S. Matiu 10
10
1Anun a khillikhi a khon a kharandine mukhu fununfidin, anun a sembe fikhi e ma ni serientarene khun ma, e raminide, anun konde nun fure siya dama iyelande.
2Ba, etan kherane mukhu fununfidin khille nan itoe ra: a singena, Saimoni, nakhan khilli Petri, anun Anduru a khunyana; Yakuba Sebedi a dina, anun Yohani a khunyana;
3Filipi, nun Batalomi; Tomasi, nun Matiu na duti makhilla: Yakuba Alfaia, a dina anun Tadea:
4Simoni Kananaia kanna, anun Yudasi Kerioti, nakhan fan a khun fi.
5Yisa a fununfidin itoe nan khekhi anun a nyungu e ma, a nakha, e na ma mini kafirine kirai, anun e na ma so Samarita taine sese kwi;
6Kono e siga bete Israeli bankhi fananfanan yekhene khon.
7Anun e siga dema, kawandina ba, e nakha, na arianna mangeyana bata maso.
8Furetone iyelan, fakha mukhune rakeli, dogofontone raserien, nyinane kedi: e a sotokhi ki nakhai, e a fi na ki ni.
9E na ma debulona, hama gbetuna hama wure gbela khale e nyekene kwi;
10Hali sigati labana, kumente doma fidin, hama sankidine, hama dungana, katugu a lan ne walikena kha a konton soto.
11Anun e na so tai o tai hama bankhide o bankhidena, e e ye rakoyin nakhan ne sensen: anun e lu na ha e mini na.
12Anun e so dema na bankhi kwi, a konton.
13Anun kha na bankhina sensen, e herina kha lu a kwi: kono kha a mi sensen e herina kha khate e ma.
14Anun nakhan o nakhan mu e rasukhu, anun e mu e falane rame, e ne minima atan bankhi ni hama atan tai ni, e e sanne rakunkun gbangbana kha lu na.
15Nyondi, in a fala e kha, a fisamane Sodomi nun Gomora bokhone kha kiti sa lokho ni, dangu na taina.
16A mato, in e khema alo yekhene yumbuyurune tagi: nanara, e kha kota alo sanyine, anun e kha makhumbeli alo gamba rafuruntune.
17Kono e nyokhon lu danyokhone ma de: katugu e e fima siran gbene ma, anun e e bulanmane e sali bankhine kwi;
18Nyondi, anun e e rasigamane tai kanne nun bokho kanne yera intan ma fera, na kha findi serena etan nun kafirine kha.
19Kono e na e fi yanyi nakhai, e na ma kenyen e fa nakhan falama hama a fala kina: katugu e fa nakhan falama a fima e ma na yanyi yati.
20Katugu etan kha mu a falama, kono e Fafe a Nina nan a falama e kwi.
21Anun nga kha keden khememane e e bode fie fakha khilla ma, anun fafe a dina: anun dine kelima e bari mukhune khilli ma, anun e e fakhamane.
22Anun e ranyakhuma mukhune dama mane, hake intan khilla a fera: kono nakhan na dinye ha a ranyanna, atan nan kisimane.
23Kono e na manyakhu taina ito kwi, siga e gie bona ma: katugu nyondi in a fala e kha, e mu sa Israeli taine isiga nyanmane, ha na munadabaden di khemena fa.
24Kharandina mi dangu a kharanmokho ra, anun konyi mi dangu a marigina.
25A lankhi ne kharandina kha lu alo a kharanmokho anun konyina alo a marigina. Kha e bata bankhi kanna khilli sa Bielsibuli faifa ne nakhe a bankhi ni!
26Nanara e na ma ghakhu e yera: katugu sese ye mi masakhi, nakhan ye mu mabe, anun lukhunkhi, nakhan mi kolonye.
27In nakhan fala e kha dimi ni, e na fala kwie yelan ni; anun e nakhan me tuli, e a ko rabira bankhine fari.
28Anun e na ma ghakhu e yera nakhe fatina fakhama, kono e mi noma nina fakhade: kono ghakhu bete a yera nakhan noma ni nun fatina birin kasaride Yehanama ni.
29Tuntunna fidin kha mi sara fadinna? anun hali keden bete mi bire bokho ni e fafe khambi.
30Kono hali khunsekhe yati e dama tengekhi.
31Nanara, e na ma ghakhu; e molona dangu tuntun wiakhi molona kha.
32Nanara, nakhan birin na intan ma fe dentegema mukhune yekhori, in atan nan fan ma fe dentegema in Fafe yekhori nakhan sa arianna ni.
33Kono nakhan o nakhan na in matandi mukhune yekhori, in atan nan fan matandimane in Fafe yekhori nakhan sa arianna ni.
34E na ma inyokho in fakhi heri birade dunia ma: Intan mu fakhi heri birade, kono degemana.
35Katugu in fakhi di khemena nun a fafe tagi sode, anun di teme nun a nga, anun mamukhu nun a mame:
36Anun danyokho inde gbe konkhine nan findima a yakhune.
37Fafe nun nga rafan nakhan ma dangu intan na in mi rafan na ma; anun di kheme hama di teme rafan nakhan ma dangu intan na, in mi rafan na ma.
38Anun atan nakhan mi a toro tongo anun a bira in fokhora, in mi rafan na ma.
39Atan nakhan a sina fenma a a ralomaine; anun atan nakhan a sina ralomai intan ma fera a a tomane.
40Nakhan na e rasukhu a intan nan nasukhu, anun nakhan na in nasukhu nakhan in khekhi a na nan nasukhu.
41Nakhan na onabi rasukhu onabi khilli ma a onabi konton nan sote: anun nakhan na mukhu tinkhin na sukhu mukhu tinkhin khilli ma a mukhu tinkhin konton nan sote.
42Anun nakhan o nakhan na yige khumbela yilenge ye keden gbansan fi a khunkhuri di itoe ma a minde, kharandi khilli ma, nyondi in a fala e kha, a mi sa ganma a kontonna ra.
လက်ရှိရွေးချယ်ထားမှု
S. Matiu 10: YAL
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
First published by the British and Foreign Bible Society in 1907.
