उतपत्ती 5
5
आदम ले लेके नूह तक
1येह आदम के खानदान के लिखित बिबरन अय।
जब परमेसर ह मनखे ला बनाईस, त ओह अपन ही सरूप म ओला बनाईस। 2ओह ओमन ला नर अऊ नारी करके बनाईस अऊ ओमन ला आसीस दीस, अऊ ओमन के बनाय के दिन ओकर नांव “मनखे-जात”#5:2 इबरानी म आदम रखिस।
3जब आदम ह 130 बछर के होईस, त ओकर एक बेटा ओकर समानता अऊ ओकर सरूप म जनमिस। ओह ओकर नांव सेत रखिस। 4सेत के जनमे के बाद, आदम ह 800 बछर जीयत रिहिस, अऊ ओकर अऊ घलो बेटा-बेटी होईन। 5ये किसम ले आदम के कुल उमर 930 बछर होईस, अऊ तब ओह मर गीस।
6जब सेत 105 बछर के होईस, त ओह एनोस के ददा#5:6 ददा के मतलब हो सकथे पुरखा होईस। 7एनोस के जनम के बाद, सेत ह 807 बछर तक जीयत रिहिस, अऊ ओकर अऊ बेटा-बेटी होईन। 8ये किसम ले सेत के कुल उमर 912 बछर होईस, अऊ तब ओह मर गीस।
9जब एनोस 90 बछर के होईस, तब ओकर ले केनान के जनम होईस। 10केनान के जनम के बाद, एनोस 815 बछर तक जीयत रिहिस, अऊ ओकर अऊ घलो बेटा-बेटी होईन। 11ये किसम ले एनोस के कुल उमर 905 बछर होईस, अऊ तब ओह मर गीस।
12जब केनान 70 बछर के होईस, त ओकर ले महललेल के जनम होईस। 13महललेल के जनम के बाद, केनान 840 बछर तक जीयत रिहिस, अऊ ओकर अऊ घलो बेटा-बेटी होईन। 14ये किसम ले केनान के कुल उमर 910 बछर होईस, अऊ तब ओह मर गीस।
15जब महललेल 65 बछर के होईस, त ओकर ले येरेद के जनम होईस। 16येरेद के जनम के बाद, महललेल 830 बछर तक जीयत रिहिस, अऊ ओकर अऊ घलो बेटा-बेटी होईन। 17ये किसम ले महललेल के कुल उमर 895 बछर होईस, अऊ तब ओह मर गीस।
18जब येरेद 162 बछर के होईस, त ओकर ले हनोक के जनम होईस। 19हनोक के जनम के बाद, येरेद 800 बछर तक जीयत रिहिस, अऊ ओकर अऊ भी बेटा-बेटी होईन। 20ये किसम ले येरेद के कुल उमर 962 बछर होईस, अऊ तब ओह मर गीस।
21जब हनोक 65 बछर के होईस, त ओकर ले मतूसेलह के जनम होईस। 22मतूसेलह के जनम के बाद, हनोक 300 बछर तक परमेसर के संग-संग चलिस, अऊ ओकर अऊ भी बेटा-बेटी होईन। 23ये किसम ले हनोक के कुल उमर 365 बछर होईस। 24हनोक ह ईमानदारी से परमेसर के संग चलिस; तब ओह गायब हो गीस, काबरकि परमेसर ह ओला उठा लीस।
25जब मतूसेलह 187 बछर के होईस, त ओकर ले लेमेक के जनम होईस। 26लेमेक के जनम के बाद, मतूसेलह 782 बछर जीयत रिहिस, अऊ ओकर अऊ भी बेटा-बेटी होईन। 27ये किसम ले मतूसेलह के कुल उमर 969 बछर होईस, अऊ तब ओह मर गीस।
28जब लेमेक 182 बछर के होईस, त ओकर ले एक बेटा होईस। 29ओह ओकर नांव ए कहिके नूह#5:29 नूह इबरानी म दिलासा सबद के सहीं अवाज लगथे रखिस, “यहोवा ह धरती ला जऊन सराप दे हे, ओकर बारे म, ये बाबू-पीला ह हमर काम म अऊ जऊन कठोर मेहनत हमन करथन, ओमा हमन ला सांति दीही।” 30नूह के जनम के बाद, लेमेक 595 बछर तक जीयत रिहिस, अऊ ओकर अऊ बेटा-बेटी जनमिन। 31ये किसम ले लेमेक के कुल उमर 777 बछर होईस, अऊ तब ओह मर गीस।
32जब नूह 500 बछर के होईस, त ओकर ले सेम, हाम अऊ येपेत के जनम होईस।
လက်ရှိရွေးချယ်ထားမှု
उतपत्ती 5: एस सी ए
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
पबितर बाईबल, समकालीन छत्तीसगढ़ी अनुवाद™ एस सी ए™
कापीराईट © 2012, 2016, 2021, 2024 Biblica, Inc.
Biblica, Inc. के अनुमति के दुवारा उपयोग। पूरा संसार म जम्मो अधिकार सुरछित।
Holy Bible, Chhattisgarhi Contemporary Version™ SCA™
Copyright © 2012, 2016, 2021, 2024 by Biblica, Inc.
Used by permission of Biblica, Inc. All rights reserved worldwide.