ကမ္ဘာဦး 34:25-29

ထို​သို့​ခံ၍ သုံး​ရက်​မြောက်​သော​နေ့၌၊ အ​လွန်​နာ​ကြ​သော​အ​ခါ၊ ယာ​ကုပ်​သား၊ ဒိ​န၏​မောင်​ရှိ​မောင်​နှင့် လေ​ဝိ​ညီ​နောင်​နှစ်​ယောက်​တို့​သည်၊ ဓား​လက်​နက် တစ်​ယောက်​တစ်​စင်း​စီ​စွဲ​ကိုင်​လျက်၊ သ​တိ​မ​ရှိ​သော​ထို​မြို့​ကို​တိုက်၍၊ ယောက်ျား​အ​ပေါင်း​တို့​ကို​သတ်​လေ၏။ ဟာ​မော်​မင်း​နှင့် သား​တော်​ရှေ​ခင်​ကို​လည်း ဓား​လက်​နက်​ဖြင့်​သတ်​ပြီး​လျှင်၊ ဒိ​န​ကို​ရှေ​ခင်​အိမ်​မှ​နုတ်​ယူ၍ ပြန်​သွား​ကြ၏။ မိ​မိ​တို့​နှ​မ​ရှုတ်​ချ​ခြင်း​ကို​ခံ​ရ​သော​ကြောင့်၊ တစ်​ဖန်​ယာ​ကုပ်​သား​တို့​သည် အ​သေ​သတ်​ပြီး​သော သူ​တို့​ဆီ​သို့​သွား​ပြန်၍၊ မြို့​ကို​လု​ယက်​ဖျက်​ဆီး​သ​ဖြင့်၊ သူ​တို့ သိုး၊ ဆိတ်၊ နွား၊ မြည်း​မှ​စ၍၊ မြို့၌​ရှိ​သ​မျှ၊ လယ်၌​ရှိ​သ​မျှ​သော ဥ​စ္စာ​ကို​လည်း​ကောင်း၊ သူ​တို့​သား​မ​ယား၊ သူ​ငယ်​အ​ပေါင်း​ကို​လည်း​ကောင်း​သိမ်း​ယူ၍၊ အိမ်​တို့၌​ရှိ​သ​မျှ​ကို​လည်း လု​ယက်​ဖျက်​ဆီး​ကြ၏။