ମାତିଉ 12
12
ବିଶ୍ରାମ୍ଦିନେ ପାଲନ୍
(ମାର୍କ ୨:୨୩-୨୮; ଲୁକ ୬:୧-୫)
1ଇଦିନ୍ ବେସ୍କ୍ ଦିନାତ୍ ପେର୍କେ ୱେରଡ଼୍ ବିଶ୍ରାମ୍ଦିନ୍ ଜିସୁ ୱିତି ମାନ୍ଦାନ୍ ୱାୟେତାଲାନ୍ ଆଞ୍ଜମାତ୍ତଣ୍ଡ୍ । ତାନ୍ ଶିଷ୍ୟନଡ଼୍କ୍ କାର୍ପୟିତାଙ୍କ୍ ଅଡ଼୍ ୱିତ୍ତାଗାଙ୍କ୍ କେଡ଼୍ ଦେହେସ୍ ତିନ୍ଦାଙ୍କ୍ ପସ୍ପ୍ତ୍ତଡ଼୍ । 2ପାରୂଶୀନଡ଼୍ ଆଦ୍ ଉଡ଼ି ନାରୁଡ଼୍କ୍ କେତ୍ତଡ଼୍, “ଉଡ଼ାଟ୍, ବିଶ୍ରାମ୍ ଦିନ୍ ମିଇ ଶିଷ୍ୟନଡ଼୍ ବେଦ୍ଲେକାମ୍ ଶାସ୍ତ୍ର ବିରୁଦ୍ଦ୍ତେ ପାଡ଼୍ୟି ମାଡ଼ୁତଡ଼୍ ?”
3ଜିସୁ ଅଡ଼୍କିଂଙ୍କ୍ ଉତ୍ତର୍ କେତ୍ତନ୍, “ଅନ୍ ଦିନ୍ ଦାଉଦ୍ ନୁ ତାନ୍ ଶିଷ୍ୟନଡ଼୍ କାର୍ୱିନ୍ ମାନ୍ଦାନ୍ ୱେଲେ ଦାଉଦ୍ ବାତ୍ ବାତ୍ ମାଡ଼ି ମାତ୍ତଣ୍ଡ୍, ମିଡ଼୍ ଶାସ୍ତ୍ରତାଗ୍ କାର୍ୱିଡ଼୍ ? 4ଅଡ଼୍ ବେଲାନ୍ ଇଶ୍ୱର୍ତେ ମନ୍ଦିର୍ ତେ ଲୋପେ ଆଞ୍ଜ୍ ଇଶ୍ୱର୍ତିଙ୍କ୍ ଇତ୍ତେ ରୂଟି ତିତ୍ତଡ଼୍ । ଶାସ୍ତ୍ର ଲେକାମ୍ ପୁରହିତ୍ତିଙ୍କ୍ ୱିଡ଼୍ସି ଆଉ ରୋଟି ତିନ୍ଦାନ୍ ସେଙ୍ଗେ ବେନନାଦ୍ ମେଣ୍ଡେ ଅଦିକାର୍ ଇଲ୍ୱେ ମାତ୍ତେ । 5ମିଡ଼୍ ବାତେଏ କାର୍ୱିଡ଼୍ ? ମୋଶାନ୍ ବେବସ୍ଥା ଲେକାମ୍ ପୁରହିତ୍ନଡ଼୍ ବିଶ୍ରାମ୍ ବାର୍ତେ ମନ୍ଦିର୍ ଲୋପେ ପୁରୋହିତ ନଡ଼୍ ବିଶ୍ରାମ୍ଦିନ୍ ନିୟମ୍ ବିରୁଦ୍ ମାଡ଼ମାତ୍କେ ମିକା ଆଦିନ୍ ସେଙ୍ଗେ ଅଡ଼୍ ଦଷ୍ ପୁନ୍ଦାଙ୍କ୍ ଆୟ୍ୟଡ଼୍ ? 6ନାନ୍ ମିକିଂଙ୍କ୍ କେତୁତାନ୍, ମନ୍ଦିର୍ତାଦ୍ ମହତ୍ ବିଷୟ ନେଣ୍ଡ୍ ଇଗେମିନ୍ଦେ । 7#ମାତିଉ ୯:୧3.