ဗျာဒိတ် 2:25-28

မျှဝေရန်

ဗျာဒိတ် 2:25-28 Judson Bible (JBMLE)

ထို​မှ​တစ်​ပါး အ​ခြား​သော​ဝန်​ကို သင်​တို့​အ​ပေါ်၌ ငါ​မ​တင်။- အ​ကြင်​သူ​သည် အောင်​မြင်၍ အ​ဆုံး​တိုင်​အောင် ငါ့​အ​ကျင့်​ကို​ကျင့်၏။ ငါ့​ခ​မည်း​တော်​သည် ငါ့​အား အ​ခွင့် ပေး​တော်​မူ​သ​ကဲ့​သို့၊ လူ​မျိုး​တို့​ကို အုပ်​စိုး​စေ​ခြင်း​ငှာ ထို​သူ​အား ငါ​သည် အ​ခွင့်​ပေး​မည်။- ထို​သူ​သည် သူ​တို့​ကို သံ​လှံ​တံ​နှင့်​အုပ်​စိုး၍၊ မြေ​အိုး​ကို​ခွဲ​ဖျက်​သ​ကဲ့​သို့ ခွဲ​ဖျက်​လိမ့်​မည်။- မိုး​သောက်​ကြယ်​ကို​လည်း ထို​သူ​အား ငါ​ပေး​မည်။

ဗျာဒိတ် 2:25-28 Common Language Bible (BCL)

သင်​တို့​သည်​မိ​မိ​တို့​၏​လက်​ဝယ်​ရှိ​သည့် အ​ရာ​ကို​ငါ​လာ​သည်​တိုင်​အောင်​စွဲ​မြဲ စွာ​ကိုင်​ထား​ကြ​လော့။- အောင်​မြင်​၍​ငါ​လို​လား​သည့်​အ​ကျင့်​ကို အ​ဆုံး​တိုင်​အောင် ကျင့်​သော​သူ​တို့​အား ခ​မည်း​တော်​ထံ​မှ​ငါ​ရ​ရှိ​သည့်​အ​ခွင့် အာ​ဏာ​ကို​ငါ​ပေး​မည်။ ယင်း​အ​ခွင့်​အာ​ဏာ မှာ​လူ​မျိုး​တ​ကာ​တို့​ကို​သံ​လှံ​တံ​ဖြင့် အုပ်​စိုး​၍ မြေ​အိုး​များ​ကို​သံ​တုတ်​ဖြင့် အ​စိတ်​စိတ်​အ​မြွှာ​မြွှာ​ရိုက်​ခွဲ​သ​ကဲ့​သို့ သူ​တို့​အား​ချေ​မှုန်း​ပိုင်​ခွင့်​ဖြစ်​သည်။ မိုး သောက်​ကြယ်​ကို​လည်း​သူ​တို့​အား​ငါ ပေး​မည်။

ဗျာဒိတ် 2:25-28 မြန်​​​မာ့​​​စံ​​​မီ​​​သမ္မာ​​​ကျမ်း​​ (MSBU)

သင်​တို့​၌​ရှိ​သော​အရာ​ကို​သာ ငါ​ကြွလာ​သည့်​တိုင်အောင် စွဲကိုင်​ထား​ကြ​လော့။ အောင်မြင်​သော​သူ​နှင့် ငါ​၏​အမှု​ကို အဆုံး​တိုင်အောင်​စောင့်ထိန်း​သော​သူ​အား လူမျိုး​တကာ​တို့​ကို​အုပ်စိုး​ရ​သော​အခွင့်​ကို ငါ​ပေး​မည်​။ သူ​သည် မြေ​အိုး​များ​ကို​ကြေမွ​စေ​သကဲ့သို့ သံ​လှံတံ​ဖြင့် သူ​တို့​ကို​အုပ်ထိန်း​လိမ့်မည်။ဤသည်ကား ငါ​ကိုယ်တိုင် ငါ့​ခမည်းတော်​ထံမှ​ရရှိ​သော​အုပ်စိုး​ခွင့်​နှင့်တူ​၏။ ငါ​သည် မိုးသောက်​ကြယ်​ကို​လည်း ထို​သူ​အား ပေး​မည်။