ရောမ 9:30-33

ထို​ကြောင့်၊ အ​ဘယ်​သို့​ပြော​ရ​မည်​နည်း ဟူ​မူ​ကား၊ ဖြောင့်​မတ်​ခြင်း​ကို မီ​အောင်​မ​လိုက်​သော တစ်​ပါး​အ​မျိုး​သား​တို့​သည် ဖြောင့်​မတ်​ခြင်း​ကို မီ​ကြ၏။ ထို​သို့​ဆို​သော်၊ ယုံ​ကြည်​ခြင်း​အား​ဖြင့် မီ​သော ဖြောင့်​မတ်​ခြင်း​ကို ဆို​လို​သ​တည်း။- ဖြောင့်​မတ်​ခြင်း​တ​ရား​ကို မီ​အောင်​လိုက်​သော ဣ​သ​ရေ​လ​လူ​တို့​မူ​ကား၊ ဖြောင့်​မတ်​ခြင်း​တ​ရား​ကို မ​မီ​ကြ။- အ​ဘယ်​ကြောင့် မ​မီ​ကြ​သ​နည်း။ ယုံ​ကြည်​ခြင်း​အား​ဖြင့် မ​လိုက်၊ ပ​ညတ်​တ​ရား၏ အ​ကျင့်​အား​ဖြင့်​သာ လိုက်​ကြ​သ​တည်း။- ကျမ်း​စာ၌​လာ​သည်​ကား၊ ထိ​မိ၍ လဲ​စ​ရာ​ကျောက်၊ မှား​ယွင်း​စ​ရာ​ကျောက်​ကို ဇိ​အုန်​တောင်​ပေါ်​မှာ ငါ​ချ​ထား၏။ ထို​ကျောက်​ကို အ​မှီ​ပြု​သော​သူ မည်​သည်​ကား၊ ရှက်​ကြောက်​ခြင်း မ​ရှိ​နိုင်​ရာ​ဟု​လာ​သည်​နှင့် အ​ညီ၊ ထို​ကျောက်​ကို ဣ​သ​ရေ​လ​လူ​တို့​သည် ထိ​မိ၍ လဲ​ကြ၏။