ଶାସ୍ତ୍ର କେତିତ୍, ‘ନାନ୍ ଦୟା, ବଲିଦାନ୍ ଆୟ୍ୟ,’ ଇଦ୍ ଗଟ୍ ତେ ଇତ୍କେ ଯଦି ବୁଜେମ୍ ଆଦ୍ତିଡ଼୍, ଇଡ଼୍ ଆଦେଶ୍ତେ ନାରୁଡ଼୍କ୍ ମିଡ଼୍ ଦଷ୍ ମାଡ଼୍ୱିଡ଼୍ ଆୟେଡ଼ି । 8ପୁଞ୍ଜ୍ ମାନୁଟ୍, ନାରୁନ୍ ପିଲେ ସ୍ୱୟଂ ବିଶ୍ରାମ୍ ବାର୍ତେ ପ୍ରଭୁ ।”
ୱାସ୍ତେ କାୟ୍ ନାରୁନ୍ ସୁସ୍ଥତା
(ମାର୍କ ୩:୧-୬; ଲୁକ ୬:୬-୧୧)
9ଜିସୁ ଆଦ୍ ପଡ଼ିୟେ ତାଗାଙ୍କ୍ ଆଞ୍ଜ୍ ପ୍ରାର୍ତନା ଲୋନ୍ ଅସ୍ତନ୍ । 10ୱେରନ୍ ୱାସ୍ତେ କାଇତେନଣ୍ଡ୍ ଆଗେ ମାତ୍ତଣ୍ଡ୍ । ଜିସୁନ୍ ଦଷ୍ ପୟିତାନ୍ ସେଙ୍ଗେ ମାନ୍ଦେ ନାରୁଡ଼୍ ଆଗେ କେପିମାତ୍ତଡ଼୍ । ଅଡ଼୍ ଜିସୁଙ୍କ୍ କେତ୍ତଡ଼୍, ବିଶ୍ରାମ୍ ଦିନ୍ ସୁସ୍ଥ ମାଡ଼ାନାଦ୍ ଶାସ୍ତ୍ର ବିରୁଦ୍ ଆୟ୍ୟ କି ?
11 #
ଲୁକ ୧୪:୫. ଜିସୁ ଉତ୍ତର୍ ଇସ୍ କେତ୍ତଣ୍ଡ୍, “ବିଶ୍ରାମ୍ଦିନ୍ ଯଦି ମିୟାଦ୍ ମେଣ୍ଢା ୱେରଡ଼୍ ଗୁଇନ୍ଦେତାଗ୍ ରାଲିତ୍, ମିଡ଼୍ ଆଦିଙ୍କ୍ ତେସ୍ ତାଡ଼୍ୱିଡ଼୍କି ? 12ୱେରନ୍ ନାରୁନ୍ ମୁଲ୍ୟ ୱେରଡ଼୍ ମେଣ୍ଢେତ୍ ମୁଲ୍ୟତ୍ ୱିଡ଼୍ସି ଗାଟି ଅଦିକ୍ । ଆଲେକେ ବିଶ୍ରାମ୍ଦିନ୍ ମେଣ୍ଡ୍ଅର୍ତିଙ୍କ୍ ସାହାଯ୍ୟ ମାଡ଼ାନାଦ୍ ମାୟାଦ୍ ଶାସ୍ତ୍ରତାଗ୍ ପାଡ଼୍ୟି ।” 13ଆଦ୍ କେସ୍ ଅଣ୍ଡ୍ କାୟ୍ ୱାତିମାନ୍ଦାନ୍ ନାରୁଙ୍କ୍ କେତ୍ତଣ୍ଡ୍, “କାୟ୍ ତିନାଙ୍କ୍ ମାଡ଼େ ।” ନାରୁନ୍ କାୟ୍ ତିନାଙ୍କ୍ ମାଡ଼ାନ୍ ସାଙ୍ଗେ ସାଙ୍ଗେ ଆଦ୍ କାୟ୍ ମେଣ୍ଡନ୍ କାୟ୍ ଇନା ସୁସ୍ଥ ଆତ୍ତେ । 14ତାନ୍ପେର୍କେ ପାରୂଶୀଡ଼୍ ଆଦ୍ ପଡ଼ିୟେତାଗାଙ୍କ୍ ପେଇସ୍ ଆଞ୍ଜ୍ ଜିସୁଙ୍କ୍ ଆୱୁକାନ୍ ସେଙ୍ଗେ ଷଡ଼ଯନ୍ତ୍ର ମାଡ଼୍ତଡ଼୍ ।
