na'ta sumiyam di ala: namu wulam vatiya, nala nigi ma jobomu.
Sa Farisena yi sa ma vuɗi dukina hay sem ma ma'na lo dumu: Vulaŋ suburta mi Lawna; may numa hayɗin wi ala san kayni mi sa ma suluku. Nam hot dita: La nam suluku, nan may wi kaynɗi, va ma nan wum kep kayn ala: Jewe nan ay dukiya, may wulini nan ka wi'e. Nisi dumu: Nam lum taŋ mi mige? Nam malaŋ iraŋ maltige? Nam hot dit tisiya: Nan digi vatawa, may nigi min hum kaynɗi, nigi min humum lo kay mige? Nigi min muɗ goy sa hatayna valam kaw su? Nisi ŋulumu di'e: Sa ma hatayna valam kayni mi naŋu. Numa kayni si sa hatayna vi Musus. Numa wi'e Lawna law tam Musus, may namu, numa wi liyn ma nam may hayam panɗi. Sa namna hotsi dita: Kayni mi va ma muɗ ɦuyum yo, nigi wi liyn ma nam may hay panɗi, nir na'ta kep nam malan iranawa goyo. Nay wi kaw ala Lawna may hum sa ma sulukŋaɗi, may nam humum kayni mi sa ma hot yalam gaa kuɗumu, li minda valamu kaw. Hay jew ɓa-ɓa pa, sa bay hum ala sa as mal ir sa ma dukin goyo tuwa. La san kayni may vi Lawna paɗi, nam as li va noŋɗi. Nisi hotom dita: Naŋ kay tuwaŋu vuɗi yuluk' hay sulukŋa, wulini muɗi hatma kayni mi naŋ yo ɗisu! Nisi gum goy jiya.
Hay na'ta kayni Yesu hum ala nisi gum goy jiya. Nam fumu dumu: Naŋ vaawa hay goora vi Lawna su? Nam hot dit ala: Bum-Sumuna, nam ma nan vi hayamna kayni nam gige? Yesu dumu: Naŋ wumawa, nam ma ka daŋu kayni mi namu. Nam ka dumu: Nan vi'e Bum-Sumuna, nam girif gaa vokomu kaw. Bugolda Yesu di'e: Nan maawa hay nagata kay ka kitata, kay nisi sa wiɗi as muɗ wi'e, nisi sa wi'e ma muɗ dukiya kaw. Sa Farisena sa lakay hiɗi namna hum yoboyna kayni, nisi dumu: Numa kaw duki lay su? Yesu hotsi dita: Lali nigi ay dukiya, sulukŋa vigi mayɗi. May wulini nigi di'e: Numa ka wi'e. Kay na'ta sulukŋa vigi ka dok-doko.

Luister naar YOHANA 9