Uripiv-Wala-Rano-Atchin: Uripiv New Testament New Testament only

Naul On Nga Mimerr Uripiv

<div class="version vid525 iso6393upv" data-vid="525" data-iso6393="upv">
 <div class="book bkMAT">
 <div class="chapter ch5" data-usfm="MAT.5">
 <div class="label">5</div><div class="s">Iesu evisviseni jinibb sen nir renge botwen mare</div><div class="p"> 1Daron nga Iesu m&#771;ilesi delung nir, ko otongsa van mare renge botwen san ko elik ngatan. Ko jinibb sen nir arini jin, arlik rrale. 2Ko ni esa jingon etipatun evisvisenir owra</div><div class="q1"> 3&#8220;Neiren renge nir nga norrorrmien ser mian ngatan,</div><div class="q1">suri batun vanu ne melrin evi pa se nir ko.</div><div class="q1"> 4Neiren renge nir nga marok-taure dauren ne nololien,</div><div class="q1">mian ko Atua pia-jinge nir ko.</div><div class="q1"> 5Neiren renge nir nga nolor maran ngatan jer,</div><div class="q1">suri mian ko dan pia-ivi se nir ko, ko nanu jile nga marto rengen.</div><div class="q1"> 6Neiren renge nir nga marmerrmerreni nga murrun nga m&#771;irres puto p&#771;irres, erpe jinibb armerrmerreni nanen ser ko nuwi num&#771;er,</div><div class="q1">mian ko Atua pia-la nanu nga marmerrmerreni tevir ko.</div><div class="q1"> 7Neiren renge nir nga marok-telasi jinibb,</div><div class="q1">mian ko Atua pia-telasi tweni nir ko.</div><div class="q1"> 8Neiren renge nir nga nolor marwokwok,</div><div class="q1">mian ko nir para-lesi Atua ko.</div><div class="q1"> 9Neiren renge nir nga marok-loli demat,</div><div class="q1">suri mian ko jinibb nir para-veruse nir Atua natun ko.</div><div class="q1"> 10Neiren renge nir nga jinibb marloli m&#771;isij tevir suri arloli nanu nga marres,</div><div class="q1">suri batun vanu ne melrin evi pa se nir ko.</div><div class="p"> 11&#8220;Ko neiren renge kami poro jinibb nir parwor suri kami, ko poro nir parloli p&#771;isij tevi kami, ko poro nir parkerkeris p&#771;isij tevi kami, parwera nanu lele nga marsij suri kamivi inu jinibb suk nir. 12Kami kap&#771;ir pilep, suri nowli kami elep re melrin, osorsan tevi nowli propet san. Suri propet nir nga marwowomue kami tuwi, jinibb arloli esij ko pa tevir erpok.</div><div class="s">Sol ko Moron</div><div class="p"> 13&#8220;Murru kami nga m&#771;irres arirpe sol se jinibb jijle nir nga marok-lingi re nanen ser. Ko poro nga sol dilten nga m&#771;irres pivel lingi jijle, ko p&#771;irres luwi pirpese ko? Erres re parlai ko parsor tweni, ko jinibb parivivel ren parbb&#246;tbb&#246;t ren vajin.</div><div class="p"> 14&#8220;Ko murru kami nga m&#771;irres erpe moron se jinibb jijle nir. Moron sete orongwos puto teptepi; osorsan tevi ngaim nga milep san nga muto limjer mare re botwen. 15Ko poro jinibb san pusli nasul, ko sete orongwos putori ngatan; putori mare sopon, ko puloli jinibb jile parlesi moron. 16Kami kamivi nasul nen. Moron se kami pimor wor van ji jinibb jile, puloli jinibb jijle parlesi majingen se kami nga m&#771;irres, ko parsur&#246;vi Tata se kami nga m&#771;ilik renge melrin.</div><div class="s">Iesu osp&#771;e suri nale nesesreien se Moses</div><div class="p"> 17&#8220;Sete kaprrorrmi inu nuvini tweni bolokloksi nale ne nesesreien nir ko nale se propet nir nga marto re Naul On. Inu sete nuvini tweni bolokloksir, ejki, nuvini tweni bololir parpelari le. 18Nuwretun nuwrai tevi kami, pia-jipari daron nga melrin ko iel ngatan pora-asi, sete bebje nale nesesreien san p&#771;iasi nawon, pia-jipari nga nanu ngel jijle nir para-pelari. 