အာမုတ် 7:1-6

တစ်​ဖန် အ​ရှင်​ထာ​ဝ​ရ​ဘု​ရား​သည် ငါ့​အား ပြ​တော်​မူ​သော ရူ​ပါ​ရုံ​ဟူ​မူ​ကား၊ ရှင်​ဘု​ရင်​ဆိုင်​သော မြက်​ပင်​ကို​ရိတ်​ပြီး​မှ၊ နောက်​မြက်​ပင် ပေါက်​စ​ကာ​လ၌ ကျိုင်း​ကောင်​တို့​ကို ဖန်​ဆင်း​တော်​မူ၏။ ထို​ကျိုင်း​ကောင်​တို့​သည် တစ်​ပြည်​လုံး၌​ရှိ​သော မြက်​ပင်​ကို​စား၍ ကုန်​ပြီး​မှ ငါ​က၊ အို အ​ရှင်​ထာ​ဝ​ရ​ဘု​ရား၊ အ​ပြစ်​မှ လွှတ်​တော်​မူ​ပါ။ ယာ​ကုပ်​သည်​ငယ်​သော​ကြောင့်၊ အ​ဘယ်​သို့​ထ​ရ​ပါ​လိမ့်​မည်​နည်း​ဟု လျှောက်​သော်၊ ထာ​ဝ​ရ​ဘု​ရား​သည် နောင်​တ​ရ၍၊ ဤ​သို့​မ​ဖြစ်​ရ​ဟု မိန့်​တော်​မူ၏။ တစ်​ဖန် အ​ရှင်​ထာ​ဝ​ရ​ဘု​ရား​သည် ငါ့​အား​ပြ​တော်​မူ​သော ရူ​ပါ​ရုံ​ဟူ​မူ​ကား၊ မီး​ဖြင့် ဒဏ်​ပေး​ခြင်း​ငှာ မီး​ကို​ခေါ်​တော်​မူ၍၊ မ​ဟာ​သ​မု​ဒ္ဒ​ရာ​ကို မီး​လောင်​လေ၏။ ကုန်း​ကို​လည်း လောင်​လေ၏။ ငါ​က​လည်း၊ အို အ​ရှင်​ထာ​ဝ​ရ​ဘု​ရား၊ ဆိုင်း​တော်​မူ​ပါ။ ယာ​ကုပ်​သည် ငယ်​သော​ကြောင့် အ​ဘယ်​သို့ ထ​ရ​ပါ​လိမ့်​မည်​နည်း​ဟု လျှောက်​သော်၊ အ​ရှင်​ထာ​ဝ​ရ​ဘု​ရား​သည် နောင်​တ​ရ၍၊ ဤ​သို့ မ​ဖြစ်​ရ​ဟု မိန့်​တော်​မူ၏။