If you have would like a copy of this version please contact info@davaraudiobibles.org

Esahie Old Testament

<div class="version vid2710 iso6393sfw" data-vid="2710" data-iso6393="sfw">
 <div class="book bkGEN">
 <div class="chapter ch18" data-usfm="GEN.18">
 <div class="label">18</div><div class="s1">Nyame&#603; fa baa bienzua hy&#603; Abraham b&#596;</div><div class="p"> 1&#400;l&#603;ho bie eyia ketee, n&#233; Abraham te ye &#603;tena sua ne anoa nu, na AWURADE yele ye nwo ali hyirele ye w&#596; nekaa bie b&#596; opingye Mamre eluii mmakaa ne. 2&#390;mane ye nye so, na onwuni ky&#603; mmienzua nza bie gyigyi ye nyunu moa d&#596;. Onwuni b&#603; nen, ofili &#603;tena sua ne anoa nu ber&#603; otuli amirika ooyiale b&#603;, na &#596;kotole b&#603;, 3na &#596;hane ky&#603;, &#8220;Me Mene, s&#603; alo me anwu me anwumvoin de a, nzaade mesr&#603; w&#596;, nnes&#227; w&#8217;akoaa nwo k&#596;. 4Maa mmr&#603; &#603;m&#596; nzue k&#227;a, n&#225; &#603;m&#596;nwunzi &#603;m&#596; gya bo, n&#225; afei &#603;m&#596;ale b&#603; nwome w&#596; bakaa ne abo. 5&#400;m&#596;awa &#603;m&#596; akoaa ber&#603;, yiti &#603;&#769;m&#596;ma ng&#596;mbena nikyee k&#227;a ma &#603;m&#596;h&#227; b&#603; noa, ma &#596;ma &#603;m&#596; anwoser&#603; koraka n&#233; &#603;m&#596;ah&#596;.&#8221; Na bebuale ky&#603;, &#8220;Y&#596; ky&#603;b&#596; aha ne.&#8221; 6Na Abraham hane ye nwo h&#596;le Sara ber&#603; w&#596; &#603;tena sua ne anu oosele ye ky&#603;, &#8220;Ma w&#596; nwo y&#603; nyera n&#225; fa esam paa kongo nza, fete n&#225; fa y&#603; tater&#603;.&#8221; 7Afei Abraham tuli amirika h&#596;le nandwie nem&#596; anu &#596;&#596;hyele nandwie ba ko b&#596; &#596;y&#603; nyemene, b&#596; ye naen k&#596;y&#603; mmer&#603;, &#596;fa mane ye somvo&#603;, na ye koso &#596;hane ye nwo oohuni ye, na obiale ye fa y&#603;le ale&#603;. 8Afei Abraham fale nandwie ny&#596;fonesue nye loe, ny&#596;fonesue ne nandwie akr&#596;ngr&#596;ma b&#596; bafa bay&#603; ale&#603; ne, &#596;fa siele &#603;w&#596;fo&#603; nem&#596; anyunu ber&#603;, na ogyinane b&#603; nwo w&#596; bakaa ne abo maa bedidili.</div><div class="p"> 9Bebisale ye ky&#603;, &#8220;&#400;ye Sara w&#596; ni?&#8221; Na obuale ky&#603;, &#8220;&#390;w&#596; &#603;tena sua ne anu d&#596;.&#8221; 10#Gye 18.10; Rom 9.9 Na &#596;hane#18.10: &#390;HANE: Anaaky&#603;: AWURADE hane. ky&#603;, &#8220;Nahor&#603; nu, ky&#603; nza mmra w&#596; wa afo&#603; bieku bekye s&#596;a ala ne, n&#233; &#603;ye Sara anya baa bienzua.