19Poro jinibb p&#771;isan putor otvi nale nga welwelili jer nen san renge nale nesesreien, ko pivisvisenie jinibb nga parloli pirpok kele, m&#771;ernen parveruse pivi jinibb nga welili jer renge batun vanu ne melrin. 20Inu nuwrai tevi kami, kaploli nanu nga parres, parasie jinibb nevisvisenien ne nale nesesreien nir ko Parasi nir. Poro pijki, setete kami kamrongwos kapan renge batun vanu ne melrin.</div><div class="s">Iesu evisviseni suri sel ne lolaren</div><div class="p"> 21&#8220;Kami kamrunge pa nga marwerai pa tevi b&#771;irtera ne tuwi nir renge Naul On, &#8216;Sete kuprevji pini jinibb pisan. Ko poro jinibb san pirevji pini jinibb pisan, m&#771;ernen pia-sij ren re daron nga Atua puwra suri lat nga puto suri tevi jinibb nir.&#8217; 22Ko inu ma nuwrai tevi kami vajin, Poro jinibb p&#771;isan pulolarsi tuwan kobbong, m&#771;ernen pia-sij ren re daron nga Atua puwra suri lat nga puto suri tevi jinibb nir. Ko poro jinibb p&#771;isan puwrai tevi tuwan, &#8216;Kulengleng,&#8217; m&#771;ernen pia-sij ren re nosp&#771;en se numal nir. Ko poro jinibb p&#771;isan puwrai tevi tuwan, &#8216;Kuvi jinibb nga kumloli sagraut nanu,&#8217; m&#771;ernen pia-sij ren renge nabb ne norongen nga m&#771;isij.</div><div class="p"> 23&#8220;Ko erpok, daron nga kumla merrenien som vini re nawot nga marok-sulsul ren tevi Atua, ko iokporo kuprrorrmi jipari nga nik kumloli tuwam ololar, 24kuplingi merrenien nen puto mun, ko kupan kuploli p&#771;irres tevi tuwam, pusuw, ko kupluwi vini kele kupa-la merrenien som vajin.</div><div class="p"> 25&#8220;Ko poro nga jinibb san nga kumloli mulolar p&#771;itkai nik nga koporan re nosp&#771;en se numal nir, kupsaro pingavil, kuploli p&#771;irres tevi ni. Poro mijki, ko ni tia-lingi nik tevi numal nga mok-wera suri lat nga puto suri re jinibb nir, ko ni tia-lingi nik tevi jinibb ne naim ne nekaien, ko m&#771;ernen tia-lingi nik renge naim ne nekaien. 26Nuwretun nuwrai tevi nik, sete kurongwos kupivare re naim ne nekaien pijpari daron nga nik kupkele lweni nev&#246;t nen jijle.</div><div class="s">Iesu evisviseni nir renge sel nga marloli m&#771;isij tevi nesevin</div><div class="p"> 27&#8220;Ko kami kamrunge nga marwerai kele renge Naul On arwera &#8216;Sete kupvenae nesevin m&#771;inij.&#8217; 28Ko inu ma nuwrai tevi kami vajin, Poro nga jinibb p&#771;isan pimteni rres nesevin kobbong ko nolon pivnae, ngok nolon ololi pa esij jile ko tevi vinnen. 29Ko poro nga metem rres puloli nik kupvitan pirpok, ko kupla tweni re nik, kupwirre. Erres p&#771;elak kobbong re metem devjen pijkie, evi nanu nga welili kobbong, renge poro nga parwirre nibem totoklai pian renge lat ne nejijkien. 30Ko poro nga nevrem rres puloli nik kupvitan pirpok, ko kupta tweni re nik ko kupwirre. Erres p&#771;elak kobbong re nik nevrem devjen pijkie, evi nanu nga welili kobbong, renge poro nga nibem totoklai pian renge lat ne nejijkien.</div><div class="p"> 31&#8220;Ko arwerai kele renge Naul On arwera &#8216;Isi nga p&#771;ilngi kurtweni nesevin sen puli naul san suri, ko p&#771;ilai tevi vinnen.