Oˑi'waħ (Psalms) 3
3
OˑI'WAĦ SĂ̱H. (PSALM III.)
1Shaˑdaˑgwënˑni'yuħ, heˑniˑgä̱ħ dyuh goˑwaˑnä̱h neh deöhˑgaˑdöˑä̱ˑöˑgwahˑda'niħ! götˑgah deh neh deoˑdiˑdahˑööˑdyĭëħ neh dä̱ yaˑgwaˑdoˑgä̱nt.
2Gotˑgahˑdeh neh hä̱ˑnä̱öhˑseħ naˑgatˑwaiˑhä̱ħ, tä̱ħ'ä̱h dehˑgaˑyä̱ħ (naˑoh. selah.) yeˑnöh waħs Naˑwënˑni'yuh'geh.
3Neh gwaˑiis, O Shaˑdaˑgwënˑni'yuħ, a ga da wä̱sˑdasˑdaħˑgöh; neh deˑgä̱h sä̱öhˑgöh, neh kuh deˑwak'nöh ä̱ˑgwahˑtah.
4Deˑwaˑgah sä̱ħˑtwah'öh haˑyaħ'daˑdeh na Naˑyah'daˑgwënˑni'yuh oħˑgyëäħˑdʋk neh gwä̱ˑnoh, haˑgatˑhöˑdaˑdöħ noˑnöˑdaˑgä̱ˑyat noˑnöˑda gä̱hˑdiħ.
5Ohˑgaˑdyasˑhä̱ öˑgiˑdaħ; saˑgyehˑkuh; neh sä̱ħ'ä̱h Naˑyah'daˑgwënˑni'yuh deaˑgä̱ħˑnyaˑdo.
6Tä̱ħ'ä̱h thaˑkhesˑhaˑnik neh wʋsˑhä̱ niˑwä̱ħˑnyaħ eeħsˑhä̱ˑshä̱ nöˑyohˑgweh daˑgeˑak, neh deˑyöˑgwaˑdoˑgah döˑdyĭëħ deˑjoˑtwaˑdaˑsea'dyĭëħ.
7Desˑdat, O Shaˑdaˑgwënˑni'yuh; daˑgyaħ daˑguh, O Sgwënˑni'yuħ; neh gaiˑöˑnih iis sheˑyä̱ħˑdö gaˑgwe'göh nokˑniˑgoä̱ˑswaˑä̱s haˑdiˑgöhˑsaˑgeh; deˑsaˑyahˑgöhˑkuhˑnaˑdiˑnöhˑjah neh tä̱ħ'ä̱h deaˑwä̱ˑni'yuhˑkaah.
8Jaˑgoˑyahˑdaˑgwatˑhah hoˑwä̱h Naˑyahˑdaˑgwënˑni'yuh; neh saˑdähˑswiˑyʋsˑhä̱ħ gaeh haˑdiˑyah'daˑdeh neh söˑgweh dah.
လက်ရှိရွေးချယ်ထားမှု
Oˑi'waħ (Psalms) 3: SEE
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Gospels published by the American Bible Society in 1872, Psalms in 1892.