&#8221; Na n&#233; Sara gyi ye si d&#596; w&#596; &#603;tena sua ne anoa nu &#243;tie. 11N&#233; Abraham ne Sara banyi bay&#603; nworowaa; na n&#233; Sara mmu ye sa ko. 12#Gye 17.17; 1 Pet 3.6 Yiti Sara serele ye ti anu hane ky&#603;, &#8220;May&#603; aworowaa b&#596; me hu wora way&#603; aworowaa ye, aso bekye ye&#603; mebaagye me nye &#596;?&#8221;</div><div class="p"> 13Na AWURADE bisale Abraham ky&#603;, &#8220;Nzu ati ye&#603; Sara serele na &#596;hane ky&#603;, &#8216;Aso bekye b&#596; may&#603; aworowaa ye ye&#603; mebaawo &#596;?&#8217; 14#Yer 32.17; Mat 19.26; Mak 10.27; Luk 1.37; Rom 9.9Aso nikyee bie w&#596; ber&#603; b&#596; &#596;y&#603; se ma AWURADE h&#596; &#596;? Na mmer&#603; b&#596; mahy&#603; ne, afo&#603; bieku bekye s&#596;a ala, ngosa ng&#596;wa w&#596; wa, na Sara konya baa bienzua.&#8221;</div><div class="p"> 15N&#233; Sara suro, yiti &#596;sale ky&#603;, &#8220;Nnzerele.&#8221; Nakoso &#596;hane ky&#603;, &#8220;Daabi, &#603;serele.&#8221;</div><div class="s1">Abraham pa kyer&#603; ma Sodomfo&#603;</div><div class="p"> 16Afei mmenia nem&#596; dw&#596;sole ky&#603; b&#603;&#769;k&#596;, na b&#603;fale b&#603; nye behyirele Sodom; na Abraham ne b&#603; sili nu ky&#603; &#596;kwaagua b&#603; ate. 17Na AWURADE sele ky&#603;, &#8220;Aso mva b&#596; mebaay&#596; ye mvea Abraham anaa? 18#Gye 12.3; Aso 3.25; Gal 3.8 Susu amba ky&#603;, Abraham boso ama k&#596;y&#603; maen pirikua b&#596; ole tumi, na &#596;nate ye so ye&#603; ewiase maen mukoraa bekonya sale&#603; &#596;. 19Mapa nu maye ye, ky&#603; &#596;&#769;hy&#603; ye mma ne ye boso ama b&#596; b&#603;k&#596;wa nzi&#603; ye ma b&#603;nate AWURADE atee so, ma b&#603;y&#596; b&#596; &#596;tengy&#603;, &#596;ne b&#596; &#596;te p&#603;p&#603;&#603;p&#603; &#596;; amaa &#596;nate so AWURADE ama &#603;b&#596; b&#596; wahy&#603; Abraham ne awa nu.&#8221; 20Na AWURADE hane ky&#603;, &#8220;&#390;nate ky&#603; abubue b&#596; b&#603;b&#596; begua Sodom ne Gomora so ne sone soma, na b&#603; b&#596;ne te piri paa ne ati, 21ngodwu ng&#596;&#596;nea s&#603; b&#596; bay&#596; ne, ye nwo abubue ye&#603; waadwu me nyunu ne anaa. Na s&#603; nna s&#596; ye&#603; &#596;te h&#596; a, ngonwu ye.&#8221; 22Yiti s&#596; mmenia ne#18.22: MMENIA NE: Anaaky&#603;: mmenia ny&#596; ne. kakyili b&#603; nwo, betu b&#603;tengy&#603;le ky&#603; b&#603;k&#596; Sodom, nakoso Abraham de, n&#233; &#596;t&#603; gyi AWURADE nyunu ber&#603;. 