Luke 17

Sa Kinaleana

(Matiu 18:6-7,21-22; Maka 9:42)

1Meke zama la koari Nana disaepeli se Zisu, “Sari na tiṉitoṉa pu va hoqai pa sinea sari na tie si kaqu kamo mae tugo. Ba mani talotaṉa gana si asa pu va kamo mae i sari na tiṉitoṉa arini. 2Leana hola koasa tie sana si pude sidolo nia keke patu lavata ruana, meke la va lodu pania gana pa lamana peava, hola nia si pude vata luarae ia sa si keke koburu hite pa nana rinaṉeraṉe koa Rau. 3Gua asa, ke mi kopu puleni gamu koari na mia tinavete! Be sea sa tasimu, si mu norea; meke be kekere si asa, si mu taleoso nia.#Mt 18:15 4Be va sea atu si asa koa goi ka zuapa totoso pa keke rane, meke pule atu helahelae si asa koa goi ka zuapa totoso, meke zama, ‘Kekere si rau, mamu taleoso nau,’ gua, si mu taleoso nia,” gua se Zisu.

Sa Rinaṉeraṉe

5Meke tepa la koasa Baṉara sari na apositolo, “Baṉara, mu va ṉiṉirai sari na mami rinaṉeraṉe,” gua si arini.

6Meke olaṉa la sa Baṉara, “Be hitekena hite gua mo na kiko huda masitadi sa mia rinaṉeraṉe, ba boka zama ia gamu sa huda moloberi hie, ‘Mu ta rabutu toa vagi, mamu ta lete pa lamana,’ gua. Meke kote va tabe igo mo sa.”

Sa Tinavete tanisa Nabulu

7“Be keke koa gamu si koa nana keke nana nabulu sapu tavetavete va ṉiṉira pa inuma, babe kopu ni sari na sipi, meke totoso pule atu sa pa vetu, si vegua? Kote zama si goi, ‘Mae, habotu mamu henahena,’ gua? 8Lokari, lopu kote zama gua asa si agoi! Ba kote tozi nia tu goi si asa, ‘Mu va namanama poniau sa gequ ginani, mamu va sagei sari na mua poko nabulu, pude turu kopu nau totoso henahena na napo si rau. Beto tu asa, meke kote boka henahena si goi,’ gua. 9Lopu kaqu hite ta zama leana tugo sa nabulu, sina sari nana tinavete mo si va gorevura i sa. 10Kekeṉoṉo puta gua tugo asa si gamu. Pana va hokoti gamu sari doduru gua pu garunu ni gamu sa mia Baṉara, si mi zama gua mo he, ‘Gami si na nabulu tavetavete mo. Na mami tinavete tugo mo si taveti gami,’ mi gua mo,” gua si Asa.

Salaṉi Zisu sari ka Manege Puta Tie Popoqudi

11Koasa Nana inene la pa Zerusalema, si ene lulia Zisu sa vari volosona sa pinaqaha popoa pa Sameria, meke pa Qaleli. 12Meke sipu korapa ene nuquru Sa koa ke vasileana, si la tutuvia ri ka manege puta tie popoqudi si Asa. Turu pa seseuna si arini, 13meke velavela guahe: “Baṉara Zisu! Mu tataru ni gami, mamu salaṉa gami!” gua si arini.

14Dogori Zisu si arini, meke zama la i Sa, “La mi vata dogoro koari na hiama pude viliti gamu,” gua si Asa. Sipu korapa ene la rini, si ta salaṉa si arini.#Liv 14:1-32 15Meke sipu gilania keke koari kasa sapu ta salaṉa si asa, si kekere pule la koe Zisu si asa, meke velavela vahesia sa sa Tamasa. 16Hoqa todoṉo si asa pa nenena Zisu, meke zama leana koa Sa. Na tie Sameria si asa. 17Meke zama se Zisu, “Ka manege puta tu si ta salaṉa, ba avei sari ka sia? 18Na vegua ke sa tie karovona mo hie, si pule mae zama leana koe Tamasa?” gua si Asa. 19Meke zama la ia Zisu sa tie, “Turu, mamu taloa mua. Sa mua rinaṉeraṉe si ele salaṉigo,” gua si Asa.

