Hadiyya - 1992 BSE (NT) Drama

<div class="version vid3498 iso6393hdy" data-vid="3498" data-iso6393="hdy">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Heechchi Sagara</div><div class="p"> 1Mahim qooccamoo'n illageen sagar#1:1Sagara yamamukkok Giriikisinne &#171;Lachchaamo, tiiraamoo qooraa&#187; yimma. Eehid yimmim &#171;Hundi luchchom qooccaakkoohane&#187; yimma. hee'ukko. Oo sagarim Waa'inne maqire hee'ukko. Oo sagarim Waa'i hee'ukko. 2Mahim qooccamoo'n illageenim ixxi Waa'inne maqire hee'ukko. 3Luwwi hundim qooccamukkok ixxennette. Qooccamu luwwiinsi ma'lluchchim ixxi bee'eka qooccamukkoyyo. 4Ixxi foorina bu'o. Oo foorim mannina caakki hee'ukko. 5Oo caakkim caakkisookkok tuunsonnette. Tuunsim ixxo kaa'ukkoyyo.</div><div class="p"> 6 # 
 Mat 3:1; Mar 1:4; Luq 3:1 Waa'iinsi asse'amaakkoo Yohaannisa yakkam mat manchi hee'ukko. 7Manni hundim ixxenne ihaa amma'nnoo'isina caakki bikkina kureena naqaash ihaa waarukko. 8Ixxi caakki bikkina kureena waarukko bagaan ixxi gagoom caakki hee'ukkoyyo. 9Manni hundinam caakkisoo hanqo'i caakki ka uulla waaram hee'ukko. 10Ixxi ka uullanne hee'ukko. Ka uullam qooccukkok ixxotte. Ihukkaarem ka uulli manni ixxo la'ukkoyyo. 11Ixxi gaqqi uulla waarukkaare ixxi minaadab ixxo aa'imma sabbo'o. 12Ihukkaarem ixxo aa'lla'a ixxonne amma'nnito'i keen hundam Waa'i oos issukko. 13Ixxuwwim Waa'i oos ikko'ok manni sawwixxisinne te'im maarinnee xiiginnee qaramimminnette ihoo'n Waa'i ixxi oos issu bikkinatte.</div><div class="p"> 14Sagarim manchi ihukko. Ixxonnem eroommii hanqii wo'mmaa ni lambe'enne hee'ukko. Ixxim Anni Waa'ina mexxo'i Beet ihukkisa ixxeka lomba moo'nnummo. 15Yohaannisim ixxi bikkina &#171;An &#8249;Iinniinsi lasonne waarookkok iinniinsi gaassaatim hee'u bikkina iinniinsi lobane&#8250; yam hee'ummok ixxotte&#187; yaa sagara iimaa'aa wocukko. 16Eroommanne eroomma edaa ixxaanninne wo'm eroomminne neese hundam maasse'ukko. 17Waa'i Muse'enne ihaa Seera uwwaakko. Ihukkaarem hanqii eroommii Yesuus Kiristoosinne uwwamukko. 18Waa'inne maqire hee'u matem Waa'i Beet mannina la'isukko bagaan Waa'a matim moo'ukkoyyo.</div><div class="s">Xammaqaanchi Yohaannis Naqqasukkisa</div><div class="r">(Mat 3:1-12; Mar 1:1-8; Luq 3:1-18)</div><div class="p"> 19Ayihuxxi minaadaba gassaan Yerusaaleemiinsi qeessuwwaa Keesammi Minenne awwaaddam keenoo Yohaannis ayyetda'e ihukkisa xa'mmitamisina asse'llo'aare 20Yohaannis &#171;An Kiristoosatteyyo&#187; yaa kurukko bagaan lagukkoyyo. 21#Mil 4:5; Se'l 18:15 Oo asse'anto'i keen &#171;At ayyette? At hiraagaanchi Eeliyaasattennihe?