23Afei Abraham pingyele ye, na obisale ye ky&#603;, &#8220;Aso &#603;k&#596;fa b&#603; b&#596; b&#603;tengy&#603; ne &#603;k&#596;fra amumuy&#603;&#603;fo&#603; so &#603;k&#596;s&#603;kye b&#603; anaa? 24Y&#603;fa ye ky&#603; mmenia aburannu b&#596; b&#603;tengy&#603; w&#596; kuro ne anu. Yiti ahaa &#603;ng&#596;fa w&#596; nye ng&#596;to mmenia aburannu b&#596; b&#603;tengy&#603; w&#596; kuro ne anu ne, na &#603;ng&#596;yakyi ye s&#603;kyel&#603; anaa? 25W&#596; de, &#603;ng&#596;y&#596; s&#596; nikyee ne le, ky&#603; &#603;k&#596;fa mmenia b&#596; b&#603;tengy&#603; &#603;k&#596;fra amumuy&#603;&#603;fo&#603; k&#596;s&#603;kye b&#603; &#596;; b&#596; &#596;k&#596;maa mmenia b&#596; b&#603;tengy&#603; ne b&#8217;ayiele&#603; koyie b&#603; ky&#603; amumuy&#603;&#603;fo&#603; &#596;. Ah! &#400;ng&#596;hora s&#596; y&#596;! Yiti ase&#603; ye aso amukoraa Nd&#603;enbual&#603;ni&#603; ne, ongobua nd&#603;en b&#596; &#596;tengy&#603; h&#596; &#596;?&#8221; 26Na AWURADE buale ky&#603;, &#8220;S&#603; menya mmenia aburannu b&#596; b&#603;tengy&#603; w&#596; Sodom kuro ne anu a, &#596;nate b&#603; ti meng&#596;s&#603;kye kuro ne.&#8221; 27Na Abraham buale ky&#603;, &#8220;Amba, &#596;w&#596; nu ky&#603; nde mvuture ne nzoen de, nakoso nd&#603; gyi me gya nu ky&#603; me ne AWURADE y&#603;kodwudwo. 28Mmenia aburannu b&#596; b&#603;tengy&#603; ne, s&#603; so nnu fi so &#603;? Yiti &#596;nate nnu b&#596; bafi so ne ati &#603;k&#596;s&#603;kye kuro ne amukoraati anaa?&#8221; Na obuale ky&#603;, &#8220;S&#603; menya aburanna ne nnu w&#596; ber&#603; a, meng&#596;s&#603;kye ye.&#8221; 29Na Abraham s&#225; bisale AWURADE ky&#603;, &#8220;Na s&#603; enya mmenia aburanna ber&#603; &#603;? Na ye koso obuale ky&#603;, &#8220;&#390;nate aburanna ne ati meng&#596;y&#596; s&#596;.&#8221; 30Na Abraham hane ky&#603;, &#8220;&#400;he de mesr&#603; w&#596;, AWURADE, nn&#603;f&#603; yaa, na maa ndwudwo k&#227;a. S&#603; enya mmenia aburasa ber&#603; &#603;?&#8221; Na obuale ky&#603;, &#8220;S&#603; menya mmenia aburasa ber&#603; a, meng&#596;y&#596; s&#596;.&#8221; 31Na &#596;hane ky&#603;, &#8220;Nd&#603; gyi me gya nu ky&#603; me ne AWURADE y&#603;kodwudwo. S&#603; enya mmenia aburany&#596; ber&#603; &#603;?&#8221; Na obuale ky&#603;, &#8220;&#390;nate aburany&#596; ne ati meng&#596;s&#603;kye ye.&#8221; 32Afei &#596;hane ky&#603;, &#8220;Mesr&#603; w&#596;, AWURADE, nn&#603;f&#603; yaa. Maa nga edwir&#603; komap&#603; twe he ala: Na s&#603; enya mmenia buru ber&#603; &#603;?&#8221; Na obuale ky&#603;, &#8220;&#390;nate buru ne ati meng&#596;s&#603;kye ye.&#8221; 33Na AWURADE ne Abraham bedwudwole beyiele nen, ofili ber&#603; h&#596;le; na Abraham koso osa h&#596;le ye awuro.</div>
 </div>
 </div>
</div>

Esahie Bible © Bible Society of Ghana, 2018.

