ဧသတာ 4:13-17

နန်း​တော်၌​နေ​သော်​လည်း သင့်​အ​သက်​လွတ်​မည်​ဟု မ​ထင်​နှင့်။ ယ​ခု​ကာ​လ သင်​သည် တိတ်​ဆိတ်​စွာ​နေ​လျှင်၊ သင်​နှင့်​သင်၏ အ​ဆွေ​အ​မျိုး​သည် ပျက်​စီး၍၊ ယု​ဒ​လူ​တို့ အ​သက်​ရှင်​ခြင်း၊ ကယ်​တင်​ခြင်း​အ​ကြောင်း တစ်​စုံ​တစ်​ခု ပေါ်​လိမ့်​မည်။ ယ​ခု​အ​မှု​ကို​ဆောင်​ဖို့​ရာ သင်​သည် မိ​ဖု​ရား​အ​ရာ​ကို​ရ​သည်​ဟု ထင်​စ​ရာ​ရှိ​သည်​မ​ဟုတ်​လော​ဟု ဧ​သ​တာ​အား ပြန်​ပြော​စေ​ခြင်း​ငှာ မှာ​လိုက်၏။ ဧ​သ​တာ​က​လည်း၊ ရှု​ရှန်​မြို့၌​ရှိ​သော ယု​ဒ​လူ​အ​ပေါင်း​တို့​ကို စု​ဝေး​စေ​ခြင်း​ငှာ သွား​ပါ။ နေ့​ည​မ​ပြတ် သုံး​ရက်​ပတ်​လုံး မ​စား​မ​သောက်​ဘဲ​နေ၍၊ အ​ကျွန်ုပ်​အ​ဖို့ အ​စာ​ရှောင်​ခြင်း​အ​ကျင့်​ကို ကျင့်​ကြ​ပါ။ အ​ကျွန်ုပ်​သည်​လည်း ကျွန်​မ​တို့​နှင့်​တ​ကွ အ​စာ​ရှောင်​ခြင်း​အ​ကျင့်​ကို ကျင့်​ပါ​မည်။ ထို​နောက် အာ​ဏာ​တော်​ကို ဆန်​ရ​သော်​လည်း၊ ရှင်​ဘု​ရင်​ထံ​တော်​သို့ ဝင်​မည်။ သေ​လျှင် အ​သေ​ခံ​ပါ​မည်​ဟု မော်​ဒ​ကဲ​အား ပြန်​ပြော​စေ​ခြင်း​ငှာ မှာ​လိုက်​သ​မျှ​အ​တိုင်း၊ မော်​ဒ​ကဲ​သည် သွား၍ ပြု​လေ၏။