ଇଶ୍ୱର୍ ହେଞ୍ଚିମାନ୍ଦାନ୍ ଦାସ
15ତାନ୍ ବିରୁଦ୍ଦ୍ତେ ଆସମାନ୍ଦାନ୍ ଷଡ଼ଯନ୍ତ୍ର ଗଟ୍ କେଞ୍ଜି ଜିସୁ ଆଦ୍ ଟାଉନ୍ ୱିଡ଼୍ସି ମେଣ୍ଡନ୍ ପାକେ ଆତ୍ତନ୍ । ଇତ୍କେ ନାର୍ଗେ ନାରୁଡ଼୍ ଅନ୍ ପେର୍କେ ଆତ୍ତଡ଼୍ । 16ଜିସୁ ରୋଗି ନାରୁଡ଼୍କ୍ ସୁସ୍ଥ ମାଡ଼ମାତ୍ତନ୍, ବାତେଙ୍କ୍ ଇତ୍କେ ତାନ୍ ବିଷୟ୍ତେ ବାଗାତଡ଼୍କିଙ୍କ୍ ବାତେଏ କେଲ୍ମାଟ୍ ଇଞ୍ଜ ଗଟ୍ ହିସମାତ୍ତନ୍ । 17ହିଦିନ୍ ତଡ଼୍ ବାବବାଦୀ ଯିଶାୟତେ ତଡ଼୍ ଇଶ୍ୱର୍ ବେନ୍ଗଟ୍ କେଞ୍ଜ୍ପିମାତ୍ତନ୍, ଆଦ୍ ସାରେ ଆତ୍ତେ;
18“ହିଣ୍ଡ୍ ନା ପ୍ରିୟ ଦାସ,
ଅଂକିଙ୍କ୍ ନାନ୍ ପ୍ରେମ ମାଡ଼ୁତାନ୍, ଅନ୍ ସେଙ୍ଗେ ନାନ୍ ଶାନ୍ତି ।
ନାୱାଦ୍ ଆତ୍ମା ଅନ୍ ପରୁ ଡିଗିତ୍ତେ;
ସାରେ ବିଜାତିନ୍ ଗାର୍ରେ ଅନ୍ ନା ନ୍ୟାୟ ବିଚାର୍ ଗଷନା ମାଡ଼ିତନ୍ ।
19ଅଣ୍ଡ୍ ରାମ୍କ୍ ଆୟନ୍ କି ମର୍ରେ ଆୟନ୍,
ରୋଟ୍ ନାଡ଼୍ମେ ନିସ୍ ଗାଟିଲେଙ୍କ୍ଦେ ଗଟି କେଲ୍ଲନ୍ ।
20ଦୁର୍ବଲ୍ମାନ୍ଦାନଡ଼୍ ସେଙ୍ଗେ ଅଣ୍ଡ୍ କମଲ୍ ବ୍ୟବହାର୍ ମାଡ଼ିତନ୍ ନୁ
ରୋଗ୍ତେ ମାନ୍ଦାନଡ଼୍କ୍ ଦୟା ମାଡ଼ିତନ୍ ।
ନ୍ୟାୟ ଶାନ୍ତି ଆଦାନ୍ ଯାକ ଅଣ୍ଡ୍ ଅନ୍ ସାଦନାକଞ୍ଚ୍ ତଡ଼୍ ଆୟନ୍ ।
21ଅନ୍ ପର୍ର ସାରେ ଜାତିନ୍ ନାରୁଡ଼୍ ଆଶେ ୱାଟିତଡ଼୍ ।”
ଜିସୁ ନୁ ବାଆଲ୍ଜିବୁଲ୍
(ମାର୍କ ୩:୨୦-୩୦; ଲୁକ ୧୧:୧୪-୨୩)
