Ayta Mag-antsi - 2006 Edition (NT)

<div class="version vid1282 iso6393sgb" data-vid="1282" data-iso6393="sgb">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Namaal&#237;h hi Apo Jesus h&#234;n hakit ketong ha mihay lalaki</div><div class="r">(Marcos 1:40-45; Lucas 5:12-16)</div><div class="p"> 1H&#234;n nakalohan hi Apo Jesus h&#234;n ubat ha tawgtug, ay main kal-atan ya nangamat kana. 2Dinumani kana ya mihay lalaki ya nag hakit ketong. Nandoko ya ha arapan na, ta wanan nakiingalo, &#8220;Panginoon, no kalabayan mo, ay paalih&#234;n moy hakit ko, &#234;m&#234;n luminis ya lawini ko.&#8221; 3Impalunto ni Apo Jesus ya gam&#234;t na ha nag hakit h&#234;n ketong, bayo wana, &#8220;Labay kon paalih&#234;n ya hakit mo. Luminis ka!&#8221; Tamb&#234;ng naal&#237;h ya hakit na. 4Bayo wani Apo Jesus kana, &#8220;Paan mo pon ipamwang ya hatsi ha hinoman. Pakha ka ha pari ta ipahl&#234;k mo kana ya ayn kay nan ketong. Mantan kan maiparaya ha pamanhumonol mo ha utoh ni apo Moises,#8:4 Levitico 14:2-33. ta &#234;m&#234;n mapapt&#234;gan mo kanlan kaatag ya malinis kay na.&#8221;</div><div class="s">Namaal&#237;h hi Apo Jesus h&#234;n hakit h&#234;n ipoh h&#234;n kapitan h&#234;n hundaloh ya taga-Roma</div><div class="r">(Lucas 7:1-10)</div><div class="p"> 5H&#234;n nilumat&#234;ng yay na hi Apo Jesus ha balayan Capernaum, ay main mihay kapitan h&#234;n hundaloh ya taga-Roma ya nakiingalo kana, ya wana, 6&#8220;Panginoon, ya ipoh ko ay a makaal&#237;h ha papag, ta main yan nabyat ya hakit, haka a na maigalaw ya lawini na. P&#234;rad tana ay a nay na mat&#234;&#234;h ya hadyay ilab.&#8221; 7Kabay wani Apo Jesus, &#8220;Mita kitay na, ta paalih&#234;n koy hakit na.&#8221; 8&#8220;Panginoon, paan kay nan paabala h&#234;n humw&#234;n ha bali ko, ta angkar&#234;ng-&#234;y ako kamo. Iutoh mo tana, ay maal&#237;h ya hakit h&#234;n ipoh ko. 9Hiko man, ay atsi ko ha aypa h&#234;n kapangyarihan h&#234;n kaatag, bayo nag hundaloh ha aypan kapangyarihan ko. Ya kaganawan utoh ko, ay dayg&#234;n la. No habi&#234;n ko kanan miha, &#8216;Mita ka,&#8217; ay mita yay na. No habi&#234;n ko kanan kaatag, &#8216;Paidani ka di,&#8217; ay dumani ya. No habi&#234;n ko kanan ipoh ko, &#8216;Dayg&#234;n moy hatsi,&#8217; ay dayg&#234;n na.&#8221; 10H&#234;n nagilam nay habayto ni Apo Jesus, ay nag-&#234;papah ya. Inarap nay kal-atan ya ampipanonol kana, ta hinabi na, &#8220;Pakagilam&#234;n yo, ayn akon nah&#234;l&#234;k ya miha man ya Israelita, ya &#234;mbayro ya katani&#234;h ya paniwala. 11Pakaihip&#234;n yoy hatsi, mal-at ya alwan Israelita, ya ubat ha ay-irin logal di ha luta, ay kia&#234;m ha kaluto h&#234;n kalamo hi apo Abraham, apo Isaac, haka apo Jacob ha pamanlokop ni Apo Namalyari ha langit. 12Noa, kal-atan ya Israelita ya unan hinagyat, ya a nabay ha pamanlokop ni Apo Namalyari, ay itapon ha karigl&#234;man h&#234;n impiyerno. Hadyay tangih la bayro, haka mipang-ng&#234;-ng&#234;t hila ha hadyay huluk la boy ha hadyay ilab ya angkatanam la.&#8221; 13Bayo hinabi ni Apo Jesus ha kapitan h&#234;n hundaloh, ya wana, &#8220;Muli kay na, ta gawan ha paniwala mo, ay maal&#237;h ya hakit h&#234;n ipoh mo.&#8221; H&#234;n habayto &#234;t, ay naal&#237;h ya hakit h&#234;n ipoh h&#234;n kapitan.</div><div class="s">Namaal&#237;h hi Apo Jesus h&#234;n hakit lan kal-atan ha bali lan Simon Pedro</div><div class="r">(Marcos 1:29-34; Lucas 4:38-41)</div><div class="p"> 14H&#234;n nakahow&#234;n yay na hi Apo Jesus ha bali ni Simon Pedro, ay nah&#234;l&#234;k nay ampo ni Simon Pedro, ya an-omot&#234;n, ya atsi ha papag. 15Tinalan ni Apo Jesus ya gam&#234;t h&#234;n bak&#234;t. Tamb&#234;ng nag-al&#237;h ya hakit na, kabay nir&#234;ng yan namakan kanlan Apo Jesus.