If you would like a copy of this version please contact info@davaraudiobibles.org

Elhomwe Old Testament

<div class="version vid3325 iso6393lon" data-vid="3325" data-iso6393="lon">
 <div class="book bkGEN">
 <div class="chapter ch26" data-usfm="GEN.26">
 <div class="label">26</div><div class="s">Isaki anatthaamella o Gerari</div><div class="p"> 1Mwiillaponimmo mwaakhalla ettalla woonjerera va yawaambeelle mu enthawi ya Abrahamu. Sika Isaki aaya wa Abimeleki mwene a Afilisti o Gerari. 2Vano Apwiya yaamooneyella Isaki nave emulleella wi, &#8220;Ohiye o Iguputo koma okhalle mu ellapo kineereemi kuulleelle wi okhallemo. 3#Gen 22.16-18Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu. 4Kineerewuuvaha edduullu ddinchichi wonanko ddikhallelle etheneeri ddooddullu nave edduullu ddawonnddo kineeroddivaha ellapo ddittheddenenndda. Mitundu ddittheddene dda va ellapo yavatthi ddineerodalisiwa oyeella mwa edduullu ddawo. 5Kineerewuudalisa kaambiiwa Abrahamu aakiiwellella nave aasunga mawaaka, malamulwaaka, echiweruzwaaka ni malangizwaaka.&#8221;</div><div class="p"> 6Sika Isaki aakhalla o Gerari. 7#Gen 12.13; 20.2Athu a wenko emukohille dda mwaariye, Isaki aallota wi, &#8220;Olla tti murokoraka.&#8221; Nave oova allota wi, &#8220;Tti mwaaraka,&#8221; athu a wenko ttuumwiipha wi amutthelle Rebeka vawi aari ooreera wunchichi. 8Isaki akhanlle wenko enthawi yoorekama, Abimeleki mwene a Afilisti atthurumellaka va niwindo wi awehe otte, aamoona Isaki amupharapharaka mwa echikondi Rebeka. 9Sika Abimeleki aamwiithana Isaki nave aallota wi, &#8220;Ddawoona olla tti mwaariyo. Kaambiiwa tini walloteewe wi tti murokoriyo?&#8221;</div><div class="p">Olliye ahaakhulla wi, &#8220;Kaganiza wi kineerewiiphiwa kallota wi tti mwaaraka.&#8221;</div><div class="p"> 10Abimeleki aamukoha wi, &#8220;Kaambiiwa tini oneerenlleewe ddiidda? Mmodda mwa athwaakaalla akonilleke ni mwaariyooyo, weyaanothi waweeromuchimwiha.&#8221; 11Vano Abimeleki ahaalamula athwaaye attheene wi, &#8220;Muhimweerelle erive yoonanara muthoolla ni mwaariyeene. Mmodda eera yeella, aneerewiiphiwa.&#8221;</div><div class="p"> 12Isaki ahaalla mwiillaponimmo nave muyakha yooyo aahata ddeko ddawaata wunchichi kaambiiwa Apwiya yaamudalisa. 13Eyuumaaye yaavirellella waata nave aakhalla ni eyuuma yinchichi. 14Vawi aakhallana eziweto ddinchichi nave aakhallattho ni akaporo anchichi, Afilisti yaamukhallella ehache. 15Sika Afilisti yaavuhellella ehime ddittheddene ni ethaya nnddo akaporo a Abrahamu, attiitthinnya, yakatilliiwa, Abrahamooyo ahinakhwe.</div><div class="p"> 16Vano Abimeleki aallota ni Isaki wi, &#8220;Mutthaame mwiillaponi mwahummu vawi mookhalla ni masiva manchichi onikhwaranya hiyaano.&#8221; 17Sika Isaki aatthaama nave aatthipella musasaaye mu ntapo na Gerari, nko akhallilleeyewo wa enthawi yoorekama. 