ဆာလံ 77:9-13

မျှဝေရန်

ဆာလံ 77:9-13 Judson Bible (JBMLE)

ဘု​ရား​သ​ခင်​သည် သ​နား​ခြင်း​ငှာ မေ့​လျော့​တော်​မူ​သ​လော။ အ​မျက်​ထွက်​သ​ဖြင့် စုံ​စမ်း​ခြင်း​က​ရု​ဏာ​တော်​ကို ချုပ်​တည်း​တော်​မူ​သ​လော။ ထို​သို့​ဆို​သော် ငါ​သည် ကိုယ်​မိုက်​ကြောင်း​ကို ဝန်​ခံ​ရ၏။ ဤ​အ​မှု​ကား၊ အ​မြင့်​ဆုံး​သော​ဘု​ရား၏ လက်​ယာ​လက်​တော်​နှင့် ပြု​ပြင်​တော်​မူ​ခြင်း​ပေ​တည်း။ ထာ​ဝ​ရ​ဘု​ရား၏​အ​မှု​တော်​တို့​ကို အောက်​မေ့​ပါ​မည်။ ရှေး​ကာ​လ၌ ကိုယ်​တော်​ပြု​ဖူး​သော အံ့​ဩ​ဖွယ်​တို့​ကို အောက်​မေ့​ပါ​မည်။ ပြု​တော်​မူ​သ​မျှ​တို့​ကို​ဆင်​ခြင်၍ စီ​ရင်​တော်​မူ​သော အ​ရာ​တို့​ကို မြွက်​ဆို​ပါ​မည်။ အို​ဘု​ရား​သ​ခင်၊ ကိုယ်​တော်၏​လမ်း​သည် သန့်​ရှင်း​ခြင်း​နှင့် ယှဉ်​ပါ၏။ ဘု​ရား​သ​ခင်​ကဲ့​သို့ အ​ဘယ်​မည်​သော ဘု​ရား​သည် ကြီး​မြတ်​သ​နည်း။

ဆာလံ 77:9-13 Common Language Bible (BCL)

ဘု​ရား​သ​ခင်​သည်​သ​နား​ကြင်​နာ​ရန် မေ့​လျော့​တော်​မူ​ပြီ​လော။ က​ရု​ဏာ​တော်​အ​စား​အ​မျက်​တော်​ကို ပြ​တော်​မူ​ပြီ​လော။'' ထို့​နောက်``ဘု​ရား​သ​ခင်​၌​တန်​ခိုး​မ​ရှိ​တော့ သ​ဖြင့် ငါ့​အ​တွက်​အ​နာ​ကြည်း​ဆုံး​ဖြစ်​သည်'' ဟု ငါ​ပြော​ဆို​နေ​မိ​၏။ အို ထာ​ဝ​ရ​ဘု​ရား၊ ကျွန်​တော်​မျိုး​သည်​ကိုယ်​တော်​ရှင်​ပြု​တော်​မူ​သော ထူး​မြတ်​သည့်​အ​မှု​အ​ရာ​တို့​ကို​အောက်​မေ့ သ​တိ​ရ​ပါ​မည်။ အ​တိတ်​ကာ​လ​၌​ကိုယ်​တော်​ရှင်​ပြု​တော်​မူ​ခဲ့​သော အံ့​သြ​ဖွယ်​ရာ​တို့​ကို​ပြန်​လည်​သ​တိ​ရ​ပါ​မည်။ ကိုယ်​တော်​ရှင်​ပြု​တော်​မူ​ခဲ့​သ​မျှ​သော​အ​မှု​တို့​ကို စဉ်း​စား​ပါ​မည်။ ကိုယ်​တော်​ရှင်​၏​ကြီး​မြတ်​သည့်​အ​မှု​တော်​တို့​ကို ဆင်​ခြင်​ပါ​မည်။ အို ဘု​ရား​သ​ခင်၊ ကိုယ်​တော်​ရှင်​ပြု​တော်​မူ​သ​မျှ​တို့​သည် မြင့်​မြတ်​ပါ​၏။ ကိုယ်​တော်​ရှင်​ကဲ့​သို့​အ​ဘယ်​ဘု​ရား​မျှ​မ​ကြီး မြတ်​ပါ။

ဆာလံ 77:9-13 မြန်​​​မာ့​​​စံ​​​မီ​​​သမ္မာ​​​ကျမ်း​​ (MSBU)

ဘုရားသခင်​သည် သနား​ကြင်နာ​ရန် မေ့လျော့​တော်မူ​ပြီ​လော​။ သို့မဟုတ် အမျက်​တော်​ထွက်​၍ မိမိ​၏​သနားစုံမက်​ခြင်း​ကို ချုပ်တည်း​တော်မူ​ပြီ​လော​။ (​စေလာ ) ထိုအခါ “​အမြင့်ဆုံး​သော​အရှင်​၏​လက်ယာ​လက်​တော်​သည် ပြောင်းလဲ​သွား​သဖြင့် ငါ​အားနည်း​ရ​ချေ​ပြီ​”​ဟု ငါ​ဆို​၏​။ အကျွန်ုပ်​သည် ထာဝရဘုရား​၏ လုပ်ဆောင်​တော်မူ​ချက်​တို့​ကို အောက်မေ့​ပါ​မည်​။ ရှေးကာလ​၌ ကိုယ်တော်​ပြု​တော်မူ​သော အံ့ဖွယ်​သော​အမှု​တို့​ကို အမှန်ပင် အောက်မေ့​ပါ​မည်​။ ကိုယ်တော်​၏​လုပ်ဆောင်​တော်မူ​ချက် ရှိသမျှ​တို့​ကို​လည်း အကျွန်ုပ်​ဆင်ခြင်အောက်မေ့​ပါ​မည်​။ ကိုယ်တော်​ပြု​တော်မူ​သော​အမှု​တို့​ကို​လည်း တွေးတောဆင်ခြင်​ပါ​မည်​။ အို ဘုရားသခင်​၊ ကိုယ်တော်​၏​လမ်း​သည် သန့်ရှင်း​ပါ​၏​။ မည်သည့်​ဘုရား​သည် ဘုရားသခင်​ကဲ့သို့ ကြီးမြတ်​သနည်း​။