ရှင်မာကု 15:21-31

အာ​လေ​ဇ​န္ဒြု​နှင့် ရု​ဖု၏​အ​ဘ ရှိ​မုန်​အ​မည်​ရှိ​သော ကု​ရေ​နေ​ပြည်​သား​တစ်​ယောက်​သည်၊ တော​ရွာ​မှ လာ၍ လမ်း၌​သွား​သည်​ကို သူ​တို့​သည်​တွေ့​လျှင်၊ အ​နိုင်​ပြု၍ လက်​ဝါး​ကပ်​တိုင်​တော်​ကို ထမ်း​စေ​ကြ၏။- ဦး​ခေါင်း​ခွံ​အ​ရပ်​ဟု ဆို​လို​သော ဂေါ​လ​ဂေါ​သ အ​ရပ်​သို့ ကိုယ်​တော်​ကို ဆောင်​သွား​ပြီး​မှ၊- မု​ရန်​နှင့် ရော​သော စ​ပျစ်​ရည်​ကို၊ ကိုယ်​တော်​အား သောက်​စိမ့်​သော​ငှာ ပေး​လျှင် မ​ခံ​ဘဲ​နေ​တော်​မူ၏။- လက်​ဝါး​ကပ်​တိုင်​မှာ ရိုက်​ထား​ပြီး​လျှင်၊ အ​ဝတ်​တော်​ကို စာ​ရေး​တံ​ချ၍ အ​သီး​အ​သီး​တို့​အား ဝေ​ဖန်​ကြ၏။- ကိုယ်​တော်​ကို လက်​ဝါး​ကပ်​တိုင်​မှာ ရိုက်​ကြ​သော​အ​ချိန်​ကား၊ နံ​နက်​တစ်​ချက်​တီး​အ​ချိန် ဖြစ်​သ​တည်း။ အ​ပြစ်​ဖော်​ပြ​သော က​မ္ပည်း​လိပ်​စာ​ချက် ဟူ​မူ​ကား၊ ယု​ဒ​ရှင်​ဘု​ရင်​ဟု ရေး​ထား​သ​တည်း။- ကိုယ်​တော်​နှင့်​တ​ကွ ဓား​ပြ​နှစ်​ယောက်​တို့​ကို လက်​ယာ​တော်​ဘက်၌ တစ်​ယောက်၊ လက်​ဝဲ​တော်​ဘက်၌ တစ်​ယောက်၊ လက်​ဝါး​ကပ်​တိုင်​မှာ ရိုက်​ထား​ကြ၏။- ထို​သို့ မ​တ​ရား​သော​သူ​တို့​နှင့် ရေ​တွက်​ဝင်​ခြင်း​သို့​ရောက်​သည်​ဟု​ဆို​သော ကျမ်း​စာ​ချက်​သည် ပြည့်​စုံ​ခြင်း​သို့ ရောက်​သ​တည်း။ လမ်း​မှာ​သွားလာ​သော သူ​တို့​က​လည်း၊ ဟဲ့၊ ဗိ​မာန်​တော်​ကို ဖြို​ဖျက်၍ သုံး​ရက်​အ​တွင်း​တွင် တည်​ဆောက်​ပြန်​သော​သူ၊- ကိုယ်​ကို​ကိုယ် ကယ်​တင်​လော့။ လက်​ဝါး​ကပ်​တိုင်​မှ ဆင်း​လော့​ဟု မိ​မိ​တို့​ခေါင်း​ကို​ညိတ်၍ ကဲ့​ရဲ့​သော​စ​ကား​နှင့် ပြော​ဆို​ကြ၏။- ထို​နည်း​တူ ယဇ်​ပု​ရော​ဟိတ်​အ​ကြီး၊ ကျမ်း​ပြု​ဆ​ရာ​တို့​က၊ ဤ​သူ​သည် သူ​တစ်​ပါး​တို့​ကို ကယ်​တင်​တတ်၏။ ကိုယ်​ကို မ​ကယ်​တင်​နိုင်​ပါ​တ​ကား။