ယေရမိ 18:1-6

ယေ​ရ​မိ​သို့​ရောက်​လာ​သော ထာ​ဝ​ရ​ဘု​ရား၏​နှုတ်​က​ပတ်​တော်​ဟူ​မူ​ကား၊ သင်​သည် ထ၍ အိုး​ထိန်း​သ​မား​အိမ်​သို့ သွား​လော့။ ထို​အ​ရပ်၌ ငါ့​စ​ကား​ကို ငါ​ကြား​စေ​မည်​ဟု မိန့်​တော်​မူ​သည်​အ​တိုင်း၊ ငါ​သည်​သွား၍၊ အိုး​ထိန်း​စက်​နှင့် လုပ်​လျက်​ရှိ​သော အိုး​ထိန်း​သ​မား​ကို​တွေ့၏။ အိုး​မြေ​ဖြင့် လုပ်​သော​အိုး​သည်၊ အိုး​ထိန်း​သ​မား​လက်၌​ပျက်​စီး​သော​ကြောင့်၊ သူ​သည် အ​လို​အ​လျောက်​အ​သစ်​ပြု​ပြင်၍၊ အ​ခြား​သော​အိုး​ကို လုပ်​ပြန်​လေ၏။ ထို​အ​ခါ ထာ​ဝ​ရ​ဘု​ရား၏ နှုတ်​က​ပတ်​တော်​သည် ငါ့​ဆီ​သို့​ရောက်​လာ၍၊ ထာ​ဝ​ရ​ဘု​ရား မိန့်​တော်​မူ​သည်​ကား၊ အို ဣ​သ​ရေ​လ​အ​မျိုး၊ အိုး​ထိန်း​သ​မား​ပြု​သ​ကဲ့​သို့ သင်​တို့​ကို​ငါ​မ​ပြု​နိုင်​သ​လော။ အို ဣ​သ​ရေ​လ​အ​မျိုး၊ အိုး​မြေ​သည် အိုး​ထိန်း​သ​မား​လက်၌​ရှိ​သ​ကဲ့​သို့ သင်​တို့​သည် ငါ့​လက်၌​ရှိ​ကြ၏။