Israelfɔ Ɩlʋ 148
148
Mlɩ Fɛ́ɛ́, Mlɩkanfʋ Nana Bulu Ɩda
1Mlɩkanfʋ Nana Bulu!
Mlɩkanfʋ mʋ tsu ɔsʋsʋ.
Mlɩkanfʋ mʋ ɔfʋakpa ɩnʋ!
2Mʋ abɔpʋ fɛ́ɛ́, mlɩkanfʋ mʋ.
Ɔsʋsʋ ɩsa akɔpʋ fɛ́ɛ́, mlɩkanfʋ mʋ!
3Owi mʋ́a ɔtsra, mlɩkanfʋ mʋ.
Ntsrakpabiá ɩtɔwankɩ fɛ́ɛ́, mlɩkanfʋ mʋ!
4Ɔsʋsʋʋsʋ, kanfʋ mʋ.
Nwʋlʋtasʋ ntsu, kanfʋ mʋ.
5Amʋ́ fɛ́ɛ́, bʋkanfʋ Nana Bulu ɩda,
tsufɛ mʋlɛlɛ ɔnɔ, bɛlɩn.
6Ɔlɛyaɩ amʋ́ ha brɛ fɛ́ɛ́,
ɔlɔtswɩ ɔka ha amʋ́, bʋmɛ́ɛtalɩ dafa mʋ́sʋ.
7Mlɩkanfʋ Nana Bulu ɔsʋlʋsʋ.
Ɔpʋtɔ-mbwɩ akpɔnkpɔntɩ pʋ́ mʋ́ ibuntɔ ntobi fɛ́ɛ́, mlɩkanfʋ mʋ.
8Ogya mʋ́a atsufolibi, atsufɔlɩ pʋ́ ogyasi tuun,
pʋ́ atsufu fɛ́ɛ́ bʋtegyi mʋ asʋnsʋ!
9Abʋ mʋ́a nkuku fɛ́ɛ́,
nyi swie-abi mʋ́a Lebanon ndum,
10pututɔ mʋ́a woyitɔ-mbwɩ,
mbwɩ wɔlɩhɛ pʋ́ mbubwi fɛ́ɛ́, mlɩkanfʋ Nana Bulu!
11Ɔsʋlʋsʋ awie pʋ́ ɔmá fɛ́ɛ́,
wulu ahandɛ pʋ́ ɔmásʋ agyipʋ fɛ́ɛ́,
12nyasubi mʋ́a mbitebi,
nyebi-ahandɛ fɛ́ɛ́!
13Mlɩ fɛ́ɛ́, mlɩkanfʋ Nana Bulu ɩda,
tsufɛ mʋ ɩda nkʋlɛ pɛ lɔfʋa.
Mʋ numnyam lɔfʋa dʋn ɔsʋ mʋ́a asɩ.
14Alawa mʋ ɔmá ɔwʋnlɩn.
Mʋ aha ánɩ́ bʋtamakpa mʋ ɔma
pʋ́ mʋ ɩklʋnsʋ aha Israelfɔ bʋkanfʋ mʋ.
Mlɩkanfʋ Nana Bulu!
လက်ရှိရွေးချယ်ထားမှု
Israelfɔ Ɩlʋ 148: nko
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation