<div class="version vid1214 iso6393knf" data-vid="1214" data-iso6393="knf">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">U&#355;up ujuni</span></div><div class="ip"><span class="content">Ulibra u&#359;eek wi U&#355;up wi Na&#351;iba&#355;i katim ki wa kawo &#171; Ujuni &#187; &#355;iki uji u&#355;iiniyaan ujuni wi umundu, na iko b&#359;i inwoo&#331; abot a&#355;iiniyaan pntaali pi I&#359;rayel panwoo&#331; pi Na&#351;iba&#355;i. Kafah 1 te 11 : Hum di &#241;aa&#331; akdoo&#331; kadoo kame umundu wi &#331;woo&#331; wi ? In awoo&#331; &#241;aa&#331; ? We uwoo&#331; ulempul k&#235;me we ukaa&#331; k&#235; abi &#355;i umundu ? We ukaa&#331; k&#235; ba&#241;aa&#331; baji baban &#355;u&#331; kawo &#355;i p&#331;om na bkujar na ugut ? We uhinanu&#331; kap&#235;nan uko m&#235;n&#355; ? Iko m&#235;n&#355; yi yi kafah ka&#359;eek ki ulibra ujuni wi kakdoo&#331; na p&#359;eem. &#209;iin&#355; na &#209;aa&#355; jibi ba&#355;akadiiri (1-2) ; pgar pi bagaru&#331; na Na&#351;iba&#355;i (3) ; Kayin na Abel (4) Nowe &#355;i wal wi u&#351;ubal uweek (6-9) ; Katoh kaweek ki &#331;&#351;oobra ki Babel (11). Iko impii&#359;u&#331; &#355;i, &#241;aa&#331; aanhil ka&#355;up bnuura wal wi i&#355;&#235;pu&#331; na manjoonan jibi ba&#241;aa&#331; baj&#235;n bajaa&#331; bado h&#235;nku&#331;. Ifah 12 te 50 ikakal&#235;&#351; jibi Na&#351;iba&#355;i ak&#355;iju&#331; umundu mbuur wi aduu&#331; bantohi ba&#359;eek biki I&#359;rayel bado kalempara : Abraham (12.1&#8211;25.18), anwoo&#331; &#241;aa&#331; anfiyaaru&#331; bnuura abot aji &#355;a&#351; Na&#351;iba&#355;i awo i ba&#241;aa&#331; bado katen &#355;i a. I&#359;aak awoo&#331; abukul. Ababul Yakob (25.19&#8211;36.43) i i babii&#331; a&#355;u katim ki I&#359;rayel. Yo&#359;ef (37.1&#8211;50.26) anwoo&#331; alo&#331; &#355;i babuk Yakob, abii&#331; ado k&#235; Yakob na babukul bandukii&#331; na babuk baka b&#359;i k&#235; baya af&#235;&#355; du Ejiptu. Ulibra ujuni uwo duna pjukan &#355;i uko wi Na&#351;iba&#355;i adolu&#331;. Ujunna a&#355;up k&#235; Na&#351;iba&#355;i apa&#351;u&#331; umundu, k&#235; uko m&#235;n&#355; ukdiiman mnd&#235;m mi wa, k&#235; umundu b&#359;i u&#351;&#235; wo &#355;i i&#241;en yi Na&#351;iba&#355;i, ul ak&#351;ihu&#331; wa. Ulibra ubaana &#355;i kaho&#331; ki Na&#351;iba&#355;i aho&#331;u&#331; aji ado katen pntaali pi nul. Du ujuni te uba ulibra wi, Na&#351;iba&#355;i awoo&#331; i bak&#355;iiniyaanu&#331; : Ado k&#235; ba&#241;aa&#331; bame a, aji