Ɛlɛho bie eyia ketee, né Abraham te ye ɛtena sua ne anoa nu, na AWURADE yele ye nwo ali hyirele ye wɔ nekaa bie bɔ opingye Mamre eluii mmakaa ne. Ɔmane ye nye so, na onwuni kyɛ mmienzua nza bie gyigyi ye nyunu moa dɔ. Onwuni bɛ nen, ofili ɛtena sua ne anoa nu berɛ otuli amirika ooyiale bɛ, na ɔkotole bɛ, na ɔhane kyɛ, “Me Mene, sɛ alo me anwu me anwumvoin de a, nzaade mesrɛ wɔ, nnesã w’akoaa nwo kɔ. Maa mmrɛ ɛmɔ nzue kãa, ná ɛmɔnwunzi ɛmɔ gya bo, ná afei ɛmɔale bɛ nwome wɔ bakaa ne abo. Ɛmɔawa ɛmɔ akoaa berɛ, yiti ɛ́mɔma ngɔmbena nikyee kãa ma ɛmɔhã bɛ noa, ma ɔma ɛmɔ anwoserɛ koraka né ɛmɔahɔ.” Na bebuale kyɛ, “Yɔ kyɛbɔ aha ne.” Na Abraham hane ye nwo hɔle Sara berɛ wɔ ɛtena sua ne anu oosele ye kyɛ, “Ma wɔ nwo yɛ nyera ná fa esam paa kongo nza, fete ná fa yɛ taterɛ.” Afei Abraham tuli amirika hɔle nandwie nemɔ anu ɔɔhyele nandwie ba ko bɔ ɔyɛ nyemene, bɔ ye naen kɔyɛ mmerɛ, ɔfa mane ye somvoɛ, na ye koso ɔhane ye nwo oohuni ye, na obiale ye fa yɛle aleɛ. Afei Abraham fale nandwie nyɔfonesue nye loe, nyɔfonesue ne nandwie akrɔngrɔma bɔ bafa bayɛ aleɛ ne, ɔfa siele ɛwɔfoɛ nemɔ anyunu berɛ, na ogyinane bɛ nwo wɔ bakaa ne abo maa bedidili.
Bebisale ye kyɛ, “Ɛye Sara wɔ ni?” Na obuale kyɛ, “Ɔwɔ ɛtena sua ne anu dɔ.” Na ɔhane kyɛ, “Nahorɛ nu, kyɛ nza mmra wɔ wa afoɛ bieku bekye sɔa ala ne, né ɛye Sara anya baa bienzua.” Na né Sara gyi ye si dɔ wɔ ɛtena sua ne anoa nu ótie. Né Abraham ne Sara banyi bayɛ nworowaa; na né Sara mmu ye sa ko. Yiti Sara serele ye ti anu hane kyɛ, “Mayɛ aworowaa bɔ me hu wora wayɛ aworowaa ye, aso bekye yeɛ mebaagye me nye ɔ?”
Na AWURADE bisale Abraham kyɛ, “Nzu ati yeɛ Sara serele na ɔhane kyɛ, ‘Aso bekye bɔ mayɛ aworowaa ye yeɛ mebaawo ɔ?’ Aso nikyee bie wɔ berɛ bɔ ɔyɛ se ma AWURADE hɔ ɔ? Na mmerɛ bɔ mahyɛ ne, afoɛ bieku bekye sɔa ala, ngosa ngɔwa wɔ wa, na Sara konya baa bienzua.”
Né Sara suro, yiti ɔsale kyɛ, “Nnzerele.” Nakoso ɔhane kyɛ, “Daabi, ɛserele.”

