Panagnaan 10
10
Siga panubuꞌ ga anak si Nū
1Na ituu tu yana usuwan siga pangkatan panubuꞌ lakka man ga anak si Nū, yana si Sem, si Ham, ka si Japet. Paddus dunuk looy, lay na sila hanak-balanak.
Siga panubuꞌ si Japet
2Kuwan si Japet, anakan pituꞌ lalla, yana ga si Gomel, si Magog, si Madai, si Jaban, si Tubal, si Mesek maka si Tiras.
3Kuwan si Gomel, anakan tallu lalla, yana si Askenas, si Ripat ka si Togalma.
4Kuwan si Jaban, anakan mpat lalla, yana si Elisa, si Talsis, si Kit ka si Rodan. 5Na siga anak-mpu si Japet ilooy siꞌ, lay na maglayin pa bihing dilawut ka ni kanusa-nusahan. Boꞌ lay na sila dari jinisan bangsa kaniya-kaniya ka pallun da ka paglahat da.
Siga panubuꞌ si Ham
6Kuwan si Ham, anakan mpat lalla, yana si Kūs, si Misraim, si Put ka si Kanan.
7Kuwan si Kūs, anakan lima lalla, yana ga si Seba, si Habila, si Sabta, si Raama ka si Sabtika. Kuwan si Raama, anakan duwa lalla, yana si Siba ka si Deran.
8Balik ta pa si Kūs, luu gi disu anak na yana si Nimrod. Iya ilay bay dari disu pa-mmean basag kawasa na. 9Tanyag awon na sabap yaꞌ luu kaatu niiya ni kaalistu na manaꞌ hayop. Dari labba mandooy, luu-luu jama takita alistu manaꞌ, sambat jama, “Ilu na Tuhan pakale-kale, lalla naa subay ga si Nimrod ni kaalistu na manaꞌ.”
10Na si Nimrod ilay, lay na ga dari sultan. Duhuꞌ-duhuꞌ siga daira bay patangge na yana Babilon, Erek, Akkad ka Kalne ndooy ni Saynal. 11Song hallom, lay na baw ya pilay pa Asiriya boꞌ na lay matangge daira mpat lagi ndooy, yana Nineba, Rehobot-Ir, Kala 12ka Resen ni sallangan ga Nineba ka Kala, yana disu daira mehe.
13Na kuwan anak si Ham yana si Misraim, iya na silay poonan bangsa Lud, bangsa Anam, bangsa Lehab, maka bangsa Naptu, 14sampay bangsa Patrus, bangsa Kaslu, ka bangsa Kaptol yana poonan bangsa Pilistin.
Siga panubuꞌ si Kanan
15Na kuwan anak si Ham yana si Kanan, meka du anak na lalla. Anak na ma siyaka yana si Saydon, boꞌ pasunuꞌ si Hīt. Sila ilay siꞌ yana poonan duwa bangsa ma bay kinaddoꞌ man awon da. 16Maka si Kanan ilay poonan bangsa Jebus, bangsa Amol, bangsa Gilgas, 17bangsa Hīb, bangsa Alka, bangsa Sini, 18bangsa Albad, bangsa Semal ka bangsa Hamat.
Na siga bangsa panubuꞌ si Kanan ilay siꞌ song hallom paluha na pin paglahat da. 19Dari paglahat da ngabut sampay Saydon huwin pa uttaraꞌ boꞌ lay gi ngabut pa Geral ka Gasa huwin pa sātan. Huwin pa mataallaw, lay ngabut pa siga daira inawnan Sodom, Gomora, Adma, Seboyim sampay song pilay pa Lasiya.
20Dari meꞌ looy na silay siꞌ panubuꞌ si Ham, kaniya-kaniya na ka paglūng da ka siga pallun da, ka ga paglahat da, ddas ka parinta da.
Siga panubuꞌ si Sem
21Na kuwan danganakan si Japet, yana si Sem, iya poonan bangsa Hibrani. Anak na lima lalla, 22yana ga si Elam, si Asyul, si Alpaksad, si Lud ka si Aram. Sila ilay siꞌ yana poonan ga bangsa ma bay kinaddoꞌ man awon da. 23Kuwan ga anak si Aram yana si Us, si Hul, si Getel ka si Mesiyek.
24Na kuwan si Alpaksad siꞌ tu, yana mmaꞌ si Sela. Si Sela yana mmaꞌ si Ebel. 25Si Ebel siꞌ tu anakan duwa lalla. Disu bay inawnan si Peleg. Hatiyan Peleg, “sakkat.” Ngkon na bay inawnan meꞌ looy sabap iya bay pinamaddihan magsabtan ka jaman siga baanan manusiyaꞌ bay sakkat-sakkat kaniya-kaniya ka pallun da. Kuwan anak si Ebel ilooy disu, yana si Joktan.
26Kuwan anak si Joktan, luu sapu-tallu lalla, yana ga si Almodad, si Siyelep, si Hasalmabet, si Jera, 27si Hadoram, si Usal, si Dikla, 28si Obal, si Abimael, si Siba, 29si Opil, si Habila ka si Jobab. 30Man da maglahat, ndooy ni kapunu-punuhan huwin pa mataallaw labba man Mesiya ngabut sampay pa Sepal. 31Dari meꞌ looy na silay siꞌ panubuꞌ si Sem, kaniya-kaniya na ka paglūng da ka siga pallun da, ka ga paglahat da, ddas ka parinta da.
32Na ga manusiyaꞌ looy ilay siꞌ labbasakayi yana ga panubuꞌ si Nū. Maka ilooy na silay siꞌ usuwan da kaniya-kaniya ka paglūng da. Dari mimon bangsa taꞌ babaw junyaꞌ pōꞌ man paglūng da paddus dunuk looy.
လက်ရှိရွေးချယ်ထားမှု
Panagnaan 10: sjm
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2021, Wycliffe Bible Translators, Inc. All rights reserved.