&#187; yita'a xa'mmito'o. Ixxim dabaraa &#171;An Eeliyaasatteyyo&#187; yukko. Odim dabatta'a &#171;At neese egellummi hiraagaanchonnihe?&#187; yito'o. Ixxim dabaraa &#171;An ixxoyyo&#187; yukko.</div><div class="p"> 22Ee lasage &#171;Eehaara'i ki beyyo neese asse'llo'i keenina daballaa kulloommisina at ki gaga ayyette yitoolla?&#187; yita'a xa'mmito'o. 23#Isa 40:3 Yohaannisim ixxuwwina dabaraa hiraagaanchi Issaayyaas kitaabanne</div><div class="q">&#171; &#8249;Udma'anne Moollannina googo gudissehe&#8250;</div><div class="q2">yaa laaroo manchi sagar anette&#187; yukko.</div><div class="p"> 24Farisaawe'uwwi asse'llo'i keen Yohaannisina odim 25&#171;Ata'i Waa'i doo'llaakkoo Kiristoosatteyyo te'im Eeliyaasatteyyo te'im hiraagaanchoyyo. Eehaara'i at manna mahina xammaqqoolla?&#187; yita'a xa'mmito'o. 26Yohaannis ixxuwwina dabaraa &#171;An wo'inne xammaqoommuulla; ihukkaarem ki'nnuwwi laqqakkambee'ek ki'nnuwwi lambe'enne uullaakko. 27An ixxeka caamma'i fatiram tireena hore'em laboombee'ek ixxi i lasonne waaroolla&#187; yukko. 28Ookki hundim ihukkok Yohaannis xammaqam hee'u Yoordaanoos daajji eeqidonne yoo Biitaanannette hee'ukko.</div><div class="s">Waa'i Gereechchi Bikkina</div><div class="p"> 29La'm balla Yesuus ixxi beyyo waarukkuuyyi Yohaannis moo'aa &#171;Oono'o! Mannika baaxiilo shiinshoo Waa'i Gereechchi kane. 30An &#8249;Ixxi iinniinsi gaassaatim hee'u bikkina iinniinsi lobane&#8250; yummok ixxotte. 31Isra'ee'l minaadab ixxo laqqamisina wo'inne xammaqummuuyyi waarummo bagaan an i gagim ixxo la'am hee'ummoyyo&#187; yukko. 32Odim Yohaannis &#171;Keesammi Ayyaan handarekkichchisa iimaniinsi dillaa ixxi hanenne afuurukkuuyyi moo'ummo. 33An i gagim ixxo la'am hee'ummoyyo. Ihukkaarem eese &#8249;Wo'inne xammaqe&#8250; yaa asse'ukkok iina &#8249;Keesammi Ayyaan iimaniinsi dillaa ixxonne afuurukkuuyyi moo'lloottokii Keesammi Ayyaaninne xammaqookkokii ixxotte&#8250; yukko. 34Anim eekka moo'aa lasage ixxi Waa'i Beet ihukkisa kurummo&#187; yaa Yesuus bikkina naqqasukko.</div><div class="s">Yesuus Luxxi Losaa'n Bikkina</div><div class="p"> 35Odim eehanni la'm balla Yohaannis ixxi losaaniinsi laminne maqirem uullaakkoohaannonne 36Yesuus higonam Yohaannis moo'aa &#171;Waa'i Gereechchi oono'o!&#187; yukko. 37Yohaannis ee'isa yukkuuyyi macceessa'a lamem losaanim Yesuusa awwonto'o. 38Yesuus oo lamem losaanim ixxo awwontamisa laso qerephaa moo'aa &#171;Maha hassakkamuulla?&#187; yaa xa'mmukko. Ixxuwwim dabatta'a &#171;Losisaancho! At hee'lloo beyyi hannonnette?&#187; yita'a xa'mmito'o.</div><div class="p"> 39Yesuusim ixxuwwina dabaraa &#171;Waattakka'a moo'llehe!