ဆာလံ 86:1-7

အို​ထာ​ဝ​ရ​ဘု​ရား၊ နား​တော်​ကို​လှည့်၍ အ​ကျွန်ုပ်​စ​ကား​ကို နား​ထောင်​တော်​မူ​ပါ။ အ​ကျွန်ုပ်​သည် ဆင်း​ရဲ​ငတ်​မွတ်​ပါ၏။ အ​ကျွန်ုပ်၏​ဘု​ရား​သ​ခင်၊ သန့်​ရှင်း​သူ​တို့​အ​ဝင်​ဖြစ်​သော အ​ကျွန်ုပ်၏​ဝိ​ညာဉ်​ကို စောင့်​မ၍၊ ကိုယ်​တော်​ကို ကိုး​စား​သော ကိုယ်​တော်၏​ကျွန်​ကို ကယ်​တင်​တော်​မူ​ပါ။ အို ထာ​ဝ​ရ​ဘု​ရား၊ အ​ကျွန်ုပ်​သည် ကိုယ်​တော်​ကို​အ​စဉ်​အော်​ဟစ်​ပါ​သည်​ဖြစ်၍၊ ကယ်​မ​သ​နား​တော်​မူ​ပါ။ အို ထာ​ဝ​ရ​ဘု​ရား၊ ကိုယ်​တော်​ကို အ​ကျွန်ုပ်​တ​သ​ပါ​သည်​ဖြစ်၍၊ ကိုယ်​တော်၏​ကျွန်​သည် ဝမ်း​မြောက်​မည်​အ​ကြောင်း ပြု​တော်​မူ​ပါ။ အို ထာ​ဝ​ရ​ဘု​ရား၊ ကိုယ်​တော်​သည် ကောင်း​သော​သ​ဘော၊ သည်း​ခံ​တတ်​သော​သ​ဘော​နှင့် ပြည့်​စုံ၍၊ ကိုယ်​တော်​ကို ပ​တ္ထ​နာ​ပြု​သော​သူ​အ​ပေါင်း​တို့​အား က​ရု​ဏာ​တော် ကြွယ်​ဝ​ပါ၏။ အို ထာ​ဝ​ရ​ဘု​ရား၊ အ​ကျွန်ုပ်၏​ပ​တ္ထ​နာ​စ​ကား​ကို နား​ထောင်​တော်​မူ​ပါ။ အ​သ​နား​တော်​ခံ​သော​စ​ကား​သံ​ကို မှတ်​တော်​မူ​ပါ။ ဘေး​ရောက်​သည်​ကာ​လ၊ ကိုယ်​တော်​ကို ခေါ်​ပါ​မည်။ ကိုယ်​တော်​လည်း ထူး​တော်​မူ​တတ်​ပါ၏။