MATIUS Meijouhw
Meijouhw
Surad Matius gini ens Mer Geigouhw eisaugb Yesus dou maman dag eni Sud Hom Geigdoc Lusud Dau Meren Gogom aimo dau areg Allah os dou men lusud dau leng Israel se gos dou mohon sug nosohob. Dangga sug Yesus en ouwaden dau bogo, kaba, en ouwaden dag sud hom dau leng Yahudi. Dara men geicara ucan leng Yahudi gini toua. Hang Mer Geigouhw gini emen naugb leng Yahudi lenin dousero, doba en naugb maman se cinogo gin augwan toua.
Dara se Matius men surad gin, kaba, en ens meijouhw asesa audud dou maman, ebiji dau sug Yesus mem ouwadan eni. Ucan deit, kaba, en ens dau sug Yohanes ogun en se duhu, dara Bilis ainyen en dou maman toua. Dauwohob, kaba, en ens dau men geicara se cinogo Galilea dag en ebedbed Mer Geigouhw eisaugb enin dou len. Dara en ens dau sug Yesus edidib meijouhw dou len. Dara dau sug en eic geigouhw dou leng areber ucan gin toua. Sug surad gini ens meijouhw dag graga dou mamanohob, kaba, en ecicara eisaugb Yesus sug en eihwededau cinogo Galilea dig Yerusalem, dara areg acgunog debin Yesus se ari gouwedoc deit. Dangga men geicara ebiji naugb ouwedoc se cinogo gini, dara en maireseb edougdoc sug en omom dara en eisa dau gomom toua.
Dara aremer hom areg Matius en eigdoumesa se surad gini edreg dau aremer gus augwan, kaba, dag gini: Yesus eni sud hom mou ouforoho namcir naugb en ens dau sug Allah oiharaga lusud ucugb meijouhw augwan asesa dou lusud. Dara en ens Yesus dou maman dag men goubesa inggebga naugb sug en ens aremeijouhw eisaugb Allah men gomnomna dou maman toua.
Areg Yesus en esai dou lusud, kaba, maman makeba se ucina sergem: (l) Yesus ebedbed se mengarougb eisaugb lusud meren geicara sug leni merugwengga se cinogo gini. Hang en ens dau areg lusud leic dou Allah, dara areg lusud lacgeij dau Allah, dara len merireseb eigouhw aud Allah dag men logodeh gin toua (pasal 5-7); (2) Yesus ens meijouhw einyana dou men logodeh merug sisa hobjerai gedig laimo en, dauntoba len lesai areg en ens deb gini dou lusud toua (pasal 10); (3) Yesus eic gainyenara eisaugb lona sug Allah oiharaga lusud ucugb (pasal 13); (4) Yesus esulou men logodeh, dauntoba len leicara laimo en dag misen terimda (pasal 18); dara (5) Yesus esulou men logodeh eisaugb lona sug cinogo gini ouwedoc, dara Lona Sug Lusud Meraguna Mebin En Ecicugwen se cinogo gin toua (pasal 24-25).
Hancob Aududi:
Yesus Krisdus mem meijemouwer dara sug mem ouwadan eni. 1:1—2:23
Yohanes Pembabtis men geicara sug en ogun lusud se duhu. 3:1-12
Yohanes ogun Yesus se duhu. Dara Bilis ainyen Yesus. 3:13—4:11
Yesus men geicara se Galilea meren hancob. 4:12—18:35
Yesus eihwededau Galilea dig Yerusalem. 19:1—20:34
Aremer deinyor lona sug Yesus en omom. 21:1—27:66
Yesus eisa dau gomom ucugb. Dara ens enin ainyes dou men logodeh. 28:1-20
अहिले सेलेक्ट गरिएको:
MATIUS Meijouhw: INOSOU
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
ALLAH MEN GOS DOU MENAU © Indonesian Bible Society 1996, 2016