</div><div class="p"> 16H&#234;n ampinaboy nay allo, ay gintan la kan Apo Jesus ya kal-atan ya hinapatan h&#234;n nangarawak ya a angkah&#234;l&#234;k, haka hilay nipaghakit, ta ha utoh nan bat, ay namipaplag yan hinumapat kanlan hinapatan, haka namaal&#237;h yan hakit lan nipaghakit. 17Dinyag ni Apo Jesus ya habayto, ta &#234;m&#234;n matupad ya hinabi ni Propeta Isaias, ya &#234;m&#234;n di ya pangahabi, &#8220;Hiya ya namaal&#237;h h&#234;n kaganawan hakit tamo.&#8221;</div><div class="s">Hilay labay h&#234;n kihonol kan Apo Jesus</div><div class="r">(Lucas 9:57-62)</div><div class="p"> 18H&#234;n nah&#234;l&#234;k ni Apo Jesus ya kal-atan ya nakapalibot kana, ay in-utoh nay tagahonol na, ya wana, &#8220;Magbangka kitamo h&#234;n lumipay.&#8221; 19Bayo hila hinumakay ha bangka, ay main mihay m&#225;noron Kautuhan ni apo Moises ya dinumani kana, ya wana kan Apo Jesus, &#8220;M&#225;noro, kihonol ako kamo ay-iri man ya lakw&#234;n mo.&#8221; 20Hinabi etaman kana ni Apo Jesus, &#8220;Hila man ya ahon lal&#234; ay main l&#234;yang ya ampaidyanan, haka hilay manok lal&#234; ay main halay, noa, hiko ya Taga-Langit, ya In-anak Tawo, ay ayn ampaidyanan di ha luta.&#8221; 21Wanan miha pon kanan tagahonol na, &#8220;Panginoon, paulayan mo ko pon h&#234;n mamilb&#234;ng tatang ko.&#8221; 22Noa, wani Apo Jesus kana, &#8220;Kihonol ka kangko, haka paulayan mo hilay ayn biyay ya ayn anggaan, h&#234;n mamilb&#234;ng kapareho lan natsi.&#8221;</div><div class="s">Pinatungg&#234;n ni Apo Jesus ya hadyay angin</div><div class="r">(Marcos 4:35-41; Lucas 8:22-25)</div><div class="p"> 23Bayo hinumakay yay na ha bangka hi Apo Jesus, h&#234;n kalamo na hilay tagahonol na haka nag-umpisa hilay nan lumipay. 24Ha pamanlumipay la, ay nab&#234;l&#234;w ya hi Apo Jesus ha bangka. Am&#234;h&#234;n, nagkamain h&#234;n hadyay angin, haka ya bangka la ay angkapnoy nan lan&#234;m, noa, hi Apo Jesus ay nab&#234;l&#234;w pon. 25Pinukaw la ya, ya wanla, &#8220;Panginoon! Panginoon! Iligtas mo kay, ta ampil&#234;m&#234;h kitamina!&#8221; 26Wana kanla, &#8220;Ayn kaw awud h&#234;n tsiwala kangko! Pata hadyay limo yo!&#8221; Nimata ya, ta binawal nay angin haka hadyay tandulon. Tinungg&#234;n etaman ya angin haka tandulon, h&#234;n namapat&#234;kb&#234;k. 27Nag-&#234;papah hilay tagahonol na. Nihahabi hila, ya wanla, &#8220;Hino kaya ya hatsi ya ampakabawal h&#234;n angin haka tandulon bayo anhumonol hila kana?&#8221;</div><div class="s">Namaal&#237;h hi Apo Jesus h&#234;n nangarawak ya a angkah&#234;l&#234;k, ya hinumapat ha loway Gadareno</div><div class="r">(Marcos 5:1-20; Lucas 8:26-39)</div><div class="p"> 28H&#234;n nilumat&#234;ng hilan Apo Jesus ha logal lan Gadareno, ha lipay lan&#234;m, ay tinupa hila h&#234;n loway lalaki ya ubat ha pay-ilb&#234;ngan, ya hinapatan h&#234;n nangarawak ya a angkah&#234;l&#234;k. Gawan hadyay tobag la, ay ayn ampakadann bayro. 29Nan-angaw hila, ya wanla, &#8220;Jesus, ya Anak ni Apo Namalyari, awta ampaki&#234;m&#234;nan mo kay? Labay mo kay h&#234;n parusaan h&#234;n alwa pon ya intakda ya panaon?&#8221; 30Main kal-atan baboy bayro ya ampipambuk ha bung-oy ya narani ha lan&#234;m. 31Nakiingalo hilay hinumapat kanlan lalaki, ya wanla kan Apo Jesus, &#8220;No ipaplag mo kay, ay paulayan mo kay h&#234;n mipanhumapat kanlan baboy.&#8221; 32Pinaulayan na hila ni Apo Jesus. Kabay inumalih hila kanlan lalaki, ta nipanhumapat hila kanlan baboy. Hilay baboy ya hinapatan la, ay nipamwayun palohan ha natalindah ya laylay lan&#234;m h&#234;n nil&#234;m&#234;h ha dagat-dagatan.</div><div class="p"> 33Hilay manayhay h&#234;n baboy, ay nipamwayu ha balayan la, ta habaytoy nalyari kanlan hinapatan h&#234;n nangarawak ya a angkah&#234;l&#234;k, ay impamwang la ha kabalayan la. 34H&#234;n nagilam lay balita la, ay naubuh lan nilako hilan Apo Jesus. Nakiingalo hila kana ya mag-al&#237;h ya ha logal la.</div>
 </div>
 </div>
</div>

Hên nakalohan hi Apo Jesus hên ubat ha tawgtug, ay main kal-atan ya nangamat kana. Dinumani kana ya mihay lalaki ya nag hakit ketong. Nandoko ya ha arapan na, ta wanan nakiingalo, “Panginoon, no kalabayan mo, ay paalihên moy hakit ko, êmên luminis ya lawini ko.” Impalunto ni Apo Jesus ya gamêt na ha nag hakit hên ketong, bayo wana, “Labay kon paalihên ya hakit mo. Luminis ka!” Tambêng naalíh ya hakit na. Bayo wani Apo Jesus kana, “Paan mo pon ipamwang ya hatsi ha hinoman. Pakha ka ha pari ta ipahlêk mo kana ya ayn kay nan ketong. Mantan kan maiparaya ha pamanhumonol mo ha utoh ni apo Moises, ta êmên mapaptêgan mo kanlan kaatag ya malinis kay na.”


Hên nilumatêng yay na hi Apo Jesus ha balayan Capernaum, ay main mihay kapitan hên hundaloh ya taga-Roma ya nakiingalo kana, ya wana, “Panginoon, ya ipoh ko ay a makaalíh ha papag, ta main yan nabyat ya hakit, haka a na maigalaw ya lawini na. Pêrad tana ay a nay na matêêh ya hadyay ilab.” Kabay wani Apo Jesus, “Mita kitay na, ta paalihên koy hakit na.” “Panginoon, paan kay nan paabala hên humwên ha bali ko, ta angkarêng-êy ako kamo. Iutoh mo tana, ay maalíh ya hakit hên ipoh ko. Hiko man, ay atsi ko ha aypa hên kapangyarihan hên kaatag, bayo nag hundaloh ha aypan kapangyarihan ko. Ya kaganawan utoh ko, ay daygên la. No habiên ko kanan miha, ‘Mita ka,’ ay mita yay na. No habiên ko kanan kaatag, ‘Paidani ka di,’ ay dumani ya. No habiên ko kanan ipoh ko, ‘Daygên moy hatsi,’ ay daygên na.” Hên nagilam nay habayto ni Apo Jesus, ay nag-êpapah ya. Inarap nay kal-atan ya ampipanonol kana, ta hinabi na, “Pakagilamên yo, ayn akon nahêlêk ya miha man ya Israelita, ya êmbayro ya kataniêh ya paniwala. Pakaihipên yoy hatsi, mal-at ya alwan Israelita, ya ubat ha ay-irin logal di ha luta, ay kiaêm ha kaluto hên kalamo hi apo Abraham, apo Isaac, haka apo Jacob ha pamanlokop ni Apo Namalyari ha langit. Noa, kal-atan ya Israelita ya unan hinagyat, ya a nabay ha pamanlokop ni Apo Namalyari, ay itapon ha kariglêman hên impiyerno. Hadyay tangih la bayro, haka mipang-ngê-ngêt hila ha hadyay huluk la boy ha hadyay ilab ya angkatanam la.” Bayo hinabi ni Apo Jesus ha kapitan hên hundaloh, ya wana, “Muli kay na, ta gawan ha paniwala mo, ay maalíh ya hakit hên ipoh mo.” Hên habayto êt, ay naalíh ya hakit hên ipoh hên kapitan.