&#187; yukko. Ee lasage ixxuwwi matta'a ixxi hee'oo beyyo moo'lla'a ee balla ixxenne maqirem hosso'o. Oo ammanim tommi sa'aata iheena ihaakkoo amman hee'ukko.</div><div class="p"> 40Yohaannis yu luwwa macceessa'a Yesuusa awwonta'a matto'i lamem keeniinsim mat Simi'oon abbaayyi Indiraasatte hee'ukko. 41Indiraas gaassaatim ixxi abbaayyi Simi'oona siidaa &#171;Simi'oona, Waa'i doo'llaakkoo Kiristoosa neese siindaammo&#187; yukko. 42Simi'oonam Yesuus beyyo worukko. Yesuus Simi'oona moo'aa &#171;At Yoona'i beet Simi'oonatte; at Keefa#1:42 Aramaayyisxisinne Keefa yimmii Giriikisinne Pheexiroosa yimmii lamikim tirat &#171;Kina&#187; yimma. yamantootto&#187; yukko. Keefa yimmi &#171;Kina&#187; yimma.</div><div class="s">Filiphphoosaa Naatinaa'eelaa Yesuus Weeshukkisa</div><div class="p"> 43Odim eehanni la'm balla Yesuus Galiila mareena hasukko. Ixxim Filiphphoosa siidaa &#171;Filiphphoosa, at eese awwone&#187; yukko. 44Filiphphoos hee'ookkok Indiraasii Pheexiroosii hee'llam Beetasaayda yakkam beero'onnetti hee'ukko. 45Filiphphoosim Naatinaa'eela siidaa &#171;Muse'e kitaabu See'l kitaabannee hiraagaan kitaabbo'i kitaabbuwwannee ixxi bikkina kitaabbo'i Naazireexxi Yesuusa Yooseef beeto siindaammo&#187; yukko. 46Naatinaa'eelim ixxena dabaraa &#171;Naazireetiinsi danaam luwwi fireena xanoohonnihe?&#187; yukko. Filiphphoos ixxena dabaraa &#171;Waattaa moo'e&#187; yukko. 47Naatinaa'eel ixxi beyyo waaronam Yesuus moo'aa &#171;Jolbee'i hanqo'i Isra'ee'l manchi kuno'o!&#187; yukko. 48Naatinaa'eel ixxena dabaraa &#171;At eese hinkid laqqitto?&#187; yaa xa'mmukko. Odim Yesuus Naatinaa'eelina &#171;Filiphphoos keese weeshoo'n illageenim an keese odakkichchi lugumonne hee'llittuuyyim moo'aammo&#187; yaa dabarukko. 49Naatinaa'eelim Yesuusina dabaraa &#171;Losisaancho! At Waa'i Beeto! At Isra'eelina adila!&#187; yukko. 50Yesuusim ixxena &#171;An keese odakkichchi lugumonne moo'aammo yummi bikkina at eese amma'nnitoohonnihe? Eehanniinsi lophphoo luwwam moo'llootto. 51#Qoc 28:12 Hanqinam an ki'nnuwwina kuroommo; iiman fooqoohaare Waa'i asse'amaan Manchi Beet hanenne iim fittu'uuyyii aad dillitu'uuyyii moo'llakkamo&#187; yukko.</div>
 </div>
 </div>
</div>

Mahim qooccamoo'n illageen sagar hee'ukko. Oo sagarim Waa'inne maqire hee'ukko. Oo sagarim Waa'i hee'ukko. Mahim qooccamoo'n illageenim ixxi Waa'inne maqire hee'ukko. Luwwi hundim qooccamukkok ixxennette. Qooccamu luwwiinsi ma'lluchchim ixxi bee'eka qooccamukkoyyo. Ixxi foorina bu'o. Oo foorim mannina caakki hee'ukko. Oo caakkim caakkisookkok tuunsonnette. Tuunsim ixxo kaa'ukkoyyo.
