ဆာလံ 143:1-6

အို​ထာ​ဝ​ရ​ဘု​ရား၊ အ​ကျွန်ုပ်၏​ပ​တ္ထ​နာ​ကို​ကြား၍၊ ဆု​တောင်း​သော​စ​ကား​ကို နား​ထောင်​တော်​မူ​ပါ။ သ​စ္စာ​စောင့်​ခြင်း၊ ဖြောင့်​မတ်​ခြင်း​ရှိ​တော်​မူ​သည်​အ​တိုင်း ပြန်​ပြော​တော်​မူ​ပါ။ ကိုယ်​တော်၏​ကျွန်​နှင့် တ​ရား​တွေ့​တော်​မ​မူ​ပါ​နှင့်။ အ​သက်​ရှင်​သော​သူ​မည်​သည်​ကား၊ ရှေ့​တော်၌ အ​ပြစ်​ကင်း​စင်​ရာ​သို့ မ​ရောက်​ရ​ပါ။ ရန်​သူ​သည် အ​ကျွန်ုပ်၏​ဝိ​ညာဉ်​ကို​ညှဉ်း​ဆဲ၍၊ အ​သက်​ကို​လည်း မြေ​တိုင်​အောင် နှိပ်​နင်း၍၊ ကြာ​မြင့်​စွာ သေ​နေ​သော​သူ​ကဲ့​သို့၊ အ​ကျွန်ုပ်​ကို မှောင်​မိုက်​ထဲ​မှာ​နေ​စေ​ပါ၏။ အ​ကျွန်ုပ်​သည် စိတ်​ပျက်​လျက်၊ ကိုယ်​အ​ထဲ၌ နှ​လုံး​ကြေ​ကွဲ​လျက်​ရှိ​ပါ၏။ ရှေး​လွန်​လေ​ပြီး​သော ကာ​လ​ကို​အောက်​မေ့၍၊ အ​လုံး​စုံ​သော​အ​မှု​တော်​တို့​ကို​လည်း​ကောင်း၊ လက်​တော်​နှင့်​ပြု​ပြင်​သော အ​ရာ​များ​ကို​လည်း​ကောင်း ဆင်​ခြင်​ပါ၏။ ကိုယ်​တော်​ထံ​သို့ လက်​တို့​ကို​ဆန့်​ပါ၏။ သွေ့​ခြောက်​သော​မြေ​ကဲ့​သို့ အ​ကျွန်ုပ်၏​ဝိ​ညာဉ်​သည် ကိုယ်​တော်​ကို တောင့်​တ​ပါ၏။