&#8217; 32Ko inu ma nuwrai tevi kami vajin, Poro nga jinibb san nesevin sen sete puloli womue batun, ko m&#771;ernen bbong p&#771;ilngi kurtweni nawone, ko m&#771;ernen ololi esij nga nesen sen pian pivitan re norman m&#771;inij. Ko poro nga san p&#771;ilesi vin nga m&#771;er nga m&#771;ilngi kurtweni ngok, m&#771;ernen evitan re nesevin ngok.</div><div class="s">Iesu evisviseni nir nga marok-loli rijrijen nga marterter</div><div class="p"> 33&#8220;Ko kamrunge kele nga marwerai tuwi renge Naul On, &#8216;Sete kurongwos kupwera nise Atua nga puloli rijrijen som p&#771;iterter, ko mian ko vitunen ko kuptor otvi nale nen. Poro kupwera nise Atua, ko kuploli ko wor pusorsan tevi kumwerai.&#8217; 34Ko inu ma nuwrai tevi kami vajin, Sete kupwera rragrrag nise nanu san nga puloli rijrijen som p&#771;iterter. Sete kupwera nise melrin, suri evi lat seksakel se Atua; 35sete kupwera nise dan, suri evi lat nga m&#771;ilngi b&#771;elan ren daron nga m&#771;isakel re nai seksakel se ni; sete kupwera nise Jerusalem, suri evi ngaim nga milep se Numal nga milep. 36Ko sete kupwera nise batum kele daron nga kumloli rijrijen e, suri nik sete kurongwos kuploli rao batum san puwuwer rrek pimotmot. 37Ko daron nga ma kumrijrij nga kuploli nanu san, ko kuploli ko wor nanu nen; ko daron nga kumrijrij nga sete kuploli nanu san, ko sete kuploli nanu nen. Murrun nga parwera nawon nise nanu daron nga parijrij, arivel ji Demij kobbong vini.</div><div class="s">Iesu evisviseni nir nga marwera parkele lweni murrun nga marsij nir</div><div class="p"> 38&#8220;Kamrunge nga marwerai kele renge Naul On, &#8216;Poro san pulokloksi metem tuwen, ko nik kupkele lweni kuplokloksi meten tuwen. Ko poro san puti rrawe liwem san, ko nik kupkele lweni, kuputi rrawe liwen san.&#8217; 39Ko inu ma nuwrai tevi kami vajin, Sete kupwer ore jinibb nga m&#771;isij. Poro pungasim, ko puwje vasum rres, ko kuprieni nom, ko puwje kele vasum devjen kele. 40Ko poro jinibb san puwra p&#771;ilngim renge nosp&#771;en se numal nir ko p&#771;ilai sunsun som tuwen, ko kuplinglingi kele p&#771;ila sunsun ne melas som. 41Ko poro jinibb san puon terter nik kupsa narr sen van ngasu, ko nik kupsai van ngasu jer wor. 42Ko poro jinibb san pungoni nanu san ji nik, kuplai tevi ni; ko poro jinibb san owra p&#771;ilai mun jorom, sete kupwer ore ni.</div><div class="s">Iesu evisviseni nir nga parmerreni ko wor devje nuval ser</div><div class="p"> 43&#8220;Kamrunge nga marwerai kele renge Naul On, &#8216;Kupmerreni selem ko kupungasi jinibb nga mok-loli m&#771;isij tevim.&#8217; 44Ko inu ma nuwrai tevi kami vajin, Kapmerreni wor jinibb nga marok-loli m&#771;isij tevi kami, ko kapverus suri nir nga marungasi kami. 45Pirpok ko kapivi natu Tata se kami mawos nga m&#771;ilik renge melrin. Suri ni ololi nial sen esin ji jinibb nga marres ko nga marsij, ko okoni naus ous ji jinibb nga marres ko nga marsij. 46Poro kapmerreni lartul nga bbong marmerreni kami, ko ngok sev ko pivi nowli kami ren? Iok jinibb nga marok-lai takis kele, nga jinibb jijle nir marungasir, nir kele arok-loli kobbong erpok. 47Ko poro nga kapwera &#8216;erres&#8217; tevi tuwa kami nir kobbong, kamloli nanu nga jinibb jijle kobbong nir marok-loli. Jinibb nga marlik re devjen nga vare nir arok-loli kele erpok.</div><div class="p"> 48&#8220;Ngok pirpel ma, kami kapivi wor jinibb mawos nga kapmomsawos p&#771;irres jijle ko, pirpe Tata se kami nga m&#771;ilik re melrin ni omomsawos erres jile.&#8221;</div>
 </div>
 </div>
</div>

