مَرْكُسْ 15

أَنْ كَيْ عِيسَىٰ أَغَبَنْ ڠُومْنَ بِلَتُسْ

﴿مَتْ 27‏.1‏-2‏،11‏-14؛ لُكْ 23‏.1‏-5؛ يَحـ 18‏.28‏-38﴾

1دَ سَسَّڢٜىٰ مَنْيَنْ ڢِرِسْتُواْثِے دَ شُوغَبَنِّ دَ مَلَمً كُواْيَرْوَرْ مُوسَٰى دَ دُكَنْ سَوْرَنْ یَنْ مَجَلِسَ سُكَيِ شَوَرَا؞ سَيْ سُكَ طَوْرٜىٰ عِيسَىٰ، سُكَ تَڢِے دَشِ، غَبَنْ بِلَتُسْ؞ 2بِلَتُسْ كُوَ يَتَمْبَيٜىٰشِ يَثٜىٰ ‏«‏كَيْ نٜىٰ سَرْكِنْ يَهُودَاوَا؟»‏

عِيسَىٰ يَأَمْسَ مَسَ يَثٜىٰ ‏«‏كَيْ نٜىٰ كَڢَطِ حَكَ؞»‏

3سَيْ مَنْيَنْ ڢِرِسْتُواْثِے سُكَيِ تَظَرْغِنْسَ عَكَنْ أَبُبُوَ دَيَوَ؞ 4سَيْ بِلَتُسْ يَسَاكٜىٰ تَمْبَيَرْسَ يَثٜىٰ ‏«‏غَاشِ ڢَا، أَنَ زَرْغِنْكَ عَكَنْ أَبُبُوَ دَيَوَ، بَذَاكَ بَادَ أَمْسَبَ؟»‏

5عَمَّا حَرْ يَنْذُ، عِيسَىٰ بَيْ ڧَارَيِنْ وَتَ مَغَنَ بَ، حَرْ أَبِنْ يَدَامِ بِلَتُسْ؞

أَنْ يَنْكٜىٰوَ عِيسَىٰ حُكُنْثِنْ مُتُوَ

﴿مَتْ 27‏.15‏-26؛ لُكْ 23‏.13‏-25؛ يَحـ 18‏.39‏—19‏.16﴾

6أَبِنْ دَ سَرْكِے يَسَابَايِ أَلُواْكَثِنْ بِكٍ شِينٜىٰ، يَكَنْ سَكَرْ مُسُ طَنْ كُرْكُكُ طَيَ وَنْدَ مُتَنٜىٰنْ سُكَ ضُواْڧَا؞ 7تُواْ، أَݣَويْ وَنِ مَيْ سُونَ بَرَبَّسْ وَنْدَ يَكٜىٰ أَطَوْرٜىٰ عَكُرْكُكُ، تَرٜىٰدَ یَنْ تَاوَيٜىٰ دَسُكَ كَشٜىٰ مُتُمْ أَ لُواْكَثِنْ دَ عَكَيِ تَاوَيٜىٰ؞ 8سَيْ تَارُوانْ جَمَعَ سُكَذُواْ سُكَ ڢَارَ ضُواْڧُوانْ بِلَتُسْ يَيِ مُسُ أَبِنْدَ يَسَابَا يِ؞ 9بِلَتُسْ يَأَمْسَ مُسُ يَثٜىٰ ‏«‏كُنَ سُواْ إِنْ سَكَرْ مُكُ سَرْكِنْ يَهُودَاوَا؟»‏ 10غَمَا يَغَانٜىٰ ثٜىٰوَ سَبُواْدَ كِيشِنٜىٰ يَسَا مَنْيَنْ ڢِرِسْتُواْثِے سُكَ بَادَ عِيسَىٰ أَ حَنُّنْسَ؞

11عَمَّا مَنْيَنْ ڢِرِسْتُواْثِے سُكَ ذُغَ جَمَعَ سُثٜىٰ يَسَكِ بَرَبَّسْ أَمَيْمَكُوانْ عِيسَىٰ؞ 12سَيْ بِلَتُسْ يَتَمْبَيٜىٰسُ يَثٜىٰ ‏«‏تُواْ، مٜىٰ ذَنْيِ دَ وَنْدَ كُكٜىٰثٜىٰ دَشِ سَرْكِنْ يَهُودَاوَا؟»‏