Afei mmenia nemɔ dwɔsole kyɛ bɛ́kɔ, na bɛfale bɛ nye behyirele Sodom; na Abraham ne bɛ sili nu kyɛ ɔkwaagua bɛ ate. Na AWURADE sele kyɛ, “Aso mva bɔ mebaayɔ ye mvea Abraham anaa? Susu amba kyɛ, Abraham boso ama kɔyɛ maen pirikua bɔ ole tumi, na ɔnate ye so yeɛ ewiase maen mukoraa bekonya saleɛ ɔ. Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.” Na AWURADE hane kyɛ, “Ɔnate kyɛ abubue bɔ bɛbɔ begua Sodom ne Gomora so ne sone soma, na bɛ bɔne te piri paa ne ati, ngodwu ngɔɔnea sɛ bɔ bayɔ ne, ye nwo abubue yeɛ waadwu me nyunu ne anaa. Na sɛ nna sɔ yeɛ ɔte hɔ a, ngonwu ye.” Yiti sɔ mmenia ne kakyili bɛ nwo, betu bɛtengyɛle kyɛ bɛkɔ Sodom, nakoso Abraham de, né ɔtɛ gyi AWURADE nyunu berɛ. Afei Abraham pingyele ye, na obisale ye kyɛ, “Aso ɛkɔfa bɛ bɔ bɛtengyɛ ne ɛkɔfra amumuyɛɛfoɛ so ɛkɔsɛkye bɛ anaa? Yɛfa ye kyɛ mmenia aburannu bɔ bɛtengyɛ wɔ kuro ne anu. Yiti ahaa ɛngɔfa wɔ nye ngɔto mmenia aburannu bɔ bɛtengyɛ wɔ kuro ne anu ne, na ɛngɔyakyi ye sɛkyelɛ anaa? Wɔ de, ɛngɔyɔ sɔ nikyee ne le, kyɛ ɛkɔfa mmenia bɔ bɛtengyɛ ɛkɔfra amumuyɛɛfoɛ kɔsɛkye bɛ ɔ; bɔ ɔkɔmaa mmenia bɔ bɛtengyɛ ne b’ayieleɛ koyie bɛ kyɛ amumuyɛɛfoɛ ɔ. Ah! Ɛngɔhora sɔ yɔ! Yiti aseɛ ye aso amukoraa Ndɛenbualɛniɛ ne, ongobua ndɛen bɔ ɔtengyɛ hɔ ɔ?” Na AWURADE buale kyɛ, “Sɛ menya mmenia aburannu bɔ bɛtengyɛ wɔ Sodom kuro ne anu a, ɔnate bɛ ti mengɔsɛkye kuro ne.” Na Abraham buale kyɛ, “Amba, ɔwɔ nu kyɛ nde mvuture ne nzoen de, nakoso ndɛ gyi me gya nu kyɛ me ne AWURADE yɛkodwudwo. Mmenia aburannu bɔ bɛtengyɛ ne, sɛ so nnu fi so ɛ? Yiti ɔnate nnu bɔ bafi so ne ati ɛkɔsɛkye kuro ne amukoraati anaa?” Na obuale kyɛ, “Sɛ menya aburanna ne nnu wɔ berɛ a, mengɔsɛkye ye.” Na Abraham sá bisale AWURADE kyɛ, “Na sɛ enya mmenia aburanna berɛ ɛ? Na ye koso obuale kyɛ, “Ɔnate aburanna ne ati mengɔyɔ sɔ.” Na Abraham hane kyɛ, “Ɛhe de mesrɛ wɔ, AWURADE, nnɛfɛ yaa, na maa ndwudwo kãa. Sɛ enya mmenia aburasa berɛ ɛ?” Na obuale kyɛ, “Sɛ menya mmenia aburasa berɛ a, mengɔyɔ sɔ.” Na ɔhane kyɛ, “Ndɛ gyi me gya nu kyɛ me ne AWURADE yɛkodwudwo. Sɛ enya mmenia aburanyɔ berɛ ɛ?” Na obuale kyɛ, “Ɔnate aburanyɔ ne ati mengɔsɛkye ye.” Afei ɔhane kyɛ, “Mesrɛ wɔ, AWURADE, nnɛfɛ yaa. Maa nga edwirɛ komapɛ twe he ala: Na sɛ enya mmenia buru berɛ ɛ?” Na obuale kyɛ, “Ɔnate buru ne ati mengɔsɛkye ye.” Na AWURADE ne Abraham bedwudwole beyiele nen, ofili berɛ hɔle; na Abraham koso osa hɔle ye awuro.

Luisteren Gyenesise 18