Modern Central Saraiki Bible © 2024 Strategic Resource Group

پیش لفظ
پہلی صدی عیسوی ءچ، رُوح القُدس چار بندیاں کُوں اِنجیل لِکھنڑ دی تحریک ڈِتی جیہڑی دُنیا دے نجات ڈیوݨ آلے مسیح دی خوشخبری ہے۔ متّی جیہڑا مسیح دے بارہاں شاگرداں ءچوں ہا، اُوں اِیں اِنجیل ءچ اِیں حقیقت کُوں ظاہر کیتا جو مسیح اُوہو بادشاہ ہے جِیندا وعدہ کیتا گِیا ہا تے جِیندا یہُودی اِنتظار کریندے پئے ہَن۔
پر جڈاں او آیا تاں اُنہاں اُونکُوں رَد کر ڈِتا بلکہ اُونکُوں صلیب اُتے چڑھا ڈِتا، بھانویں جو او داؤد بادشاہ دی گدّی اُتے بیٹھا ہا تے اُوندے ذریعے نبیاں دیاں پیشن گوئیاں پُوریاں تھئیاں ہَن۔ او وعدہ وی جیہڑا خُدا ابرہام نال کیتا ہا جو ”سبھ قوماں تیڈے وسیلے نال برکت پیسن،“ مسیح ءچ پُورا تھیّا کیوں جو او نہ صرف یہُودیاں کیتے بلکہ سبھ قوماں کیتے آیا ہا۔
اِیں اِنجیل ءچ مسیح دی تعلیم دا ذِکر کیتا گئے، خاص طور تے اسمان دی بادشاہی دا، جیندے ءچ صرف او لوک شامل تھیسن جیہڑے خُدا دے مقرر کیتے گئے بادشاہ مسیح اُتے اِیمان گِھن آندے ہِن۔ تے ایہ اِنجیل ڈسیندی ہے جو آخری ویلے ءچ کیا تھیسی جڈاں مسیح جلالی بادشاہ دے طور تے واپس آسی۔

Luisteren متّی ‮پیش لفظ‬