Hên nakahowên yay na hi Apo Jesus ha bali ni Simon Pedro, ay nahêlêk nay ampo ni Simon Pedro, ya an-omotên, ya atsi ha papag. Tinalan ni Apo Jesus ya gamêt hên bakêt. Tambêng nag-alíh ya hakit na, kabay nirêng yan namakan kanlan Apo Jesus.
Hên ampinaboy nay allo, ay gintan la kan Apo Jesus ya kal-atan ya hinapatan hên nangarawak ya a angkahêlêk, haka hilay nipaghakit, ta ha utoh nan bat, ay namipaplag yan hinumapat kanlan hinapatan, haka namaalíh yan hakit lan nipaghakit. Dinyag ni Apo Jesus ya habayto, ta êmên matupad ya hinabi ni Propeta Isaias, ya êmên di ya pangahabi, “Hiya ya namaalíh hên kaganawan hakit tamo.”


Hên nahêlêk ni Apo Jesus ya kal-atan ya nakapalibot kana, ay in-utoh nay tagahonol na, ya wana, “Magbangka kitamo hên lumipay.” Bayo hila hinumakay ha bangka, ay main mihay mánoron Kautuhan ni apo Moises ya dinumani kana, ya wana kan Apo Jesus, “Mánoro, kihonol ako kamo ay-iri man ya lakwên mo.” Hinabi etaman kana ni Apo Jesus, “Hila man ya ahon lalê ay main lêyang ya ampaidyanan, haka hilay manok lalê ay main halay, noa, hiko ya Taga-Langit, ya In-anak Tawo, ay ayn ampaidyanan di ha luta.” Wanan miha pon kanan tagahonol na, “Panginoon, paulayan mo ko pon hên mamilbêng tatang ko.” Noa, wani Apo Jesus kana, “Kihonol ka kangko, haka paulayan mo hilay ayn biyay ya ayn anggaan, hên mamilbêng kapareho lan natsi.”


Bayo hinumakay yay na ha bangka hi Apo Jesus, hên kalamo na hilay tagahonol na haka nag-umpisa hilay nan lumipay. Ha pamanlumipay la, ay nabêlêw ya hi Apo Jesus ha bangka. Amêhên, nagkamain hên hadyay angin, haka ya bangka la ay angkapnoy nan lanêm, noa, hi Apo Jesus ay nabêlêw pon. Pinukaw la ya, ya wanla, “Panginoon! Panginoon! Iligtas mo kay, ta ampilêmêh kitamina!” Wana kanla, “Ayn kaw awud hên tsiwala kangko! Pata hadyay limo yo!” Nimata ya, ta binawal nay angin haka hadyay tandulon. Tinunggên etaman ya angin haka tandulon, hên namapatêkbêk. Nag-êpapah hilay tagahonol na. Nihahabi hila, ya wanla, “Hino kaya ya hatsi ya ampakabawal hên angin haka tandulon bayo anhumonol hila kana?”


Hên nilumatêng hilan Apo Jesus ha logal lan Gadareno, ha lipay lanêm, ay tinupa hila hên loway lalaki ya ubat ha pay-ilbêngan, ya hinapatan hên nangarawak ya a angkahêlêk. Gawan hadyay tobag la, ay ayn ampakadann bayro. Nan-angaw hila, ya wanla, “Jesus, ya Anak ni Apo Namalyari, awta ampakiêmênan mo kay? Labay mo kay hên parusaan hên alwa pon ya intakda ya panaon?” Main kal-atan baboy bayro ya ampipambuk ha bung-oy ya narani ha lanêm. Nakiingalo hilay hinumapat kanlan lalaki, ya wanla kan Apo Jesus, “No ipaplag mo kay, ay paulayan mo kay hên mipanhumapat kanlan baboy.” Pinaulayan na hila ni Apo Jesus. Kabay inumalih hila kanlan lalaki, ta nipanhumapat hila kanlan baboy. Hilay baboy ya hinapatan la, ay nipamwayun palohan ha natalindah ya laylay lanêm hên nilêmêh ha dagat-dagatan.
Hilay manayhay hên baboy, ay nipamwayu ha balayan la, ta habaytoy nalyari kanlan hinapatan hên nangarawak ya a angkahêlêk, ay impamwang la ha kabalayan la. Hên nagilam lay balita la, ay naubuh lan nilako hilan Apo Jesus. Nakiingalo hila kana ya mag-alíh ya ha logal la.

Luisteren Mateo 8