बाट लोकप्रिय बाइबल पदहरू {{chapter}}

शेयर गर्नुहोस्

Yenge mono bika kwa beno. Yenge ya mono, mono pesa kwa beno. Mono pesa beno ve bonso nsi pesa. Bika ntima ya beno tita ve, ye vanda na boma ve.

Yesu tubaka kwa yandi: Mono ikele nzila ye kieleka ye moyo, muntu lenda kwiza kwa Tata ve, kansi mu mono kaka.

Bika ntima ya beno tita ve, beno kwikila Nzambi, kwikila mono mpe.

Kansi Nsadisi, ya ikele Mpeve Yanlongo, ya Tata tafidisa mu nkumbu ya mono, yandi talonga beno mambu yonso, ye bambukisa beno mambu yonso ya mono tubaka kwa beno.

Yandi ya ikele na nsikudukusu ya mono, ye lunda yo, ikele yandi ya zola mono, ye yandi ya zola mono tazolwa kwa Tata ya mono, ye mono tazola yandi, ye mono tamonika kwa yandi.

Ye mono talomba Tata ye yandi tapesa beno Nsadisi yankaka na yandi kuvanda na beno mvu ya mvu, ikele Mpeve ya kieleka, ya nsi lenda kubaka ve, kadi yo mona yandi ve, ye zaba yandi ve. Beno zaba yandi, kadi yandi ikele kuvanda na beno ye tavanda mu beno.

Konsokima ya beno lomba mu nkumbu ya mono, mono tasala yo, na Tata lenda kukembiswa mu Mwana. Kana beno lomba konsokima mu nkumbu ya mono, mono tasala yo.

Kana beno zola mono, beno tasala nsikudukusu ya mono.

Mu nzo ya Tata ya mono ikele sika mingi ya vanda, kana yo ikele mpilayai ve, mono imene kutuba kwa beno; kadi mono kwenda kuyidikila beno sika.

Kana mono kwenda ye yidikila beno sika, mono takwiza diaka ye twala beno kwa mono kibeni, na sika ya mono ikele, kuna beno lenda kuvanda mpe.

Toma tubaka kwa yandi: Mfumu, beto zaba ve sika ya nge kwenda, ye mpila nki beto zaba nzila ?