22ତାନ୍ ପେର୍କେ ଅନ୍ ଦିନ୍ ନାରିଡ଼୍ ୱେରଙ୍କ୍ କାନାଙ୍କ୍ ନୁ କନ୍ଦାଙ୍କ୍ ତାତ୍ତଡ଼୍ । ଅଙ୍କ୍ ବୁତ୍ ପୟ୍ତାଙ୍କ୍ ଗଟି ତିର୍ୟାନଙ୍କ୍ ପାର୍ୱେମାତ୍ତନ୍ । ଜିସୁ ଅଂକିଙ୍କ୍ ସୁସ୍ଥ ମାଡ଼୍ତଣ୍ଡ୍ । ଅଣ୍ଡ୍ ଉଡ଼େପାର୍ତନ୍ ନୁ ତିର୍ୟାଙ୍କ୍ ପାର୍ତନ୍ । 23ଜିସୁନ୍ ଆଦ୍ ପାଡ଼୍ୟି ଉଡ଼ି ନାରୁଡ଼୍ ବାକ୍ୱା ଆସ୍ ଅଂକିଙ୍କ୍ କେତ୍ତଡ଼୍, “ଇଣ୍ଡ୍ ବାତେଏ ଆ ଦାଉଦ୍ ତେ ବଂଶତଣ୍ଡ୍ ?”
24 #
ମାତିଉ ୯:3୪; ୧୦:୨୫. ପାରୂଶୀଡ଼୍ ଆଦେକେଞ୍ଜି କେତ୍ତଡ଼୍, “ଅଣ୍ଡ୍ ପ୍ରେତପତି ବାଆଲ୍ଜିବୁଲ୍ ତାଗାଙ୍କ୍ ଶକ୍ତି ଦର୍ସ୍କି ବୁତ୍ ୱିର୍ସ୍ପୁତନ୍ ।”
25ଅଡ଼୍ ବାତେଚିନ୍ତା ମାଡ଼ୁତଡ଼୍ ଜିସୁ ପୁଞ୍ଜ୍ କେତ୍ତନ୍, “ୱେରଡ଼୍ ଦେଶ୍ତେ ନାରୁଡ଼୍ ୱେରେ ମାନ୍ଦେତାଗ୍ ୱିରି ତାମ୍ତାମ୍ ଲୋପେ ଲଡ଼େମ୍ ଆତ୍କେ, ଆଦ୍ ଦେଶ୍ ଗାଟି ଦିନ୍ ସାୟେ ମାନ୍ଦେପାର୍ୱ । ବେନ୍ଆଇ ଟାଉନ୍ତାଗ୍ ବା ପରିବାର୍ ଲୋପେ ୱେରେ ମାନ୍ଦେ ଆସ୍ ରାମ୍କ୍ ଆତ୍କେ, ଅଡ଼୍ ଯାପେ ଦଂସ ଆଦ୍ତଡ଼୍ ।” 26ଆଲେକେ, ଶୟ୍ତାନ୍ ରାଜ୍ୟତାଗ୍ ଯଦି ୱେରଡ଼୍ ମାନ୍ଦେ ମେଣ୍ଡ୍ନ୍ ମାନ୍ଦେତ୍ ବିରୁଦ୍ଦ୍ତେ ଲଡ଼େମ୍ ଆଦ୍ତେ, ପୁନ୍ଦାଙ୍କ୍ ଆଦ୍ତେ ଯେ ଆଦ୍ ଦୁଡ଼ା ବିକଣ୍ଡ ଆସ୍ ସାରେଦିନାମ୍ ସେଙ୍ଗେ ଦଂସ ଆଦ୍ତେ । 27ମିଡ଼୍ କେତୁତିଡ଼୍, ନାନ୍ ବାଆଲ୍ଜିବୁଲ୍ ଶକ୍ତିତେ ପ୍ରେତାତ୍ମାକିଂଙ୍କ୍ ୱିର୍ସ୍ପୁତାନ୍ । ଆଲେକେ ଆୱିଙ୍କ୍ ତଲାନ୍ ସେଙ୍ଗେ ମିଇ ଶିଷ୍ୟନଡ଼୍ ଇଦ୍ ପାଡ଼ିୟ୍ଦେନଡ଼୍ ମିଇ ଅବିଯଗ୍ ବୁସାଇଞ୍ଜ ପ୍ରମାନ୍ ଆଦୁତ୍ତେ । 28ବୁତ୍ ୱିର୍ସ୍ପାନ୍ ଶକ୍ତି ନାନ୍ ବାଆଲ୍ଜିବୁଲ୍ ତାଗାଙ୍ଗ୍ ଦର୍ସ୍କନ୍ । ଇଶ୍ୱର୍ତେ ଆତ୍ମା ତାଗାଙ୍କ୍ ଆଦ୍ ନାନ୍ ଦର୍କ୍ସ୍ତାନ୍ । ହିଦିନ୍ ତଡ଼୍ ମେଣ୍ଡେ ୱେରଡ଼୍ ପ୍ରମାନ୍ ଆଦୁତ୍, ସ୍ୱର୍ଗରାଜ୍ୟ ମିଇ ପାକେ ୱାସ୍ମିନ୍ଦେ ।