18Nave Isaki aavuhullattho ehime nnddo ddakatiwe mu enthawi ya Abrahamu nave nnddo Afilisti yaddivuhellelliiwa akhwille Abrahamu. Nave ehimennddo Isaki aaddivaha manddina ayo attiitthinnya yaddivahilliiwa.</div><div class="p"> 19Akaporo a Isaki yaakata ehime o ntapo nave yaamuphwanya neetuutu. 20Koma abusa o Gerari yahaamba okangana ni abusa a Isaki wi, &#8220;Maaddaalla tti aahu.&#8221; Sika Isaki ayiromolla ehimeeyo &#8220;Okangana,&#8221; ekaamba yawi yaakangana ni olliye.</div><div class="p"> 21Akaporo a Isaki yaakata ehime emodda nave yaakanganellattho yeeyo. Sika ayiromolla ehimeeyo &#8220;Wiitana.&#8221; 22Nave aavenyawo wenko, eyattho yakata ehime emodda. Va ehime yeella kheyaakanganille, sika aayiromolla wi, &#8220;Mpata.&#8221; Aallota wi, &#8220;Vano Apwiya aanivaha mpata mwiillaponimmo nave nineerokhalla ni eyuuma.&#8221;</div><div class="p"> 23Vano Isaki aatthaamella o Beeresheba. 24Mahiiyu Apwiya yaamooneyella nave yaamulleella wi, &#8220;Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.&#8221; 25Sika Isaki aamaka nikuwa wenko nave ahaallapella Apwiya nave aamakattho musasaaye wenko. Navettho akaporwaaye yaakata ehime wenko.</div><div class="s">Echipangano variyari va Isaki ni Abimeleki</div><div class="p"> 26 # 
 Gen 21.22
 Abimeleki aaya wa Isaki ovenyera o Gerari ni Ahuzati endunaaye ni Fikolo muttekweene a allupa ekhotwaaye. 27Sika Isaki ahaakoha wi, &#8220;Ethiyo kaambiiwa tini muwiilleenyu wuno wi mukoone vawi mwahiitana ni miyaano, ophiyera mwaakiikarihamo mu ellapwaanyu?&#8221;</div><div class="p"> 28Alliwaayo yaamwaakhulla wi, &#8220;Vano noodduwella wi Apwiya eri ni nyuwaano nave niganizalle wi nyuwaano ni hiyaano nikeraatthihe echipangano. Ninapaalla wi nyuwaano mulonjeze 29wi khamuwa muneerella ddoonanara moollikana ni mmo nahiwerenlleehuni ddoonanara. Naaweerellani ddaphaama nave naawaakhullellani wi murowe mwamurendelle. Sika vano Apwiya ahuudalisani.&#8221; 30Vano Isaki ahaakhozella machellello nave athwaayo yaacha ni owirya. 31Osaka wene ohinase, attheene yaallupellellana nave Isaki aawaakhullella attheenaayo wi etimulla mwamurendelle, eroweke.</div><div class="p"> 32Nllapo nenno akaporo a Isaki yaawa emulleella dda ehime yakatilliiwa. Yaallota wi, &#8220;Noophwanya maaddi.&#8221; 33Isaki aayiromolla ehimeeyo Sheba. Sika ekaambiiwa muzindooyo onaromolliwiiwa Beeresheba#26.33 Beeresheba: Nnddina nenna mu Eheberi ninattaphullella wi Ehime ya ollupella apaalle Ehime yaneetthanu ni piilli (onani 21.31). ophiyera ollello.</div><div class="s">Atthiyana a mitundu ddimodda a Esau</div><div class="p"> 34Esau ari ni miyakha 40, aamutthella Yuditi mwaana a Beeri Muhiti. Aamutthellattho Basemati, mwaana a Eloni Muhiti. 35Atthiyana a Ahiti eellaalla yahaavoriiha murima wunchichi Isaki ni Rebeka.</div>
 </div>
 </div>
</div>