way&#235;&#351;, aji &#355;o&#331; kabot ka&#355;&#235;nk pntaali pi nul, aji boman iko b&#359;i yi pntaali pi nul. K&#235; a&#351;&#235; ji &#331;al ba&#241;aa&#331; bafiyaara baku&#355; bafiyaar kaho&#331; ki aho&#331;u&#331;, bado ka&#355;a&#351; uko wi a&#355;uu&#331; pdo na bgah bi nul. Ulibra wi ujej idolade yi unjon yi I&#359;rayel kadolna ba&#241;aa&#331; bayikr&#235;n bnuura hum di pntaali m&#235;n&#355; pabii&#331; awo &#355;i pfiyaar, jibi padolu&#331; k&#235; pfiyaar m&#235;n&#355; paliin&#359; abot ajoonan.</span></div>
      </div>
   </div>
</div>

Uţup ujuni
Ulibra uŧeek wi Uţup wi Naşibaţi katim ki wa kawo « Ujuni » ţiki uji uţiiniyaan ujuni wi umundu, na iko bŧi inwooŋ abot aţiiniyaan pntaali pi Iŧrayel panwooŋ pi Naşibaţi. Kafah 1 te 11 : Hum di ñaaŋ akdooŋ kadoo kame umundu wi ŋwooŋ wi ? In awooŋ ñaaŋ ? We uwooŋ ulempul këme we ukaaŋ kë abi ţi umundu ? We ukaaŋ kë bañaaŋ baji baban ţuŋ kawo ţi pŋom na bkujar na ugut ? We uhinanuŋ kapënan uko mënţ ? Iko mënţ yi yi kafah kaŧeek ki ulibra ujuni wi kakdooŋ na pŧeem. Ñiinţ na Ñaaţ jibi baţakadiiri (1-2) ; pgar pi bagaruŋ na Naşibaţi (3) ; Kayin na Abel (4) Nowe ţi wal wi uşubal uweek (6-9) ; Katoh kaweek ki ŋşoobra ki Babel (11). Iko impiiŧuŋ ţi, ñaaŋ aanhil kaţup bnuura wal wi iţëpuŋ na manjoonan jibi bañaaŋ bajën bajaaŋ bado hënkuŋ. Ifah 12 te 50 ikakalëş jibi Naşibaţi akţijuŋ umundu mbuur wi aduuŋ bantohi baŧeek biki Iŧrayel bado kalempara : Abraham (12.1–25.18), anwooŋ ñaaŋ anfiyaaruŋ bnuura abot aji ţaş Naşibaţi awo i bañaaŋ bado katen ţi a. Iŧaak awooŋ abukul. Ababul Yakob (25.19–36.43) i i babiiŋ aţu katim ki Iŧrayel. Yoŧef (37.1–50.26) anwooŋ aloŋ ţi babuk Yakob, abiiŋ ado kë Yakob na babukul bandukiiŋ na babuk baka bŧi kë baya afëţ du Ejiptu. Ulibra ujuni uwo duna pjukan ţi uko wi Naşibaţi adoluŋ. Ujunna aţup kë Naşibaţi apaşuŋ umundu, kë uko mënţ ukdiiman mndëm mi wa, kë umundu bŧi uşë wo ţi iñen yi Naşibaţi, ul akşihuŋ wa. Ulibra ubaana ţi kahoŋ ki Naşibaţi ahoŋuŋ aji ado katen pntaali pi nul. Du ujuni te uba ulibra wi, Naşibaţi awooŋ i bakţiiniyaanuŋ : Ado kë bañaaŋ bame a, aji wayëş, aji ţoŋ kabot kaţënk pntaali pi nul, aji boman iko bŧi yi pntaali pi nul. Kë aşë ji ŋal bañaaŋ bafiyaara bakuţ bafiyaar kahoŋ ki ahoŋuŋ, bado kaţaş uko wi aţuuŋ pdo na bgah bi nul. Ulibra wi ujej idolade yi unjon yi Iŧrayel kadolna bañaaŋ bayikrën bnuura hum di pntaali mënţ pabiiŋ awo ţi pfiyaar, jibi padoluŋ kë pfiyaar mënţ paliinŧ abot ajoonan.

Luisteren Ujuni Uţup ujuni