Matiu 4
4
Edomo Yisọs ke akpautatan
1Akem Sịbidịd adiben Yisọs aka ke akpautatan nọ setan adomo anye idomo. 2Ke anye amaakeba ke utreudia ke usen aba ye akonayo aba, mbiọñ amaadọñ anye. 3Ndin andidomo adibịne anye ate, “Adieke afo adooho Ayịn Abasi bo mme itiad ami ekappa uyo.”
4Yisọs abọọrọ ate, “Emaewet ete, ‘Idiidooho uyo ikpọọñ ke awo adidat idu uwem, ado adu ato afịd ikọ a-atooho Abasi inua.’ ”
5Ndin setan aben anye aka adisana abio anyʌñ anam anye ada ke itie se ikoñ ikan ke tembịd, 6anyʌñ abo anye, “Adieke Afo adooho Ayịn Abasi, tamma duọ ke isọñ. Sia ewet ebo:
“ ‘Abasi ayaanọ mme enyere amọ usọk fiin,
ndin ammọ eyauben fiin ke ubọk ammọ,
mbaak afo udutuak ukod mfo ke itiad.’ ”
7Yisọs abọọrọ anye ate, “Enyʌñ ewet ñko ete, ‘Kuudomo Abọọñ Abasi mfo.’ ”
8Setan amaana aben anye aka ata ñkoñ-ñkoñ abod anyʌñ awọt anye afịd-afịd abio mme ndidem ke afịd ederimbod ye akwa uyai ammọ. 9Anye anyʌñ abo Yisọs ate, “Afịd ami, nyaakappa unọ, adieke atọọñọke edọñ anyʌñ amkpono miin.”
10Yisọs abọọrọ anye ate, “Dakka ñkpọñ miin Setan! Sia ewet ete: ‘Kpono Abọọñ Abasi mfo nyʌñ nam ñkpọ nọ anye ikpọọñ-ikpọọñ.’ ”
11Akem setan akpọñ anye ndin mme enyere emaedi edise ñkpọ ebaña anye.
Yisọs atọọñọ adikwọrọ ikọ
12Ke ini Yisọs akoppo ate ke esịn Yọọn ke ufọk ñkpakọb, anye atịmme anyọñ Kadidi. 13Anye ikidʌññọ ke Nasared, ado akappa akedʌñ ke Kapanọm, abio keed a-akpereke ibiok Kadidi ke ubeñ Sebudọn mme Naftadi. 14Ke ntom se brọfed Aisaya aketañ amaasu:
15“Isọñ Sebudọn ye isọñ Naftadi,
ke usʌñ e-esañake eka akpa mmọọñ ke edem inyañ Yọdan,
Kadidi mme Yentaid.
16Mme awo e-edʌññọ
ke akịm eyaakịt akwa unwana.
Mbio se idʌñ ke isọñ akịm ñkpa,
unwana ayamma anọ ammọ.”
17Tọọñọ ke ini ado Yisọs atọọñọ akwọrọ ate, “Ikappa esịd sia abio ubọọñ Abasi akpere.”
Yisọs akood mme akpa mbed amọ
18Naña Yisọs akeasañake ke mben Akpa Inyañ Kadidi, anye amaakịt nditọeka iba, Saimọn e-ekoodo Bita, ye ayịneka amọ Andru. Ammọ ekeduọk iyịre ammọ ke ibiok, sia ammọ ekedo mme akọiyak. 19Ndin anye abo ammọ ate, “Iñkeene miin, ndin ami nyainam ndufo edo mme akọawo.” 20Ini keed ammọ ekpọñ iyịre ammọ enyʌñ ekeene anye.
21Ke anye amaakekpọñ do, anye akịt nditọeka iba mfen, Yemsi, ayịn Sebidi, ye ayịneka amọ, Yọọn. Ammọ ekeba ye ete ammọ ke ubom, esʌk ediọñ iyịre. Ndin Yisọs akood ammọ. 22Ini keed ammọ ñkọ ekpọñ ubom ye ete ammọ ekeene anye.
Yisọs akọk mbon udọñọ
23Do ndin Yisọs amaasaña ke afịd Kadidi akpeeb ñkpọ ke mme itie ubọñ akam, akwọrọ eti etob abio ubọọñ Abasi, anyʌñ akọk mme nsio-nsio udọñọ ye una nsọñidem mme awo do. 24Etob amọ amaasuana ke afịd Siria ndin mme awo emaekoono afịd mbon e-ekedọñọke nsio-nsio udọñọ, akpọsọñ mbiak idem, udọñọ idaad, nsʌkkọ ye akpaubeñ esọk anye, anye anyʌñ akọk ammọ. 25Mme ekamba atu awo e-eketooho Kadidi, Dekapodis, Yerusedem, Yudia ye edem inyañ Yọdan emaekeene anye.
अहिले सेलेक्ट गरिएको:
Matiu 4: NAAM
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Ñwed Abasi Ke Ikọ Ibibio Ayo Mfịn™
Mme anie unen ñwed ami tọọñọ ke isua © 2020 ado Biblica, Inc.
Ebọ unyịmme eto Biblica, Inc. Emʌm afịd unen ke afịd ederimbod enọ Biblica.
Ibibio Contemporary Bible™
Copyright © 2020 by Biblica, Inc.
Used with permission. All rights reserved worldwide.