Daron nga Iesu m̃ilesi delung nir, ko otongsa van mare renge botwen san ko elik ngatan. Ko jinibb sen nir arini jin, arlik rrale. Ko ni esa jingon etipatun evisvisenir owra
“Neiren renge nir nga norrorrmien ser mian ngatan,
suri batun vanu ne melrin evi pa se nir ko.
Neiren renge nir nga marok-taure dauren ne nololien,
mian ko Atua pia-jinge nir ko.
Neiren renge nir nga nolor maran ngatan jer,
suri mian ko dan pia-ivi se nir ko, ko nanu jile nga marto rengen.
Neiren renge nir nga marmerrmerreni nga murrun nga m̃irres puto p̃irres, erpe jinibb armerrmerreni nanen ser ko nuwi num̃er,
mian ko Atua pia-la nanu nga marmerrmerreni tevir ko.
Neiren renge nir nga marok-telasi jinibb,
mian ko Atua pia-telasi tweni nir ko.
Neiren renge nir nga nolor marwokwok,
mian ko nir para-lesi Atua ko.
Neiren renge nir nga marok-loli demat,
suri mian ko jinibb nir para-veruse nir Atua natun ko.
Neiren renge nir nga jinibb marloli m̃isij tevir suri arloli nanu nga marres,
suri batun vanu ne melrin evi pa se nir ko.
“Ko neiren renge kami poro jinibb nir parwor suri kami, ko poro nir parloli p̃isij tevi kami, ko poro nir parkerkeris p̃isij tevi kami, parwera nanu lele nga marsij suri kamivi inu jinibb suk nir. Kami kap̃ir pilep, suri nowli kami elep re melrin, osorsan tevi nowli propet san. Suri propet nir nga marwowomue kami tuwi, jinibb arloli esij ko pa tevir erpok.

