Yeso‑ka yo‑yose mai tamine 11
11
Yerosare‑ka Yeso ati‑ya mai nofa mai‑ya Bedoro hiyare
1Yodeya‑ya Yeso ati‑ya mai nofa mai toha, Yeso‑ka yo‑yose mai toha na, Yeso ati‑ya Bara mai nofawaha tamine‑ya mai mitineni.
2Yerosare‑ya Bedoro koboneya,
“Mai sowiri tati ataro‑ya mai wisinakosi awiriya Deoso‑ka mai tohaterani.” Mai ati toha, Bedoro‑ya mai weenamoneni.
3“Bedoro, mai sowiri tati ataro‑ya mai wisinakosi awiriya mai tabori‑ya ai tafaterani. Tiwa‑ta mai tabori‑ya titafani. Tiwa ene towe tohani.” Mai ati namoneni.
4Bedoro mai‑ya hiyare,
“Bara mai tabori‑ya oki‑ka, owa tamine dai mitahi.
5Yabe‑ya owina, Deoso‑ya ohiyara, Deoso ene wada‑nima yama na oawa, neme‑ya bora ibe webote‑nima yama na kisa, bora ibe fowari‑ya mai 4 kana mai damana kisa‑nima yama na owa yakari‑ya maanisa,
6Owakatoma, bani tabora‑ka mai toha, bani yama‑ka mai toha, bani mai afe wada mai toha, maka mai toha na, mai oawani.
7Neme‑ya ati kaki, ati omite,
‘Bedoro, tiwaamisiya, mai tinahabiya, mai tikabiyahi.’ Ati ne.
8‘Ayo, haa‑nima yama na okobaraboneni. Bani towe yama bisa toha‑nima mai na okobaterani.’ Ona.
9Neme‑ya ati kakitase,
‘Yama Deoso hinamosi hawa hiha, —Bisa tohani.— Tiriyahi.’ Ati ne.
10Neme‑ya bani mai oawi 3 toha, neme‑ya bora ibe tokomisama, oawami awirani.
11Neme‑ya yama tokomisami hawa tohiya, Koneriyo tabaro Sesareya‑ka mai 3 toha, mai kobona, I‑di Simaho tabaro‑ya osawe, owa‑ya mai sibanani.
12Deoso‑ka Doni owa‑ya yose,
‘Mai‑ya tisawimahi. Mai oyoseni.’ Deoso‑ka Doni ati ne.
Ati ene mai‑ya osawima, ai‑ka mai 6 toha, owa‑ya mai sawe, Koneriyo‑ka yobe‑ya oda tokiyomaroni.
13Deoso‑ka yo‑yose‑ya i‑di Koneriyo awe, Deoso‑ka yo‑yose ati‑ya mite,
‘Yabe‑ya tika yo‑yose mai tiyosehi, Simaho Bedoro‑ya mai kakamaba.
14Bedoro ati dai nofiyahi. Tiwa, tika mai toha na, dai‑ya Deoso ati somawamebonane.’ Deoso‑ka yo‑yose ati nemona, Koneriyo ati ne.
15Mai ohiyara, mai‑ya Deoso‑ka Doni kobone, mai‑ya sawi, hibati‑ya ai‑ya kobone, ai‑ya sawi‑nima i‑di Koneriyo mai‑ya sawiwahene.
16Ai‑ka Ayo ati‑ya owati kadamowama,
‘Faha‑ya Yowaho mai‑ya habanirisemari. Makobote Deoso‑ka Doni dai‑ya sawiwahebonane.’ Ai‑ka Ayo ati ne.
17Ai‑ka Ayo Yeso Kirisito ati ai nofawahamaro, Deoso‑ka Doni ai‑ya sawi, fare mai‑ya sawiwahene. Deoso mai‑ya ati sawine, hini yama‑nima obati?” Bedoro ati ne.
18Bedoro ati‑ya mai mita, fai‑ya mai weenami awirani.
“Deoso amosabote amane, ai‑nima mai nawaha, Deoso‑ya mai tamine‑ya Bara mai kamina, mai‑ya Deoso ati somawamebonane. Mai abateraboneni.” Mai ati namoneni.
Atioki‑kaya Yeso ati‑ya mai nofawaha
19Hibati‑ya Tefaho‑ya mai nanahabiya, Yeso ati‑ya mai no‑nofa tabora dami‑ya mai toka, Fenisiya‑ya mai one toka, Sibe‑ya mai one toka, Atioki‑ya mai one toka na, Yodeo mai‑ya Yeso tamine‑ya mai hiyara, Bara mai‑ya mai hiyari awira,
20Sibe‑ka mai toha, Sireni‑ka mai toha na, Atioki‑ya mai toka, Bara mai‑ya ai‑ka Ayo Yeso tamine‑ya mai hiyarawaha,
21Bara mai‑ya Yeso tamine‑ya mai hiyara, ai‑ka Ayo mai‑ya kasome, Yeso ati‑ya mai dami nofawaha,
22Yerosare‑ka mai toha Yeso ati‑ya mai no‑nofa Bara mai tamine‑ya mai mita, i‑di Banabe‑ya mai yosemoneni, Atioki‑ya tokebonaha.
23Atioki‑ya kobone, mai‑ya awe, ya‑yaine,
“Deoso mai‑ya kasomane.” Atibodi ati ne.
“Ai‑ka Ayo i‑di Yeso ati‑nima dai nahi, dai nafi.” Ati nemonane.
24Banabe ene amose, Deoso‑ka Doni fai‑ya sawi, Deoso ati‑ya nofi nafi, ati ene Yeso ati‑ya mai dami nofawahamoneni.
25Makobote Taso‑ya tokane, i‑di Saoro‑ya dodimakibonaha.
26Saoro‑ya wasi, Atioki‑ya Saoro‑ya kakame, Yeso ati‑ya mai no‑nofa faha fowe ohare‑ya mai‑ya mai daba, mai‑ya mai kanawata, Kirisito‑ka mai amani, mai ati nawawahamoneni, Atioki‑ya.
27Yerosare‑ka mai one Deoso ati‑ya mai mi‑mita, Atioki‑ya mai tokawaha,
28Deoso ati‑ya mai mi‑mita mai‑ka owa oni i‑di Akabo tohe, waamise, Deoso‑ka Doni ene mai‑ya hiyare,
“Ai amoni damariya, bofe nafi‑ya faha kakiriya, yamata yanariya, mai dami fimeboneni.” Akabo ati nemonane.
Makobote mai‑ka hidi i‑di Karaodio toheya, i‑di Akabo ati‑nima yama nawaha,
29Yeso ati‑ya mai no‑nofa mai ibi hiyara,
“Yodeya‑ya mai wi‑wina mai tafe wadara. Mai‑ka yinero‑ba ai daanahi. Mai tafe‑ba‑ya mai kanikibakaro.” Mai ati namoneni.
30Mai‑ka yinero‑ya mai yorotokani wama, i‑di Banabe, i‑di Saoro mai fama, yinero‑ya mai towakama, Yeso ati‑ya mai no‑nofa mai‑ka bote mai‑ya yinero‑ya mai daanamoneni.
လက်ရှိရွေးချယ်ထားမှု
Yeso‑ka yo‑yose mai tamine 11: jaaNT
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