लेवीहरू 22:31-33

शेयर गर्नुहोस्

लेवीहरू 22:31-33 सरल नेपाली पवित्र बाइबल (सरल नेपाली)

परमप्रभुले भन्‍नुभयो, “मेरा आज्ञाहरू पालन गर। म परमप्रभु हुँ। मेरा पवित्र नामको बदनाम नगर। सबै इस्राएलीहरूले मलाई पवित्र भनी ग्रहण गर्नुपर्छ। म परमप्रभु हुँ र तिमीहरूलाई पवित्र गर्दछु। म तिमीहरूका परमेश्‍वर बनूँ भनी मैले तिमीहरूलाई मिश्रदेशबाट निकाली ल्‍याएँ। म परमप्रभु हुँ।”

लेवीहरू 22:31-33 नेपाली नयाँ संशोधित संस्करण (NNRV)

“तिमीहरूले मेरा आज्ञाहरू पालन गर्नू। म परमप्रभु हुँ। मेरो पवित्र नाउँ तिमीहरूले अपवित्र नगर्नू। इस्राएलीहरूले म पवित्र छु भनी स्‍वीकार गरून्‌। तिमीहरूलाई पवित्र गराउने, र तिमीहरूका परमेश्‍वर हुनलाई तिमीहरूलाई मिश्रबाट निकाली ल्‍याउने परमप्रभु मै हुँ। म परमप्रभु हुँ।”

लेवीहरू 22:31-33 पवित्र बाइबल, नेपाली समकालीन संस्करण (NCV)

“मेरा आज्ञाहरू पालन गर्नू, र त्यसअनुसार चल्नू। म नै याहवेह हुँ। मेरो पवित्र नामलाई अपवित्र नतुल्याउनू। म पवित्र छु भनी इस्राएलीहरूले स्वीकार गर्नैपर्छ। तिमीहरूलाई पवित्र तुल्याउने याहवेह म नै हुँ। अनि तिमीहरूका परमेश्‍वर हुनलाई तिमीहरूलाई इजिप्टबाट निकालेर ल्याउने म नै हुँ; म नै याहवेह हुँ।”

लेवीहरू 22:31-33 पवित्र बाइबल (NERV)

“मेरो आज्ञाहरू याद राख अनि पालन गर। म परमप्रभु हुँ। इस्राएलका मानिसहरूले मलाई विशेष रूपमा स्वीकार गर्नु पर्छ। मेरो नाउँको आदर गर्नु पर्छ। म परमप्रभु हुँ अनि तिमीहरूलाई पवित्र बनाउँछु। मैले तिमीहरूलाई मिश्र देशबाट ल्याएँ। म तिमीहरूको परमेश्वर भएको छु। म परमप्रभु हुँ।”