“Murru kami nga m̃irres arirpe sol se jinibb jijle nir nga marok-lingi re nanen ser. Ko poro nga sol dilten nga m̃irres pivel lingi jijle, ko p̃irres luwi pirpese ko? Erres re parlai ko parsor tweni, ko jinibb parivivel ren parbbötbböt ren vajin.
“Ko murru kami nga m̃irres erpe moron se jinibb jijle nir. Moron sete orongwos puto teptepi; osorsan tevi ngaim nga milep san nga muto limjer mare re botwen. Ko poro jinibb san pusli nasul, ko sete orongwos putori ngatan; putori mare sopon, ko puloli jinibb jile parlesi moron. Kami kamivi nasul nen. Moron se kami pimor wor van ji jinibb jile, puloli jinibb jijle parlesi majingen se kami nga m̃irres, ko parsurövi Tata se kami nga m̃ilik renge melrin.

“Sete kaprrorrmi inu nuvini tweni bolokloksi nale ne nesesreien nir ko nale se propet nir nga marto re Naul On. Inu sete nuvini tweni bolokloksir, ejki, nuvini tweni bololir parpelari le. Nuwretun nuwrai tevi kami, pia-jipari daron nga melrin ko iel ngatan pora-asi, sete bebje nale nesesreien san p̃iasi nawon, pia-jipari nga nanu ngel jijle nir para-pelari. Poro jinibb p̃isan putor otvi nale nga welwelili jer nen san renge nale nesesreien, ko pivisvisenie jinibb nga parloli pirpok kele, m̃ernen parveruse pivi jinibb nga welili jer renge batun vanu ne melrin. Inu nuwrai tevi kami, kaploli nanu nga parres, parasie jinibb nevisvisenien ne nale nesesreien nir ko Parasi nir. Poro pijki, setete kami kamrongwos kapan renge batun vanu ne melrin.

“Kami kamrunge pa nga marwerai pa tevi b̃irtera ne tuwi nir renge Naul On, ‘Sete kuprevji pini jinibb pisan. Ko poro jinibb san pirevji pini jinibb pisan, m̃ernen pia-sij ren re daron nga Atua puwra suri lat nga puto suri tevi jinibb nir.’ Ko inu ma nuwrai tevi kami vajin, Poro jinibb p̃isan pulolarsi tuwan kobbong, m̃ernen pia-sij ren re daron nga Atua puwra suri lat nga puto suri tevi jinibb nir. Ko poro jinibb p̃isan puwrai tevi tuwan, ‘Kulengleng,’ m̃ernen pia-sij ren re nosp̃en se numal nir. Ko poro jinibb p̃isan puwrai tevi tuwan, ‘Kuvi jinibb nga kumloli sagraut nanu,’ m̃ernen pia-sij ren renge nabb ne norongen nga m̃isij.
“Ko erpok, daron nga kumla merrenien som vini re nawot nga marok-sulsul ren tevi Atua, ko iokporo kuprrorrmi jipari nga nik kumloli tuwam ololar, kuplingi merrenien nen puto mun, ko kupan kuploli p̃irres tevi tuwam, pusuw, ko kupluwi vini kele kupa-la merrenien som vajin.
“Ko poro nga jinibb san nga kumloli mulolar p̃itkai nik nga koporan re nosp̃en se numal nir, kupsaro pingavil, kuploli p̃irres tevi ni. Poro mijki, ko ni tia-lingi nik tevi numal nga mok-wera suri lat nga puto suri re jinibb nir, ko ni tia-lingi nik tevi jinibb ne naim ne nekaien, ko m̃ernen tia-lingi nik renge naim ne nekaien. Nuwretun nuwrai tevi nik, sete kurongwos kupivare re naim ne nekaien pijpari daron nga nik kupkele lweni nevöt nen jijle.

“Ko kami kamrunge nga marwerai kele renge Naul On arwera ‘Sete kupvenae nesevin m̃inij.’ Ko inu ma nuwrai tevi kami vajin, Poro nga jinibb p̃isan pimteni rres nesevin kobbong ko nolon pivnae, ngok nolon ololi pa esij jile ko tevi vinnen. Ko poro nga metem rres puloli nik kupvitan pirpok, ko kupla tweni re nik, kupwirre. Erres p̃elak kobbong re metem devjen pijkie, evi nanu nga welili kobbong, renge poro nga parwirre nibem totoklai pian renge lat ne nejijkien. Ko poro nga nevrem rres puloli nik kupvitan pirpok, ko kupta tweni re nik ko kupwirre. Erres p̃elak kobbong re nik nevrem devjen pijkie, evi nanu nga welili kobbong, renge poro nga nibem totoklai pian renge lat ne nejijkien.
“Ko arwerai kele renge Naul On arwera ‘Isi nga p̃ilngi kurtweni nesevin sen puli naul san suri, ko p̃ilai tevi vinnen.’ Ko inu ma nuwrai tevi kami vajin, Poro nga jinibb san nesevin sen sete puloli womue batun, ko m̃ernen bbong p̃ilngi kurtweni nawone, ko m̃ernen ololi esij nga nesen sen pian pivitan re norman m̃inij. Ko poro nga san p̃ilesi vin nga m̃er nga m̃ilngi kurtweni ngok, m̃ernen evitan re nesevin ngok.