29“ୱେରନ୍ ଶକ୍ତିମାନ୍ଦାନ୍ ନାରିଙ୍କ୍ ମୁନେଙ୍କ୍ ତୱେମାତ୍କେ, ବେନ ତାନ୍ ଲୋତାଗାଙ୍କ୍ ଜବର୍ଦସ୍ତ ନେଙ୍ଗି ତାନ୍ ସମ୍ପତି ୱିର୍ସ୍ପି ଅଦେପାର୍ୱନ୍ ।”
30 #
ମାର୍କ ୯:୪୦. “ବେନ ନା ତଡ଼୍ ଇଲାଣ୍ଡ୍, ଅଣ୍ଡ୍ ସାରେତିଙ୍କ୍ ନା ବିରୁଦ୍ଦ୍ତେ ମିନ୍ଦେନ୍ । ବେନ ନା ତଡ଼୍ କାହିଲି ଗୁଡ଼୍ପନ୍, ଅଣ୍ଡ୍ ବାସ୍ତବିକ ନା ବିରୁଦ୍ ମାଡ଼ୁତଣ୍ଡ୍ ।” 31ଆଲେକେ ନାନ୍ ମିକିଂଙ୍କ୍ କେତୁତାନ୍, ନାରୁଡ଼୍ ଯେ ବାତ୍ଆଇ ପାପ୍ ମାଡ଼ିତନ୍ ବା ସାରେ ଗଟି କେଲିନ୍ ଆଦିନ୍ ସେଙ୍ଗେ ଅଂକିଙ୍କ୍ କ୍ଷମା ଇଦାଙ୍କ୍ ଆଦ୍ତେ । ବାତେଙ୍କ୍ ଇତ୍କେ ଯଦି ବେନ୍ ପବିତ୍ରଆତ୍ମା ବିରୁଦ୍ଦ୍ତେ ବାତେଏ କେତିତନ୍, ଅନାଦ୍ କ୍ଷମା ଇଲେ । 32#ଲୁକ ୧୨:୧୦.ବେନ୍ ନାରୁନ୍ପିଲେ ବିରୁଦ୍ଦ୍ତେ ବାତେଏ ପାପ୍ ମାଡ଼୍କେ ବା କେତ୍କେ, ଅଂକିଙ୍କ୍ କ୍ଷମା ଦର୍କିତ୍ । ବାତେଙ୍କ୍ ଇତ୍କେ ଯେ ବେନ ପବିତ୍ରଆତ୍ମା ବିରୁଦ୍ଦ୍ତେ ବାତ୍ କେତିତନ୍, ଅଂକିଙ୍କ୍ ଇଞ୍ଜେ ବା ବବିଷ୍ୟତ୍ତେ ବେସୁଙ୍କ୍ ବା କ୍ଷମା ଦର୍କ ।
ମାଡ଼େ ନୁ ତାନ୍ କାୟା
(ଲୁକ ୬:୪୩-୪୫)
33 #
ମାତିଉ ୭:୨୦; ଲୁକ ୬:୪୪. “ଲେକେତ୍ କାୟା ଆଦାନ୍ ସେଙ୍ଗେ ମାଡ଼େ ଲେକାମ୍ ଆଦାନ୍ ଦର୍କାର୍ । ପିନ୍ଦଲାଉ ମାଡ଼େତାଗ୍ ପିନ୍ଦଲାଉ କାୟା ଆଦ୍ଦିତ୍ତା । ମାଡ଼େ ବେଦ୍ଲେକାମ୍, ତାନ୍ କାୟାନ୍ ତଡ଼୍ ପୁନ୍ଦାଙ୍କ୍ ଆଦ୍ତେ ।” 