13سُكَتَادَ مُرْيَ سُكَثٜىٰ ‏«‏أَغِثِّيٜىٰشِ!‏»‏

14بِلَتُسْ كُوَ يَثٜىٰ مُسُ ‏«‏دُوانْمٜىٰ؟ وَنٜىٰ لَيْڢِے نٜىٰ يَيِ؟»‏

سَيْ سُكَڧَارَ تَادَ مُرْيَ سُنَ ثٜىٰوَ ‏«‏أَغِثِّيٜىٰشِ!‏»‏

15دَيَكٜىٰ بِلَتُسْ يَنَ سُواْ يَڢَرَنْتَ وَ جَمَعَ ذُوثِيَا، سَيْ يَسَكَرْ مُسُ بَرَبَّسْ؞ بَايَنْدَ يَسَا عَكَيِ وَ عِيسَىٰ بُلَلَ، سَيْ يَبَادَشِ دُواْمِنْ أَغِثِّيٜىٰشِ؞

سُواْجُواْجِ سُنْيِ وَ عِيسَىٰ بَعَ

﴿مَتْ 27‏.27‏-31؛ يَحـ 19‏.2‏-3﴾

16سُواْجُواْجِنْ سُكَ تَڢِے دَ عِيسَىٰ أَ ذَوْرٜىٰنْ بَرْكِ، وَتُواْ ڢَادَرْ ڠُومْنَ وَنْدَ عَكٜىٰثٜىٰ دَشِ ‏«‏ڢِرٜىٰتُواْرِيُمْ»‏؞ سُكَ تَارَ دُكَنْ سَوْرَنْ سُواْجُواْجِنْ؞ 17سُكَسَا مَسَ وَتَ رِغَا إِرِنْ تَسَرَاكُنَ مَيْ كَلَرْ جَرْ غَرُورَا، سُكَ كُمَيِ وَتَ هُولَرْ مُلْكِ تَڧَيَ، سُكَسَا مَسَ عَكَيْ؞ 18سَيْ سُكَ ڢَارَ يِمَسَ غَيْسُوَا سُنَ ثٜىٰوَ ‏«‏رَنْكَيَدَطٜىٰ، سَرْكِنْ يَهُودَاوَا!‏»‏ 19سُكَ كُمَيِ تَبُغُنْسَ عَكَيْ دَ سَنْدَا، سُنَ تُواْتُّواْڢَ مَسَ مِيَوْ؞ سَعَنً سُكَ دُرْڧُسَ وَيْ سُنَيِ مَسَ بَنْ غِرْمَ؞

20دَ سُكَ غَمَ يِمَسَ بَعَ حَكَ، سَيْ سُكَ ثِرٜىٰ مَسَ رِغَرْ مُلْكِ، سُكَسَا مَسَ نَاسَ رِيغُنَ؞ سَعَنً سُكَ كَيْشِ وَجٜىٰ دُواْمِنْ أَغِثِّيٜىٰشِ؞

أَنْ غِثِّيٜىٰ عِيسَىٰ

﴿مَتْ 27‏.32‏-44؛ لُكْ 23‏.26‏-43؛ يَحـ 19‏.17‏-27﴾

21سُنَ ثِكِنْ تَڢِيَ، سَيْغَا وَنِ مُتُمْ يَنَ وُثٜىٰوَ مَيْ سُونَ سِيمَنْ، مُتُمِنْ سَيِرِنْ، بَابَنْ إِسْكَنْدَرِ دَ رُڢُسْ، يَنَ ذُوَا دَغَ ڧَوْيٜىٰ، سُكَسَاشِ دُواْلٜىٰ يَطَوْكِ غِثِّيٜىٰنْ عِيسَىٰ؞#رُوامْ 16‏.13 22سُكَ كَيْ عِيسَىٰ وَنِ وُرِے مَيْ سُونَ غُوالْغُواْتَ، وَتُواْ وُرِنْ ڧُواْڧُوانْ كَيْ؞ 23أَوُرِنْ سُكَ مِيڧَ مَسَ ضُوً إِنَبِے غَوْرَايٜىٰ دَ مُرْ،#15‏.23 مُرْ: وَنِ مَاغَنِ نٜىٰ وَنْدَ يَكَنْ ضَغٜىٰ ذَاڢِنْ ثِيوُاْ أَجِكِنْ مُتُمْ؞ عَمَّا يَڧِشَا؞ 24سَيْ سُكَ غِثِّيٜىٰشِ؞ سُكَ كُمَ رَرَّبَ رِيغُنَنْسَ أَڟَكَانِنْسُ، سُكَيِ ڧُرِعَ عَكَنْسُ دُواْمِنْ سُغَ أَبِنْدَ كُواْوَ ذَيْسَامُ؞#زَبُو 22‏.19 25دَ ڧَرْڢٜىٰ تَرَ نَسَڢٜىٰ نٜىٰ سُكَ غِثِّيٜىٰشِ؞ 26أَغُنْ‌غُمٜىٰنْ إِتَاثٜىٰنْ كُوَ أَنْرُبُوتَ سَنَرْوَرْ زَرْغِنْ دَ عَكَيِ مَسَ ثٜىٰوَ ‏«‏سَرْكِنْ يَهُودَاوَا؞»‏ 27سُكَ كُمَ غِثِّيٜىٰ یَنْ ڢَشِ بِيُ تَرٜىٰدَشِ، طَيَ أَ حَنُّنْ دَامَنْسَ، طَيَ كُمَ أَ حَنُّنْ هَغُنْسَ؞ 28وَنَّنْ شِينٜىٰ ثِكَرْ أَنَّبْثِنْدَ يَثٜىٰ ‏«‏أَنْ لِسَّڢْتَاشِ عَثِكِنْ مَاسُ لَيْڢِے؞»‏#15‏.28 وَطَنْسُ رُبُوثٜىٰ رُبُوثٜىٰ نَدَا بَاسُدَ وَنَّنْ أَيَ؞#عِشـ 53‏.12