The Bible in Elhomwe © The Bible Society of Malawi, 2019.

Mwiillaponimmo mwaakhalla ettalla woonjerera va yawaambeelle mu enthawi ya Abrahamu. Sika Isaki aaya wa Abimeleki mwene a Afilisti o Gerari. Vano Apwiya yaamooneyella Isaki nave emulleella wi, “Ohiye o Iguputo koma okhalle mu ellapo kineereemi kuulleelle wi okhallemo. Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu. Kineerewuuvaha edduullu ddinchichi wonanko ddikhallelle etheneeri ddooddullu nave edduullu ddawonnddo kineeroddivaha ellapo ddittheddenenndda. Mitundu ddittheddene dda va ellapo yavatthi ddineerodalisiwa oyeella mwa edduullu ddawo. Kineerewuudalisa kaambiiwa Abrahamu aakiiwellella nave aasunga mawaaka, malamulwaaka, echiweruzwaaka ni malangizwaaka.”
Sika Isaki aakhalla o Gerari. Athu a wenko emukohille dda mwaariye, Isaki aallota wi, “Olla tti murokoraka.” Nave oova allota wi, “Tti mwaaraka,” athu a wenko ttuumwiipha wi amutthelle Rebeka vawi aari ooreera wunchichi. Isaki akhanlle wenko enthawi yoorekama, Abimeleki mwene a Afilisti atthurumellaka va niwindo wi awehe otte, aamoona Isaki amupharapharaka mwa echikondi Rebeka. Sika Abimeleki aamwiithana Isaki nave aallota wi, “Ddawoona olla tti mwaariyo. Kaambiiwa tini walloteewe wi tti murokoriyo?”
Olliye ahaakhulla wi, “Kaganiza wi kineerewiiphiwa kallota wi tti mwaaraka.”
Abimeleki aamukoha wi, “Kaambiiwa tini oneerenlleewe ddiidda? Mmodda mwa athwaakaalla akonilleke ni mwaariyooyo, weyaanothi waweeromuchimwiha.” Vano Abimeleki ahaalamula athwaaye attheene wi, “Muhimweerelle erive yoonanara muthoolla ni mwaariyeene. Mmodda eera yeella, aneerewiiphiwa.”
Isaki ahaalla mwiillaponimmo nave muyakha yooyo aahata ddeko ddawaata wunchichi kaambiiwa Apwiya yaamudalisa. Eyuumaaye yaavirellella waata nave aakhalla ni eyuuma yinchichi. Vawi aakhallana eziweto ddinchichi nave aakhallattho ni akaporo anchichi, Afilisti yaamukhallella ehache. Sika Afilisti yaavuhellella ehime ddittheddene ni ethaya nnddo akaporo a Abrahamu, attiitthinnya, yakatilliiwa, Abrahamooyo ahinakhwe.
Vano Abimeleki aallota ni Isaki wi, “Mutthaame mwiillaponi mwahummu vawi mookhalla ni masiva manchichi onikhwaranya hiyaano.” Sika Isaki aatthaama nave aatthipella musasaaye mu ntapo na Gerari, nko akhallilleeyewo wa enthawi yoorekama. Nave Isaki aavuhullattho ehime nnddo ddakatiwe mu enthawi ya Abrahamu nave nnddo Afilisti yaddivuhellelliiwa akhwille Abrahamu. Nave ehimennddo Isaki aaddivaha manddina ayo attiitthinnya yaddivahilliiwa.
Akaporo a Isaki yaakata ehime o ntapo nave yaamuphwanya neetuutu. Koma abusa o Gerari yahaamba okangana ni abusa a Isaki wi, “Maaddaalla tti aahu.” Sika Isaki ayiromolla ehimeeyo “Okangana,” ekaamba yawi yaakangana ni olliye.
Akaporo a Isaki yaakata ehime emodda nave yaakanganellattho yeeyo. Sika ayiromolla ehimeeyo “Wiitana.” Nave aavenyawo wenko, eyattho yakata ehime emodda. Va ehime yeella kheyaakanganille, sika aayiromolla wi, “Mpata.” Aallota wi, “Vano Apwiya aanivaha mpata mwiillaponimmo nave nineerokhalla ni eyuuma.”
Vano Isaki aatthaamella o Beeresheba. Mahiiyu Apwiya yaamooneyella nave yaamulleella wi, “Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.” Sika Isaki aamaka nikuwa wenko nave ahaallapella Apwiya nave aamakattho musasaaye wenko. Navettho akaporwaaye yaakata ehime wenko.

Abimeleki aaya wa Isaki ovenyera o Gerari ni Ahuzati endunaaye ni Fikolo muttekweene a allupa ekhotwaaye. Sika Isaki ahaakoha wi, “Ethiyo kaambiiwa tini muwiilleenyu wuno wi mukoone vawi mwahiitana ni miyaano, ophiyera mwaakiikarihamo mu ellapwaanyu?”
Alliwaayo yaamwaakhulla wi, “Vano noodduwella wi Apwiya eri ni nyuwaano nave niganizalle wi nyuwaano ni hiyaano nikeraatthihe echipangano. Ninapaalla wi nyuwaano mulonjeze wi khamuwa muneerella ddoonanara moollikana ni mmo nahiwerenlleehuni ddoonanara. Naaweerellani ddaphaama nave naawaakhullellani wi murowe mwamurendelle. Sika vano Apwiya ahuudalisani.” Vano Isaki ahaakhozella machellello nave athwaayo yaacha ni owirya. Osaka wene ohinase, attheene yaallupellellana nave Isaki aawaakhullella attheenaayo wi etimulla mwamurendelle, eroweke.
Nllapo nenno akaporo a Isaki yaawa emulleella dda ehime yakatilliiwa. Yaallota wi, “Noophwanya maaddi.” Isaki aayiromolla ehimeeyo Sheba. Sika ekaambiiwa muzindooyo onaromolliwiiwa Beeresheba ophiyera ollello.

Esau ari ni miyakha 40, aamutthella Yuditi mwaana a Beeri Muhiti. Aamutthellattho Basemati, mwaana a Eloni Muhiti. Atthiyana a Ahiti eellaalla yahaavoriiha murima wunchichi Isaki ni Rebeka.

Luisteren Genesis 26