Waa'iinsi asse'amaakkoo Yohaannisa yakkam mat manchi hee'ukko. Manni hundim ixxenne ihaa amma'nnoo'isina caakki bikkina kureena naqaash ihaa waarukko. Ixxi caakki bikkina kureena waarukko bagaan ixxi gagoom caakki hee'ukkoyyo. Manni hundinam caakkisoo hanqo'i caakki ka uulla waaram hee'ukko. Ixxi ka uullanne hee'ukko. Ka uullam qooccukkok ixxotte. Ihukkaarem ka uulli manni ixxo la'ukkoyyo. Ixxi gaqqi uulla waarukkaare ixxi minaadab ixxo aa'imma sabbo'o. Ihukkaarem ixxo aa'lla'a ixxonne amma'nnito'i keen hundam Waa'i oos issukko. Ixxuwwim Waa'i oos ikko'ok manni sawwixxisinne te'im maarinnee xiiginnee qaramimminnette ihoo'n Waa'i ixxi oos issu bikkinatte.
Sagarim manchi ihukko. Ixxonnem eroommii hanqii wo'mmaa ni lambe'enne hee'ukko. Ixxim Anni Waa'ina mexxo'i Beet ihukkisa ixxeka lomba moo'nnummo. Yohaannisim ixxi bikkina «An ‹Iinniinsi lasonne waarookkok iinniinsi gaassaatim hee'u bikkina iinniinsi lobane› yam hee'ummok ixxotte» yaa sagara iimaa'aa wocukko. Eroommanne eroomma edaa ixxaanninne wo'm eroomminne neese hundam maasse'ukko. Waa'i Muse'enne ihaa Seera uwwaakko. Ihukkaarem hanqii eroommii Yesuus Kiristoosinne uwwamukko. Waa'inne maqire hee'u matem Waa'i Beet mannina la'isukko bagaan Waa'a matim moo'ukkoyyo.


Ayihuxxi minaadaba gassaan Yerusaaleemiinsi qeessuwwaa Keesammi Minenne awwaaddam keenoo Yohaannis ayyetda'e ihukkisa xa'mmitamisina asse'llo'aare Yohaannis «An Kiristoosatteyyo» yaa kurukko bagaan lagukkoyyo. Oo asse'anto'i keen «At ayyette? At hiraagaanchi Eeliyaasattennihe?» yita'a xa'mmito'o. Ixxim dabaraa «An Eeliyaasatteyyo» yukko. Odim dabatta'a «At neese egellummi hiraagaanchonnihe?» yito'o. Ixxim dabaraa «An ixxoyyo» yukko.
Ee lasage «Eehaara'i ki beyyo neese asse'llo'i keenina daballaa kulloommisina at ki gaga ayyette yitoolla?» yita'a xa'mmito'o. Yohaannisim ixxuwwina dabaraa hiraagaanchi Issaayyaas kitaabanne
« ‹Udma'anne Moollannina googo gudissehe›
yaa laaroo manchi sagar anette» yukko.
Farisaawe'uwwi asse'llo'i keen Yohaannisina odim «Ata'i Waa'i doo'llaakkoo Kiristoosatteyyo te'im Eeliyaasatteyyo te'im hiraagaanchoyyo. Eehaara'i at manna mahina xammaqqoolla?» yita'a xa'mmito'o. Yohaannis ixxuwwina dabaraa «An wo'inne xammaqoommuulla; ihukkaarem ki'nnuwwi laqqakkambee'ek ki'nnuwwi lambe'enne uullaakko. An ixxeka caamma'i fatiram tireena hore'em laboombee'ek ixxi i lasonne waaroolla» yukko. Ookki hundim ihukkok Yohaannis xammaqam hee'u Yoordaanoos daajji eeqidonne yoo Biitaanannette hee'ukko.