29مُتَنٜىٰنْ دَسُكٜىٰ وُثٜىٰوَ سُكَ يِتَيِنْ مَغَنْ‌غَنُنْ رٜىٰنِ، سُنَ كَطَ كَيْ، سُنَ ثٜىٰوَ ‏«‏أَهَڢْ!‏ كَيْ دَ ذَاكَ رُشٜىٰ هَيْكَلِ، ذَاكَ كُمَ غِنَاشِ ثِكِنْ ݣُونَ عُكُ،#زَبُو 22‏.8؛ 109‏.25؛ مَرْ 14‏.58؛ يَحـ 2‏.19 30تُواْ، كَثٜىٰثِ كَنْكَ كَسَوْكُواْ مَنَ!‏»‏

31حَكَكُمَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُكَ يِتَيِ مَسَ بَعَ أَڟَكَانِنْسُ سُنَ ثٜىٰوَ ‏«‏يَثٜىٰثِ وَطَنْسُ، عَمَّا بَيْ عِيَ ثٜىٰتُوانْ كَنْسَبَ!‏ 32بَرِ وَنَّنْ أَلْمَسِيحُ، وَيْ سَرْكِنْ إِسْرَٰٓءِيلَ، يَسَوْكُواْ يَنْذُ دَغَ غِثِّيٜىٰنَّنْ، دُوانْ مُغَنِ مُبَادَ غَسْكِيَ!‏»‏ یَنْ ڢَشِنْ دَ عَكَ غِثِّيٜىٰ تَرٜىٰ دَشِيمَا سُكَيِ مَسَ بَڧَرْ مَغَنَ؞

مُتُوَرْ عِيسَىٰ

﴿مَتْ 27‏.45‏-56؛ لُكْ 23‏.44‏-49؛ يَحـ 19‏.28‏-30﴾

33دَ ڟَكَرْ رَانَ، سَيْ دُهُ يَرُڢٜىٰ دُكَنْ ڧَسَرْ، حَرْ ذُوَا ڧَرْڢٜىٰ عُكُ نَيَمَّ؞ 34سَعَنً دَ ڧَرْڢٜىٰ عُكُ، عِيسَىٰ يَطَغَ مُرْيَ دَ ڧَرْڢِے يَثٜىٰ، ‏«‏عٜىٰلُواْإِ، عٜىٰلُواْإِ، لَمَ سَبَكْتَنِ؟»‏ وَتُواْ ‏«‏يَا اللَّهْ نَا، يَا اللَّهْ نَا، دُوانْمٜىٰ كَيَاشٜىٰنِ؟»‏#زَبُو 22‏.1

35دَ وَطَنْدَ سُكٜىٰ ڟَيٜىٰ أَوُرِنْ سُكَجِ حَكَ، سُكَثٜىٰ ‏«‏غَاشِ، يَنَ كِرَنْ أَنَّبِے إِلْيَاسُ؞»‏ 36سَيْ طَيَنْسُ يَغُدُ، يَجِڧَ سُواْسُواْ دَ ضُوً ڟَامِ دَغَ یَیَنْ إِنَبِے، يَسُواْكَ أَ سَنْدَا يَمِيڧَوَ عِيسَىٰ دُواْمِنْ يَشَا، يَثٜىٰ ‏«‏كُڟَيَ دَيْ!‏ بَرِ مُغَنِ كُواْ أَنَّبِے إِلْيَاسُ ذَيْذُواْ يَسَوْكُواْ دَشِ؞»‏#زَبُو 69‏.21

37سَيْ عِيسَىٰ يَطَغَ مُرْيَ دَ ڧَرْڢِے، سَعَنً يَجَا نُمْڢَشِنْسَ نَڧَرْشٜىٰ سَيْ يَمُتُ؞

