ယေရမိမြည်တမ်း 4:1-5

ရွှေ​သည် အ​လွန်​သမ်း​ညို​သည်​တ​ကား။ အ​ကောင်း​ဆုံး​သော ရွှေ​သည် အ​လွန်​ဖောက်​ပြန်​သည်​တ​ကား။ သန့်​ရှင်း​သော ကျောက်​တို့​သည် ခပ်​သိမ်း​သော​လမ်း​ဝ​တို့၌ ဖ​ရို​ဖ​ရဲ ကွဲ​ပြား​လျက်​ရှိ​ကြ၏။ အ​မြတ်​ဆုံး​သော ရွှေ​နှင့်​အ​မျှ အ​လွန်​အ​ဖိုး​ထိုက်​သော ဇိ​အုန်​မြို့​သား​တို့​ကို၊ အိုး​ထိန်း​သ​မား​လုပ်​သော​မြေ​အိုး​ကဲ့​သို့ မှတ်​တတ်​သည်​တ​ကား။ မြေ​ခွေး​မ​တို့​ပင် မိ​မိ​တို့​သား​ငယ်​တို့​အား နို့​သီး​ကို​ပေး၍ နို့​တိုက်​တတ်၏။ ငါ၏​လူ​မျိုး​သ​တို့​သ​မီး​မူ​ကား၊ တော၌​နေ​သော ကု​လား​အုတ်​ငှက်​ကဲ့​သို့ ကြမ်း​ကြုတ်​သော​သ​ဘော​ရှိ၏။ နို့​စို့​က​လေး​သည် နို့​ငတ်​သော​ကြောင့်၊ လျှာ​သည် အာ​ခေါင်၌ ကပ်​လျက်​ရှိ၏။ သူ​ငယ်​တို့​သည် မုန့်​ကို​တောင်း၍ အ​ဘယ်​သူ​မျှ​မ​ပေး။ ကောင်း​မွန်​စွာ စား​တတ်​သော သူ​တို့​သည် ကိုး​ကွယ်​ရာ​မ​ရှိ၊ လမ်း၌​နေ​ကြ၏။ နီ​မောင်း​သော အိပ်​ရာ​ပေါ်​မှာ ပျော်​မွေ့​ဖူး​သော သူ​တို့​သည် နောက်​ချေး​ပုံ​ကို ဖက်​ရ​ကြ၏။