उहाँ बोलिरहनुभएकै बेला एउटा भीड त्यहाँ आयो, अनि बाह्रजनामध्येको यहूदा भनिनेले तिनीहरूलाई अगुवाइ गरिरहेको थियो। त्यो येशूलाई चुम्बन गर्न अघि बढ्यो, तर येशूले त्यसलाई भन्नुभयो, “यहूदा, के तिमी मानिसका पुत्रलाई एउटा चुम्बनद्वारा विश्वासघात गर्दछौ?” येशूका पछि लाग्नेहरूले के हुन लागेको थियो, सो देखेर भने, “प्रभु, के हामी तरवारले हानौं?” अनि तिनीहरूमध्ये एक जनाले प्रधान पूजाहारीको सेवकलाई हाने, र त्यसको दाहिने कान काटिदिए। तर येशूले भन्नुभयो, “अब यसो नगर!” अनि उहाँले त्यस मानिसको कान छुनुभयो र त्यसलाई निको पार्नुभयो। त्यसपछि येशूले उहाँलाई पक्रन आएका मुख्य पूजाहारीहरू, मन्दिरका पहरेदारहरूका अधिकारीहरू र प्रधानहरूलाई भन्नुभयो, “के राजद्रोहको अगुवाइ गरेको छु र तपाईंहरू तरवार र लाठीहरू लिएर आउनुभयो? म ता दिनहुँ मन्दिरका चोकहरूमा तपाईंहरूसँगै थिएँ, अनि तपाईंहरूले ममाथि हात उठाउनुभएन; तर अब यो तपाईंहरूको समय हो, जब अन्धकारले अधीन गर्छ।”
लूका 22 पढ्नुहोस्
शेयर गर्नुहोस्
सबै भर्सन तुलना गर्नुहोस: लूका 22:47-53
पदहरू सेभ गर्नुहोस्, अफलाइन पढ्नुहोस्, शिक्षण क्लिपहरू हेर्नुहोस्, र थप!
होम
बाइबल
योजनाहरू
भिडियोहरू
बाइबल एप
बाल बाइबल एप