38سَيْ لَبُلٜىٰنْ دَيَكٜىٰ ثِكِنْ هَيْكَلِ#15‏.38 لَبُلٜىٰنْ...هَيْكَلِ: وَتُواْ، يَدِنْ دَ عَكَ رُڢٜىٰ ڧُواْڢَرْ وُرِے مَڢِے ڟَرْكِے أَ هَيْكَلِ؞ يَيَاغٜىٰ كَشِ بِيُ تُنْدَغَ سَمَ حَرْ ڧَسَا؞#ڢِتْ 26‏.31‏-33

39لُواْكَثِنْ دَ سُواْجَ وَنْدَ يَكٜىٰ ڟَيٜىٰ أَغَبَنْ عِيسَىٰ يَغَ يَدَّ يَمُتُ، سَيْيَثٜىٰ ‏«‏بَاشَكَّ، وَنَّنْ مُتُمْ طَنْ اللَّهْ نٜىٰ!‏»‏

40وَطَنْسُ مَاتَا كُمَ سُكَ ڟَيَ ثَنْ دَ نٜىٰسَ سُنَ كَلُّواْ؞ ثِكِنْسُ كُوَ أَݣَويْ مَرْيَمُ دَغَ مَغَدَلَ دَ مَرْيَمُ مَامَرْ يَعْڧُوبَ ڧَرَمِ دَ يُوسُڢَ دَ كُمَ سَلُواْمِ؞ 41تُنْدَغَ غَلِيلِ نٜىٰ وَطَنَّنْ مَاتَا سُكَبِيُواْ شِ سُنَيِ مَسَ حِدِمَ؞ وَطَنْسُ مَاتَا كُمَ دَيَوَ وَطَنْدَ سُكَذُواْ تَرٜىٰ دَشِ أَ عُرُوشَلِيمَ سُنَ وُرِنْ مَا؞#لُكْ 8‏.2‏-3

بِنّٜىٰوَرْ عِيسَىٰ

﴿مَتْ 27‏.57‏-61؛ لُكْ 23‏.50‏-56؛ يَحـ 19‏.38‏-42﴾

42دَ يَمَّ تَيِ، أَنَ شِرِ غَمَا غُواْبٜىٰ رَانَرْ هُوتُ تَمَكُواْ ثٜىٰ؞ 43سَيْ وَنِ مُتُمْ مَيْ سُونَ يُوسُڢَ دَغَ أَرِمَتِيَ يَذُواْ؞ شِ طَنْ مَجَلِسَ نٜىٰ، مَيْ مُتُنْثِ كُوَ، وَنْدَ يَكٜىٰ مَرْمَرِنْ مُلْكٍ اللَّهْ يَذُواْ؞ يَيِ ڧَرْڢِنْ حَلِ يَتَڢِے وُرِنْ بِلَتُسْ، يَضُواْڧَا عَبَاشِ جِكِنْ عِيسَىٰ؞ 44بِلَتُسْ يَيِ مَامَاكِ دَ يَجِ ثٜىٰوَ عِيسَىٰ يَارِغَا يَمُتُ؞ سَيْ يَكِرَا سُواْجَ طِنْ يَتَمْبَيٜىٰشِ كُواْ غَسْكِيَ نٜىٰ عِيسَىٰ يَارِغَا يَمُتُ؞ 45دَ يَتَبَّتَرْ دَغَ بَاكِنْ سُواْجَنَّنْ، سَيْ يَبَا يُوسُڢَ جِكِنْ؞

46يُوسُڢَ كُوَ يَسَيُواْ يَدِنْ لِيلِنْ، يَسَوْكُواْ دَ جِكِنْ عِيسَىٰ، يَنَنَّطٜىٰ شِ عَيَدِنْ لِيلِنْ، يَسَا شِ عَكَبَرِنْ دَ عَكَ حَڧَ أَجِكِنْ دُوڟٜىٰ؞ سَعَنً يَغَنْ‌غَرُواْ دَ وَنِ دُوڟٜىٰ يَرُڢٜىٰ بَاكِنْ كَبَرِنْ؞

47مَرْيَمُ دَغَ مَغَدَلَ دَ مَرْيَمُ مَامَرْ يُوسُڢَ سُنَ كَلُّواْ، سُكَغَ عِنْدَ عَكَ ݣُونْتَرْدَ جِكِنْ عِيسَىٰ؞

अहिले सेलेक्ट गरिएको:

مَرْكُسْ 15: hauAS

हाइलाइट

शेयर गर्नुहोस्

कपी गर्नुहोस्

तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्

أَتَّوْرَتْ دَ أَنَّبَاوَا बारे थप जान्नुहोस्

बाट लोकप्रिय बाइबल पदहरू
{{chapter}
}