Sa Minae Tanisa Binaṉara te Tamasa

(Matiu 24:23-28,37-41)

20Kaiqa rina Parese si nanasa nia sa totoso pu kaqu mae sa Binaṉara te Tamasa, ke olaṉi Zisu “Sa Binaṉara te Tamasa si lopu mae pa siraṉa gua sapu kote boka ta dogoro. 21Loke tie si kote boka zama guahe: ‘Dotu, hie si asa, babe hoi si asa,’ gua. Ura sa Binaṉara te Tamasa si koa mo pa korapa mia gamu,” gua se Zisu.

22Beto asa, si zama la koari Nana disaepeli si Asa, “Korapa mae sa totoso, pana kaqu okoro hiva dogoria gamu, si kekeke mo rane tanisa Tuna na Tie, ba lopu kaqu boka dogoria gamu. 23Pana tozini gamu rina tie sapu guahe: ‘Dotu, hoi si Asa, babe hie si Asa!’ gua, si mi lopu vura luli pude la hata ia gamu si Asa. 24Ura sa minae tanisa Tuna na Tie si kote gua tugo sa kapi sapu malara pa maṉauru, podalae pa kali gasa rimata meke kamo pa lodu rimata. 25Ba kekenu si kaqu koa ta sigiti hola si Asa, meke kaqu ta kilu koari na tie pa sinage hie.

26Gua sapu ta evaṉa koari na rane te Noa, si kaqu gua tugo asa si ta evaṉa koari na rane tanisa Tuna na Tie.#Zen 6:5-8 27Henahena na napo sari doduru tie, meke sari na koreo na vineki si ta varihabae, osolae kamo sa ranena sapu nuquru pa Aka d se Noa, meke tiqe raza sa naqe, meke va puzulu betoi sari doduru.#Zen 7:6-24

28Kote kekeṉoṉo gua tugo asa sapu ta evaṉa pa totoso te Loti, sapu hena na napo, vari holuholui, na lelete, na kurikuri si arini.#Zen 18:20 kamo hinia 19:25 29Ba totoso kamo sa rane sapu taluarae pa Sodomu se Loti, si gore mae sa nika, meke na patu leradi pa maṉauru, meke va mate beto i sari doduru. 30Kote kekeṉoṉo gua tugo asa sa rane pu kaqu vura pule mae sa Tuna na Tie.

31Koasa rane sana, asa sapu koa pa batu vetu, si mani lopu gore la va qaqiri sari nana likakalae pa korapa vetu. Gua tugo si asa pu koa pa inuma, mani lopu pule la pa nana vetu.#Mt 24:17-18; Mk 13:15-16 32Mi balabala ia gua sapu ta evaṉa koa sa barikaleqe te Loti!#Zen 19:26 33Asa sapu ruritia sa nana tinoa si kaqu siana nia sa si asa, ba asa sapu lopu ruritia sa nana tinoa, si kaqu ta harupu.#Mt 10:39, 16:25; Mk 8:35; Lk 9:24; Zn 12:25 34Tozini gamu Rau, sapu pa boṉina tugo asa si karua tie si kote eko varigara pa keke teqe, keke si kote ta vagi taloa, meke keke si kote koa hola. 35Karua barikaleqe si kote munamunala gedi huiti; keke ri kara si kote ta vagi taloa, meke keke si kote koa hola,” gua se Zisu.#17:35 Kaiqa Kinubekubere pukerane si va somana mae ia sa vesi 36 sapu guahe: [36 “Karua tie si kote koa pa inuma pa rane asa, ba keke ri kara si kote ta vagi taloa, meke keke si kote koa hola,” gua se Zisu.]

37Meke nanasia ri kasa disaepeli si Asa, “Baṉara, pavei kote ta evaṉa si guahe?”

Meke olaṉa se Zisu, “Vasina pu koa si keke tie#17:37 Kote bakala sa minae te Zisu koari na tie pa nana totoso. matena, si kote varigara tugo vasina sari na kurukuru tapuru sapu gani tomate,” gua si Asa.

अहिले सेलेक्ट गरिएको:

Luke 17: ROV

हाइलाइट

शेयर गर्नुहोस्

कपी गर्नुहोस्