“Ko kamrunge kele nga marwerai tuwi renge Naul On, ‘Sete kurongwos kupwera nise Atua nga puloli rijrijen som p̃iterter, ko mian ko vitunen ko kuptor otvi nale nen. Poro kupwera nise Atua, ko kuploli ko wor pusorsan tevi kumwerai.’ Ko inu ma nuwrai tevi kami vajin, Sete kupwera rragrrag nise nanu san nga puloli rijrijen som p̃iterter. Sete kupwera nise melrin, suri evi lat seksakel se Atua; sete kupwera nise dan, suri evi lat nga m̃ilngi b̃elan ren daron nga m̃isakel re nai seksakel se ni; sete kupwera nise Jerusalem, suri evi ngaim nga milep se Numal nga milep. Ko sete kupwera nise batum kele daron nga kumloli rijrijen e, suri nik sete kurongwos kuploli rao batum san puwuwer rrek pimotmot. Ko daron nga ma kumrijrij nga kuploli nanu san, ko kuploli ko wor nanu nen; ko daron nga kumrijrij nga sete kuploli nanu san, ko sete kuploli nanu nen. Murrun nga parwera nawon nise nanu daron nga parijrij, arivel ji Demij kobbong vini.

“Kamrunge nga marwerai kele renge Naul On, ‘Poro san pulokloksi metem tuwen, ko nik kupkele lweni kuplokloksi meten tuwen. Ko poro san puti rrawe liwem san, ko nik kupkele lweni, kuputi rrawe liwen san.’ Ko inu ma nuwrai tevi kami vajin, Sete kupwer ore jinibb nga m̃isij. Poro pungasim, ko puwje vasum rres, ko kuprieni nom, ko puwje kele vasum devjen kele. Ko poro jinibb san puwra p̃ilngim renge nosp̃en se numal nir ko p̃ilai sunsun som tuwen, ko kuplinglingi kele p̃ila sunsun ne melas som. Ko poro jinibb san puon terter nik kupsa narr sen van ngasu, ko nik kupsai van ngasu jer wor. Ko poro jinibb san pungoni nanu san ji nik, kuplai tevi ni; ko poro jinibb san owra p̃ilai mun jorom, sete kupwer ore ni.

“Kamrunge nga marwerai kele renge Naul On, ‘Kupmerreni selem ko kupungasi jinibb nga mok-loli m̃isij tevim.’ Ko inu ma nuwrai tevi kami vajin, Kapmerreni wor jinibb nga marok-loli m̃isij tevi kami, ko kapverus suri nir nga marungasi kami. Pirpok ko kapivi natu Tata se kami mawos nga m̃ilik renge melrin. Suri ni ololi nial sen esin ji jinibb nga marres ko nga marsij, ko okoni naus ous ji jinibb nga marres ko nga marsij. Poro kapmerreni lartul nga bbong marmerreni kami, ko ngok sev ko pivi nowli kami ren? Iok jinibb nga marok-lai takis kele, nga jinibb jijle nir marungasir, nir kele arok-loli kobbong erpok. Ko poro nga kapwera ‘erres’ tevi tuwa kami nir kobbong, kamloli nanu nga jinibb jijle kobbong nir marok-loli. Jinibb nga marlik re devjen nga vare nir arok-loli kele erpok.
“Ngok pirpel ma, kami kapivi wor jinibb mawos nga kapmomsawos p̃irres jijle ko, pirpe Tata se kami nga m̃ilik re melrin ni omomsawos erres jile.”

Luister naar Matiu 5