34#ମାତିଉ 3:୭; ୨3:33; ଲୁକ 3:୭; ମାତିଉ ୧୫:୧୮; ଲୁକ ୬:୪୫.ଆରେ ତାଡ଼ାମ୍ ବଂଶତ୍ କପାତ୍ ନାରୁଡ଼ି ! ନିଜେ କପାମ୍ ଆସ୍ ମିଡ଼୍ ବାତେଏ ସାୟେ ଗଟ୍ କେତ୍ପାର୍ତିଡ଼୍ ? ହୃଦୟ୍ତେ ହେର୍କା ମକମ୍ ଇସ୍ ପେହିତିତ୍ । 35ୱେରନ୍ ଲେକେତ୍ ନାରୁନ୍ ଲେକାମ୍ ବର୍ତ୍ତି ଆସ୍ମାନ୍ଦାନ୍ ତାନ୍ ସାୟେତ୍ ବଣ୍ଡାର୍ ତାଗାଙ୍କ୍ ସାୟେତ୍ ଜିନିଷ୍ ପେସ୍ପିତଣ୍ଡ୍ । ୱେରନ୍ କାରାପ୍ ନାରୁନ୍ ତାନାଦ୍ କାରାପ୍ ଜିନିଷ୍ତେ ବର୍ତ୍ତି ଆସ୍ମାନ୍ଦାନ୍ କାରାପ୍ ବଣ୍ଡାର୍ତାଗାଙ୍କ୍ କାରାପ୍ ଜିନିଷ୍ ପେସ୍ପିତନ୍ ।
36“ମିଡ଼୍ କେସ୍ମାନ୍ଦାନ୍ ସାରେ ମୁଲ୍ୟ ଇଲ୍ୱେ ଗଟ୍ ସେଙ୍ଗେ ବିଚାର୍ ଦିନେତେ ମିକିଂଙ୍କ୍ ସାକ୍ଷି ହିଦାଙ୍କ୍ ଆଦ୍ତେ । 37ମିଇ ଗଟ୍ତେ ସେଙ୍ଗେ ମିଡ଼୍ ବିଚାରିତ ଆସ୍ ନିର୍ଦୋଷ୍ ବା ଦଷି ଶାବ୍ୟସ୍ତ ଆଦ୍ତିଡ଼୍ ।”
ବାକ୍ୱା ପାଡ଼୍ୟିଦେ ସେଙ୍ଗେ ଦାବି
(ମାର୍କ ୮:୧୧-୧୨; ଲୁକ ୧୧:୨୯-୩୨)
38 #
ମାତିଉ ୧୬:୧; ମାର୍କ ୮:୧୧; ଲୁକ ୧୧:୧୬. ଅନ୍ଦିନେ ବେସ୍ତୁଡ଼୍ ପାରୂଶୀଡ଼୍ ନୁ ଦର୍ମଗୁରୁଡ଼୍ ଜିସୁଙ୍କ୍ କେତ୍ତଡ଼୍, “ଗୁରୁ, ନିୟାଦ୍ ୱେରଡ଼୍ ଆଶର୍ଯ୍ୟ ପାଡ଼୍ୟି ଉଡ଼ାନଙ୍କ୍ ଇଚ୍ଛା ମାଡ଼ୁତମ୍ ।”
39 #
ମାତିଉ ୧୬:୪; ମାର୍କ ୮:୧୨. ଜିସୁ ଆଶର୍ଯ୍ୟ ଲେକାମ୍ ମାଡ଼ି କେତ୍ତନ୍, ଇ ଯୁଗ୍ତେ ନାରୁଡ଼୍ ବେସର୍ ଦୁଷ୍ଟ ନୁ ଇଶ୍ୱର୍ ବିଶ୍ୱାସ୍ ଆୟନ୍ । ମିଡ଼୍ ନାକିଂଙ୍କ୍ ୱେରଡ଼୍ ବାକ୍ୱା ପାଡ଼୍ୟି ତୱାଙ୍କ୍ କେତୁତିଡ଼୍ ? ମାତର୍ ବାବବାଦୀ ଯୁନସ୍ତେ ଜିୱୁନ୍ତେ ଗଟେମ୍ ଆସ୍ମାନ୍ଦାନ୍ ବାକ୍ୱା ପାଡ଼୍ୟି କେ ମିକିଂଙ୍କ୍ ତହସିଦ୍ ୱେହିତିତ୍ । 