La'm balla Yesuus ixxi beyyo waarukkuuyyi Yohaannis moo'aa «Oono'o! Mannika baaxiilo shiinshoo Waa'i Gereechchi kane. An ‹Ixxi iinniinsi gaassaatim hee'u bikkina iinniinsi lobane› yummok ixxotte. Isra'ee'l minaadab ixxo laqqamisina wo'inne xammaqummuuyyi waarummo bagaan an i gagim ixxo la'am hee'ummoyyo» yukko. Odim Yohaannis «Keesammi Ayyaan handarekkichchisa iimaniinsi dillaa ixxi hanenne afuurukkuuyyi moo'ummo. An i gagim ixxo la'am hee'ummoyyo. Ihukkaarem eese ‹Wo'inne xammaqe› yaa asse'ukkok iina ‹Keesammi Ayyaan iimaniinsi dillaa ixxonne afuurukkuuyyi moo'lloottokii Keesammi Ayyaaninne xammaqookkokii ixxotte› yukko. Anim eekka moo'aa lasage ixxi Waa'i Beet ihukkisa kurummo» yaa Yesuus bikkina naqqasukko.

Odim eehanni la'm balla Yohaannis ixxi losaaniinsi laminne maqirem uullaakkoohaannonne Yesuus higonam Yohaannis moo'aa «Waa'i Gereechchi oono'o!» yukko. Yohaannis ee'isa yukkuuyyi macceessa'a lamem losaanim Yesuusa awwonto'o. Yesuus oo lamem losaanim ixxo awwontamisa laso qerephaa moo'aa «Maha hassakkamuulla?» yaa xa'mmukko. Ixxuwwim dabatta'a «Losisaancho! At hee'lloo beyyi hannonnette?» yita'a xa'mmito'o.
Yesuusim ixxuwwina dabaraa «Waattakka'a moo'llehe!» yukko. Ee lasage ixxuwwi matta'a ixxi hee'oo beyyo moo'lla'a ee balla ixxenne maqirem hosso'o. Oo ammanim tommi sa'aata iheena ihaakkoo amman hee'ukko.
Yohaannis yu luwwa macceessa'a Yesuusa awwonta'a matto'i lamem keeniinsim mat Simi'oon abbaayyi Indiraasatte hee'ukko. Indiraas gaassaatim ixxi abbaayyi Simi'oona siidaa «Simi'oona, Waa'i doo'llaakkoo Kiristoosa neese siindaammo» yukko. Simi'oonam Yesuus beyyo worukko. Yesuus Simi'oona moo'aa «At Yoona'i beet Simi'oonatte; at Keefa yamantootto» yukko. Keefa yimmi «Kina» yimma.

Odim eehanni la'm balla Yesuus Galiila mareena hasukko. Ixxim Filiphphoosa siidaa «Filiphphoosa, at eese awwone» yukko. Filiphphoos hee'ookkok Indiraasii Pheexiroosii hee'llam Beetasaayda yakkam beero'onnetti hee'ukko. Filiphphoosim Naatinaa'eela siidaa «Muse'e kitaabu See'l kitaabannee hiraagaan kitaabbo'i kitaabbuwwannee ixxi bikkina kitaabbo'i Naazireexxi Yesuusa Yooseef beeto siindaammo» yukko. Naatinaa'eelim ixxena dabaraa «Naazireetiinsi danaam luwwi fireena xanoohonnihe?» yukko. Filiphphoos ixxena dabaraa «Waattaa moo'e» yukko. Naatinaa'eel ixxi beyyo waaronam Yesuus moo'aa «Jolbee'i hanqo'i Isra'ee'l manchi kuno'o!» yukko. Naatinaa'eel ixxena dabaraa «At eese hinkid laqqitto?» yaa xa'mmukko. Odim Yesuus Naatinaa'eelina «Filiphphoos keese weeshoo'n illageenim an keese odakkichchi lugumonne hee'llittuuyyim moo'aammo» yaa dabarukko. Naatinaa'eelim Yesuusina dabaraa «Losisaancho! At Waa'i Beeto! At Isra'eelina adila!» yukko. Yesuusim ixxena «An keese odakkichchi lugumonne moo'aammo yummi bikkina at eese amma'nnitoohonnihe? Eehanniinsi lophphoo luwwam moo'llootto. Hanqinam an ki'nnuwwina kuroommo; iiman fooqoohaare Waa'i asse'amaan Manchi Beet hanenne iim fittu'uuyyii aad dillitu'uuyyii moo'llakkamo» yukko.

Luisteren Yohaannis Mishiraachcha 1