40ଯୂନସ୍ ବେଦ୍ ଲେକାମ୍ କିକେତ୍ ଡଙ୍କେତାଗ୍ ମୁଣ୍ଡ୍ଦିନା ନୁ ମୁଣ୍ଡ୍ନାର୍କା ମାତ୍ତନ୍, ଆଦେ ଲେକାମ୍ ନାରୁନ୍ ପିଲେ ମିକା ବୂମ୍ତେ ଲୋପେ ମୁଣ୍ଡ୍ଦିନା ନୁ ମୁଣ୍ଡ୍ନାର୍କା ମାନ୍ତନ୍ । 41ବିଚାର୍ ଦିନ୍ ନିନିବୀତେ ନାରୁଡ଼୍ ମିଇ ବିରୁଦ୍ଦ୍ତେ ଅବିଯଗ୍ ମାଡ଼ାଙ୍କ୍ ନିଲ୍ଦ୍ତଡ଼୍, ବାତେଙ୍କ୍ ଇତ୍କେ ଯୁନସ୍ତେ ପ୍ରଚାର୍ କେଞ୍ଜି ଅଡ଼୍ ପାପ୍ ଆର୍ଦାଗା ମାଲ୍ସ୍ ୱାତ୍ତଡ଼୍ । ନାନ୍ ମିକିଂଙ୍କ୍ କେତୁତାନ୍, ଯୁନସ୍ତାଗାଙ୍କ୍ ବେଡ଼୍ୟଣ୍ଡ୍ ୱେରନ୍ ହିଗେ ମିନ୍ଦେନ୍ । 42ବିଚାର୍ ଦିନେତେ ଶିବାର ନାଟାଡ଼୍ ମିୟାଦ୍ ଦଷ୍ ତଅତାନ୍ ସେଙ୍ଗେ ନିତିତେ, ବାତେଙ୍କ୍ ଇତ୍କେ ନାରୁଡ଼୍ ବୁଦ୍ତେ ଗଟ୍ କେଞ୍ଜାନ୍ ସେଙ୍ଗେ ପୃତିବିତେ ସାରେଏକାମ୍ତେ ୱାତ୍ତଡ଼୍; ବାତେଙ୍କ୍ ଇତ୍କେ ନାନ୍ ମିକିଂଙ୍କ୍ ନିଜାମ୍ ତେ କେତୁତାନ୍, ଶଲୋମନ୍ ତାଗାଙ୍କ୍ ମହୀୟାନ୍ ୱେରନ୍ ଇଗେ ମିନ୍ଦେନ୍ ।
ପ୍ରେତାତ୍ମାତେ ମାଲ୍ସ୍ ୱାତ୍ତେ
(ଲୁକ ୧୧:୨୪-୨୬)
43“ନାରୁନ୍ ମେନ୍ଦୁଲ୍ ତାଗାଙ୍କ୍ ପେଇସ୍ ଆତ୍ତେ ପେର୍କେ ୱେରଡ଼୍ ପ୍ରେତ୍ ଆତ୍ମା ଉସ୍କ ନାର୍ତାଗେ ବିଚରନ୍ ମାଡ଼ି ମେଣ୍ଡନ୍ ପଡ଼ିୟେ ନେଲ୍ ମେହେକିତ୍ । 44ଆଦ୍ ଦର୍କ୍ୱେ ମାତ୍କେ, ତାନ୍ ମୁନେତ୍ ଲୋତ୍ତା ମାଲ୍ସ୍ ଆଦାଙ୍କ୍ ଇଚ୍ଛାମାଡ଼ିତ୍ । ଯଦି ମାଲ୍ସ୍ ଆଞ୍ଜ୍ ଉଡ଼ିତ୍, ଆଦ୍ ଲୋନ୍ ଲେକେତ୍ ସପାସୁତରା ଆସ୍ ଆସାମେ ମିନ୍ଦେ, 45ଅନାଗ୍, ମେଣ୍ଡେ ଦୁଷ୍ଟ ସାତ୍ଟାନ୍ ପ୍ରେତତିଙ୍କ୍ ନିମନ୍ତ୍ରନ ମାଡ଼ିତାତିତ୍ ନୁ ଆୱ୍ ସାରେ ଆଦ୍ ଲୋନ୍ ମାନ୍ତା । ଇଦିନ୍ତଡ଼୍, ଆଦ୍ ବୁତ୍ ପୟିତ୍ତେ ନାରୁନ୍ ଶେଷ୍ ଦଷ୍ ମୁନେତ୍ ଦଷ୍ତାଗାଙ୍କ୍ ଗାଟି ଗଡ଼୍ବଡ଼୍ ଆଦ୍ତେ । ହିଦ୍ ଯୁଗ୍ତେ ଦୁଷ୍ଟ ନାରୁଡ଼୍ ହିଦ୍ଲେକାମ୍ ଗାଟି ତିପାଲ୍ ଆଦ୍ତଡ଼୍ ।”
ଜିସୁନ୍ ୟାୟ୍ ନୁ ଦାଦାଲଡ଼୍
(ମାର୍କ ୩:୩୧-୩୫; ଲୁକ ୮:୧୯-୨୧)
46ଜିସୁ ନାରୁଡ଼୍ ତଡ଼୍ ଗଟିଆଦାନ୍ ୱେଲେ ତାନ୍ ୟାୟ୍ ନୁ ଦାଦାଲଡ଼୍ ଆଦ୍ ପଡ଼ିୟେତାଗ୍ ହେଉସ୍ ଅଂକିଙ୍କ୍ କେତାନଙ୍କ୍ ବାଇଦେ କେପି ଅଂକିଙ୍କ୍ କାର୍ଙ୍ଗ୍ତଡ଼୍ । 47ୱେରନ୍ ନାରୁନ୍ ୱାସ୍ ଜିସୁଙ୍କ୍ କେତ୍ତଣ୍ଡ୍, “ଉଡ଼େ, ନି ୟାୟ୍ ନୁ ଦାଦାଲଡ଼୍ ନି ସେଙ୍ଗେ ବାଇଦେ କେପ୍ତଡ଼୍ ।”
48ଜିସୁ ଉତ୍ତର୍ କେତ୍ତଣ୍ଡ୍, “ବେନ ନା ୟାୟ୍ ନୁ ବେନ ନା ଦାଦାଲ୍ ?” 49ଶିଷ୍ୟନଡ଼୍ ପାକେ କାୟ୍ ତଅସ୍ କେତ୍ତଣ୍ଡ୍, “ହିଡ଼୍ ଆଦୁତଡ଼୍ ନା ୟାୟ୍ ନୁ ନା ଦାଦାଲଡ଼୍ । 50ବେନ ଆୟି ନା ସ୍ୱର୍ଗତେ ବାବାନ୍ ଇଚ୍ଛା ଲେକାମ୍ ମାଡ଼ିତନ୍, ଅଣ୍ଡ୍ ନା ଦାଦାଲ୍, ନା ଏଲାଡ଼୍ ନୁ ନା ୟାୟ୍ ।”
လက်ရှိရွေးချယ်ထားမှု
ମାତିଉ 12: NTKaa20
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
The New Testament in Koya Language © The Word for the World International and Koya Translation Samithi, Malkangiri, Odisha 2020
